‘కరోనా’పై నిర్లక్ష్యం వద్దు..

Medak Officials Awareness on Coronavirus Lockdown - Sakshi

జిల్లాలో ఆ ముగ్గురికి నెగెటివ్‌

‘గాంధీ’లో చికిత్స పొందుతున్న ఢిల్లీ బాధితుడు

జిల్లా వ్యాప్తంగా పారిశుధ్య కార్యక్రమాలు

మరింత కట్టుదిట్టంగా లాక్‌డౌన్‌

ప్రపంచాన్ని గజగజ వణికిస్తున్న కరోనా మహమ్మారి వ్యాప్తి చెందకుండా జిల్లా  యంత్రాంగం పటిష్ట చర్యలు తీసుకుంటోంది. కేంద్ర, రాష్ట్ర ప్రభుత్వాలు చేపట్టిన లాక్‌డౌన్, కర్ఫ్యూను పక్కాగా అమలు చేస్తున్నాయి. అయితే.. జిల్లా కేంద్రంలో ఒకే కుటుంబంలో నలుగురు కరోనా వైరస్‌ బారిన పడడంతో జిల్లాలో ఒక్కసారిగా కలకలం రేగింది. ఆ తర్వాత ఇందులో ముగ్గురికి నెగెటివ్‌ రాగా.. ఢిల్లీ బాధితుడు గాంధీ ఆస్పత్రిలో చికిత్స పొందుతున్నాడు. ఈ క్రమంలో జిల్లా         యంత్రాంగంతో పాటు ప్రజలు ఊపిరి పీల్చుకున్నారు. అయినప్పటికీ.. కరోనాపై ఎట్టి పరిస్థితుల్లోనూ నిర్లక్ష్యం వద్దని.. అప్రమత్తతే శ్రీరామ రక్ష అని వైద్యులు హెచ్చరిస్తున్నారు. ఈ వారం మరింత కీలకమని.. ఇల్లు విడిచి బయటకు రావొద్దని సూచిస్తున్నారు.        – సాక్షి, మెదక్‌

మెదక్‌ పట్టణంలోని ఆజంపుర వీధికి చెందిన 56 ఏళ్ల వ్యక్తి ఢిల్లీకి వెళ్లి వచ్చాడు. దీంతో అతడిని సికింద్రాబాద్‌లోని గాంధీ ఆస్పత్రికి తరలించగా పాజిటివ్‌గా నిర్ధారణ అయ్యింది. దీంతో అతడి కుటుంబ సభ్యులు 12 మంది, రాళ్లమడుగులోని నలుగురు బంధువులను ఏడుపాయలలో ప్రభుత్వ ఆధ్వర్యంలో ఏర్పాటు చేసిన క్వారంటైన్‌లో ఉంచారు. అంతకు ముందు వారిని మెదక్‌ ఏరియా ఆస్పత్రికి తీసుకెళ్లి నమూనాలను సేకరించారు. వాటిని పరీక్ష నిమిత్తం హైదరాబాద్‌లోని ఉస్మానియా ఆస్పత్రికి తరలించారు. పరీక్షించగా ఇందులో ముగ్గురికి (బాధితుడి భార్య, కూతురు, కోడలు) ఈ నెల మూడో తేదీన పాజిటివ్‌గా వచ్చింది. ఈ క్రమంలో వీరిని ఆ రోజే సికింద్రాబాద్‌లోని గాంధీ ఆస్పత్రికి తరలించారు. అనంతరం సోమవారం వారికి వైద్య పరీక్షలు నిర్వహించగా నెగెటివ్‌గా తేలింది. ఈ విషయాన్ని డీఎంహెచ్‌ఓ వెంకటేశ్వర్‌రావు ధ్రువీకరించారు. నెగెటివ్‌గా వచ్చినప్పటికీ వారిని హైదరాబాద్‌ మల్లెపల్లిలోని హోంక్వారంటైన్‌లో ఉంచినట్లు వెల్లడించారు.

