అవే ఉద్రిక్తతలు.. నష్టాల్లో స్టాక్‌ మార్కెట్‌

ముంబై: ఓ వైపు చర్చలంటూ రష్యా చెబుతున్నా మరో వైపు దాడులు కొనసాగుతూనే ఉన్నాయి. దీంతో యుద్ధం ఏ మలుపు తీసుకుంటుందో తెలియక ఇన్వెస్టర్లు ఆందోళన చెందుతున్నారు. ఈక్విటీ మార్కెట్ల నుంచి పెట్టబడులు వెనక్కి తీసుకుంటున్నారు. ఫలితంగా ప్రపంచ, ఏషియా మార్కెట్లలో ప్రతికూల వాతావరణం నెలకొంది. దీని ఎఫెక్ట్‌ దేశీ మార్కెట్లపై కూడా కనిపిస్తోంది.

ఈ రోజు ఉదయం 9:10 గంటల సమయానికి బీఎస్‌ఈ సెన్సెక్స్‌ 412 పాయింట్లు నష్టపోయి 52,430 పాయింట్ల వద్ద కొనసాగుతోంది. మరోవైపు ఎన​ఎస్‌ఈ నిఫ్టీ 115 పాయింట్లు నష్టపోయి 15,747 పాయింట్ల దగ్గర ట్రేడవుతోంది. చాలా షేర్లు కనిష్టాల వద్ద అందుబాటులో ఉన్నాయి. అయితే చర్చల ఫలితాలు, క్రూడ్‌ ఆయిల్‌ ధరల పెరుగుదల ఆగితే.. ఇన్వెస్టర్ల నుంచి కొనుగోళ్ల మద్దతు లభించే అవకాశం ఉంది.