'అతనే బెస్ట్ ఆల్ రౌండర్'

'అతనే బెస్ట్ ఆల్ రౌండర్'

లండన్: భారత మాజీ క్రికెటర్ కపిల్ దేవే మన అత్యుత్తమ ఆల్ రౌండర్ అని  యువ క్రికెటర్ హార్దిక్ పాండ్యా తెలిపాడు. చాంపియన్స్ ట్రోఫీ ఆడేందుకు ఇంగ్లండ్ కు వచ్చిన హార్దిక్ పాండ్యా.. సోషల్ మీడియాలో అభిమానులు అడిగిన పలు ప్రశ్నలకు సమాధానమిచ్చాడు. దీనిలో భాగంగా టీమిండియా బెస్ట్ ఆల్ రౌండర్ ఎవరిని అడగ్గా, కపిల్ దేవ్ అని ఠక్కున సమాధానమిచ్చాడు.

' మీకు ఇష్టమైన షాట్ ఏది' అని అడిగిన మరో ప్రశ్నకు స్ట్రైట్ డ్రైవ్ అని పాండ్యా తెలిపాడు. తాను స్ట్రైట్ డ్రైవ్ ను ఆడటాన్ని చాలా ఎక్కువగా ఇష్టపడతానన్నాడు. ఇక నెట్స్ లో ఎక్కువగా ఎవరికి బౌలింగ్ చేయడం ఇష్టమని పాండ్యాను అడగ్గా.. దక్షిణాఫ్రికా స్టార్ ఆటగాడు ఏబీ డివిలియర్స్ అని పేర్కొన్నాడు. ఏబీకి నెట్స్ లో బౌలింగ్ చేయడాన్ని బాగా ఎంజాయ్ చేస్తానన్నాడు.