127 మంది ప్రవాసులకు ముగిసిన క్వారంటైన్‌..
కరోనా నేపథ్యంలో వైద్యారోగ్య, పోలీస్, రెవెన్యూ శాఖల ఆధ్వర్యంలో నిర్వహించిన సర్వేలో విదేశాల నుంచి 127 మంది జిల్లాకు వచ్చినట్లు గుర్తించారు. ఈ మేరకు వారిని హోంక్వారంటైన్‌లో ఉండేలా చర్యలు తీసుకున్నారు. వీరెవరు ఇళ్ల నుంచి బయటకు రాకుండా గ్రామస్థాయిలో స్థానిక ప్రజాప్రతినిధులు, ఆశ వర్కర్లు, రెవెన్యూ సిబ్బందితో పక్కా నిఘా పెట్టారు. ప్రస్తుతం వీరందరి క్వారంటైన్‌ గడువు ముగిసింది. ఎవరకి సైతం కరోనా లక్షణాలు వెలుగు చూడకపోవడంతో వారితోపాటు స్థానికులు ఊపిరి పీల్చుకున్నారు.

ప్రభుత్వ క్వారంటైన్‌లో 40 మంది..  
ఢిల్లీ ప్రార్థనలకు జిల్లా నుంచి 12 మంది వెళ్లినట్లు అధికారులు గుర్తించారు. వీరిని ఏడుపాయలలోని హరిత హోటల్‌లో ప్రభుత్వ ఆధ్వర్యంలో ఏర్పాటు చేసిన క్వారంటైన్‌కు తరలించారు. ఈ క్రమంలో వారి వారి సన్నిహితులెవరు.. జిల్లాలో ఏయే చోట్ల తిరిగారు.. ఎవరెవరిని కలిశారు.. వంటి అంశాలపై వైద్య సిబ్బంది జల్లెడ పట్టారు. ఈ క్రమంలో గుర్తించిన వారందరినీ ఏడుపాయలతోపాటు మెదక్‌ హరితలో ఏర్పాటు చేసిన క్వారంటైన్‌ కేంద్రాలకు తరలించారు. ప్రస్తుతం ప్రభుత్వ క్వారంటైన్‌ కేంద్రాల్లో మొత్తం 40 మంది ఉన్నారు. ఈ నెల 11తో వారి క్వారంటైన్‌ గడువు ముగియనుందని వైద్యాధికారులు తెలిపారు. ఈ నేపథ్యంలో ఇప్పటివరకైతే ఎలాంటి ఆందోళన లేదని.. అయితే కరోనాపై ఎట్టిపరిస్థితుల్లో నిర్లక్ష్యం వహించొద్దని సూచిస్తున్నారు. అత్యవసరమైతే తప్ప ఇంటి నుంచి బయటకు రావొద్దని.. రావాల్సి వస్తే భౌతిక దూరం పాటించాలని అంటున్నారు.

లాక్‌డౌన్‌ మరింత కట్టుదిట్టం
కరోనాపై యుద్ధంలో భాగంగా జిల్లాలో లాక్‌డౌన్‌ను మరింత కట్టుదిట్టం చేసే దిశగా అధికార యంత్రాంగం చర్యలు తీసుకుంటోంది. లాక్‌డౌన్‌ వేళ ప్రజలకు ఇబ్బందులు తలెత్తకుండా ప్రభుత్వం రేషన్‌ పంపిణీ చేస్తోంది. రైతులకు ఇక్కట్లు లేకుండా ధాన్యం, మక్కల కొనుగోలు కేంద్రాలను సైతం ప్రారంభించింది. కాలనీల్లోనే కూరగాయలు అమ్మేలా చర్యలు తీసుకుంది. ఈ క్రమంలో జనసమూహం లేకుండా జిల్లా పోలీసులు శ్రమిస్తున్నారు. లాక్‌డౌన్‌ను పూర్తి స్థాయిలో పక్కాగా అమలు చేసేందుకు సమాయత్తమవుతున్నారు.

అప్రమత్తత తప్పనిసరి..
కరోనా వైరస్‌ వ్యాప్తి చెందకుండా అందరూ జాగ్రత్త చర్యలు తీసుకోవాలి. ఈ వారం.. పది రోజులు కీలకం. కొత్త కేసులు నమోదు కాకుంటే ఆ మహమ్మారిని జయించినట్లే. ఇల్లు విడిచి బయటకు వెళ్లొద్దు. చేతులు ఎప్పటికప్పుడూ శానిటైజర్‌ లేదా సబ్బుతో శుభ్రం చేసుకోవాలి.– వెంకటేశ్వర్‌రావు, డీఎంహెచ్‌ఓ

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

08-05-2022
May 08, 2022, 17:43 IST
కెవాడియా(గుజరాత్‌): కోవిడ్‌ మహమ్మారి వల్ల భారత్‌లో 40.7 లక్షల మంది మృతి చెందారని అంచనా వేస్తూ ప్రపంచ ఆరోగ్య సంస్థ(డబ్ల్యూహెచ్‌ఓ)...
03-05-2022
May 03, 2022, 03:08 IST
సాక్షి, అమరావతి: రాష్ట్రంలో కరోనా టీకా పంపిణీ వేగంగా సాగుతోంది. 12 నుంచి 14 ఏళ్ల పిల్లల్లో 80.82 శాతం...
02-05-2022
May 02, 2022, 03:12 IST
సాక్షి, అమరావతి: కరోనా నుంచి పూర్తిస్థాయిలో రక్షణ కల్పించే టీకాలు అందుబాటులోకి వచ్చేవరకు ప్రజలు అప్రమత్తంగా ఉండాల్సిందేనని పబ్లిక్‌ హెల్త్‌...
24-04-2022
Apr 24, 2022, 11:03 IST
కన్న తండ్రిని కాపాడుకునేందుకు పడిన వేదన.. ఆస్పత్రి సేవల కోసం చేసిన శోధన.. అంటరాని వాళ్లను చేసి అందరూ దూరం...
21-04-2022
Apr 21, 2022, 11:52 IST
న్యూఢిల్లీ: దేశంలో మళ్లీ కరోనా వైరస్‌ విజృంబిస్తోంది. కొవిడ్‌ కేసుల సంఖ్య క్రమంగా పెరుగుతోంది. తాజాగా గడిచిన 24 గంటల్లో కొత్తగా 2380...
20-04-2022
Apr 20, 2022, 13:36 IST
న్యూఢిల్లీ: దేశ రాజధాని ఢిల్లీలో కరోనా వైరస్‌ వ్యాప్తి అంతకంతకూ విజృంభిస్తోంది. గత వారం రోజులుగా పాజిటివ్‌ కేసులు భారీగా నమోదవుతున్నాయి....
18-04-2022
Apr 18, 2022, 15:39 IST
వైద్య నిపుణుల ఊహ కంటే ముందే భారత్‌లో ఫోర్త్‌ వేవ్‌ అడుగుపెట్టే అవకాశాలు కనిపిస్తున్నాయి. ఈ మేరకు పెరుగుతున్న కేసుల్ని...
17-04-2022
Apr 17, 2022, 13:16 IST
సాక్షి, న్యూఢిల్లీ: దేశ రాజధానిలో కరోనా కలవరం రేపుతోంది. గడిచిన 24 గంటల్లో దేశవ్యాప్తంగా 1150 కొత్త కేసులు నమోదుకాగా.....
16-04-2022
Apr 16, 2022, 13:09 IST
సాక్షి, న్యూఢిల్లీ: చైనాలో మళ్లీ పెరుగుతున్న కరోనా కేసులతో పలు నగరాల్లో కోవిడ్ ఆంక్షలు విధించారు. మరోవైపు భారత్‌లో కూడా...
11-04-2022
Apr 11, 2022, 01:28 IST
అకస్మాత్తుగా గుండెపోటు వచ్చే అవకాశం ఉంది. శరీరంలో కొవ్వు అధికంగా ఉన్నవాళ్లలో రక్తం గడ్డకట్టడం, చిక్కబడడం పెరిగి ప్రమాదాలకు దారి...
06-04-2022
Apr 06, 2022, 18:09 IST
ముంబై: రెండేళ్ల నుంచి కరోనా మహమ్మారి ప్రజలను పట్టి పీడిస్తూనే ఉంది. వైరస్‌ కట్టడికీ ఎన్ని ప్రయత్నాలు చేసినా రూపం మార్చుకొని...
06-04-2022
Apr 06, 2022, 15:27 IST
ఇప్పుడున్న పరిస్థితుల్లో ప్రపంచవ్యాప్తంగా కరోనా తగ్గిపోయిందని అనుకోవడానికి లేదు. దీన్ని మనం హెచ్చరికగా తీసుకుని భారత్‌కు ఇక ఏమీ కాదనే...
06-04-2022
Apr 06, 2022, 05:09 IST
సాక్షి, హైదరాబాద్‌: రాష్ట్రంలో మంగళవారం 16,267 మందికి కరోనా నిర్ధారణ పరీక్షలు చేయగా, అందులో 30మంది వైరస్‌ బారినపడ్డారు. దీంతో...
27-03-2022
Mar 27, 2022, 21:30 IST
చైనాలో కనివినీ ఎరుగని రీతిలో పెరుగుతున్నకరోనా కేసులు. పరిస్థితి అంత తేలిగ్గా అదుపులోకి వచ్చే స్థితి ఏ మాత్రం కనబడటం లేదు.
21-03-2022
Mar 21, 2022, 12:59 IST
ఫోర్త్‌ వేవ్‌ రూపంలో కాకున్నా జూన్, జూలై నెలల్లో కరోనా కొత్త వేరియంట్లు వచ్చే అవకాశం ఉందన్నారు గాంధీ ఆస్పత్రి...
28-02-2022
Feb 28, 2022, 09:43 IST
న్యూఢిల్లీ: కోవిడ్‌ టీకా కోవోవ్యాక్స్‌ను బూస్టర్‌ డోస్‌గా వాడేందుకు వీలుగా మూడో దశ ట్రయల్స్‌కు అనుమతివ్వాలని సీరం ఇన్‌స్టిట్యూట్‌ డీసీజీఐ...
28-02-2022
Feb 28, 2022, 08:26 IST
హీరోయిన్‌ శ్రుతి హాసన్‌ కరోనా బారిన పడింది. ఈ విషయాన్ని ఆమె స్వయంగా సోషల్‌ మీడియాలో వెల్లడించింది. ఈ మేరకు...
24-02-2022
Feb 24, 2022, 14:35 IST
పూర్తిస్థాయిలో కరోనా ముప్పు తొలగిపోలేదని.. వేవ్‌ రాకున్నా, వేరియంట్లు ఉన్నాయని ప్రొఫెసర్‌ రాజారావు అభిప్రాయపడ్డారు.
19-02-2022
Feb 19, 2022, 07:42 IST
సాక్షి, అమరావతి: ముక్కు ద్వారా తీసుకునే కరోనా వ్యాక్సిన్‌ డ్రాప్స్‌ మూడోదశ క్లినికల్‌ ట్రయల్స్‌ శుక్రవారం విశాఖపట్నంలోని విమ్స్‌లో ప్రారంభించినట్టు...
17-02-2022
Feb 17, 2022, 18:38 IST
కోవిడ్‌ వైరస్‌ సోకి కోలుకుని అస్సలు టీకాలు తీసుకోని వారిలో దీర్ఘకాలం పాటు కరోనా సమస్యలు, లక్షణాలు కొనసాగుతున్నట్టు వెల్లడైంది. ...



 

Read also in:
Back to Top