కంటైన్‌మెంట్‌ జోన్లలో జూన్‌ 30దాకా లాక్‌డౌన్‌

Coronavirus : Lockdown Extended In Containment Zones Till 30 June - Sakshi

కంటైన్‌మెంట్‌ మినహా ఇతర ప్రాంతాల్లో దశల వారీగా కార్యకలాపాలు 

మతపరమైన స్థలాలు, ప్రార్థన మందిరాలు తెరిచేందుకు అనుమతి 

హోటళ్లు, రెస్టారెంట్లు, ఆతిథ్య సేవలు, షాపింగ్‌ మాళ్లు ప్రారంభం 

కర్ఫ్యూ ఇకపై రాత్రి 9 గంటల నుంచి ఉదయం 5 గంటల వరకే 

జోన్ల ప్రకటన విషయంలో రాష్ట్రాలకు మరిన్ని అధికారాలు 

రాష్ట్రాల మధ్య వ్యక్తులు, వస్తు రవాణా విషయంలో ఎలాంటి ఆంక్షల్లేవ్

మార్గదర్శకాలు జారీ చేసిన కేంద్ర హోంశాఖ

సాక్షి, న్యూఢిల్లీ : కరోనా మహమ్మారి విస్తరణను అడ్డుకునేందుకు దేశవ్యాప్తంగా అమల్లోకి తీసుకొచ్చిన లాక్‌డౌన్‌ నుంచి నిష్క్రమణకు రంగం సిద్ధమైంది. కంటైన్‌మెంట్‌(కట్టడి) జోన్లు మినహా మిగిలిన ప్రాంతాల్లో జూన్‌ 8వ తేదీ నుంచి దశలవారీగా కార్యకలాపాలు పునఃప్రారంభించేందుకు(అన్‌లాక్‌–1) వీలుగా కేంద్ర ప్రభుత్వం విస్తృతమైన మినహాయింపులు ఇచ్చింది. కట్టడి జోన్లలో మాత్రం జూన్‌ 30వ తేదీ వరకు లాక్‌డౌన్‌ కొనసాగించాలని నిర్ణయం తీసుకుంది. ఈ మేరకు జాతీయ విపత్తు నిర్వహణ ప్రాధికార సంస్థ(ఎన్‌డీఎంఏ) జాతీయ కార్యనిర్వాహక కమిటీ చైర్మన్, కేంద్ర హోం శాఖ కార్యదర్శి అజయ్‌కుమార్‌ భల్లా శనివారం ఉత్తర్వులు జారీచేశారు. నాలుగో విడత లాక్‌డౌన్‌ మే 31న ముగియనున్న నేపథ్యంలో అన్‌లాక్‌–1 నియమ నిబంధనలపై సమగ్ర మార్గదర్శకాలు విడుదలచేశారు. కంటైన్‌మెంట్‌ జోన్లు మినహా ఇతర ప్రాం తాల్లో అన్ని కార్యకలాపాలు ప్రారంభించేందుకు అనుమతివ్వాలని కేంద్రం నిర్ణయించింది. అయితే, కొన్నింటిపై ఆంక్షలు విధించింది. వీటికి కొన్ని ప్రామాణిక నియమాలను అనుసరిస్తూ దశల వారీగా మాత్రమే అనుమతించింది. 

కర్ఫ్యూ సమయం కుదింపు
ప్రస్తుతం దేశవ్యాప్తంగా రాత్రి 7 నుంచి ఉదయం 7 గంటల వరకు కర్ఫ్యూ అమల్లో ఉంది. జూన్‌ 1వ తేదీ నుంచి రాత్రి 9 గంటల నుంచి ఉదయం 5 గంటల వరకు మాత్రమే కర్ఫ్యూ అమలవుతుంది. ఈ సమయంలో వ్యక్తుల సంచారంపై పూర్తిగా నిషేధం విధిస్తారు. అత్యవసర పనులకు మాత్రం మినహాయింపు ఉంటుంది. సీఆర్‌పీసీ సెక్షన్‌ 144 తదితర చట్టాలను అనుసరించి స్థానిక సంస్థలు తగిన ఆదేశాలు జారీచేస్తాయి. 

ఫేజ్‌ 1
జూన్‌ 8వ తేదీ నుంచి మతపరమైన స్థలాలు, ప్రార్థన మందిరాలను ప్రజల దర్శనార్థం తెరుస్తారు. 
హోటళ్లు, రెస్టారెంట్లు, ఇతర ఆతిథ్య సేవలు ప్రారంభం 
షాపింగ్‌ మాళ్లు ప్రారంభించవచ్చు.
పైన పేర్కొన్న వాటికి భౌతిక దూరం, ఇతర కట్టడి జాగ్రత్తలు పాటించే అంశంలో వివిధ శాఖలతో సంప్రదింపుల అనంతరం కేంద్ర ఆరోగ్య శాఖ ప్రామాణిక నియమావళి(ఎస్‌ఓపీ) జారీ చేస్తుంది.

ఫేజ్‌ 2
పాఠశాలలు, కళాశాలలు, కోచింగ్‌ సెంటర్ల ప్రారంభంపై రాష్ట్రాలు, కేంద్ర పాలిత ప్రాంతాలతో సంప్రదింపుల అనంతరం జూలైలో నిర్ణయం తీసుకుంటారు. 
రాష్ట్రాలు, కేంద్ర పాలిత ప్రాంతాలు విద్యా సంస్థల స్థాయిలో తల్లిదండ్రులు, ఈ అంశంతో ముడిపడి ఉన్న వారితో చర్చిస్తాయి. వారి స్పందన ఆధారంగా ఈ విద్యా సంస్థలను తెరవడంపై నిర్ణయం వెలువడుతుంది. 
 భౌతిక దూరం, ఇతర జాగ్రత్తల గురించి వివిధ శాఖలను సంప్రదించాక కేంద్రం నియమావళి జారీచేస్తుంది.

ఫేజ్‌ 3
పరిస్థితులను బట్టి ఈ కింది కార్యకలాపాలు పునరుద్ధరించేందుకు తేదీలు ప్రకటిస్తారు. 
అంతర్జాతీయ విమాన సర్వీసులు.. 
మెట్రో రైళ్లు
సినిమా హాళ్లు, జిమ్‌లు, స్విమ్మింగ్‌ పూల్స్, పార్క్‌లు, థియేటర్లు, బార్లు, ఆడిటోరియాలు, సమావేశ మందిరాలు, ఈ కోవలోకి వచ్చేవి. 
సామాజిక, రాజకీయ, క్రీడాపరమైన, వినోదపరమైన, బోధనపరమైన, సాంస్కృతిక, మతపరమైన వేడుకలు, ఇతర భారీ సమావేశాలు 

లాక్‌డౌన్‌ కట్టడి జోన్లకే..
లాక్‌డౌన్‌ 5.0 కంటైన్‌మెంట్‌ జోన్లలో జూన్‌ 30వ తేదీ వరకు కొనసాగుతుంది. 
కేంద్ర ఆరోగ్య శాఖ మార్గదర్శకాలను అనుసరించి రాష్ట్ర ప్రభుత్వాలు కంటైన్‌మెంట్‌ జోన్లను ప్రకటించవచ్చు. ఈ విషయంలో రాష్ట్రాలకు కేంద్రం మరిన్ని అధికారాలు ఇచ్చింది. ప్రస్తుతం ఢిల్లీలో 102 కంటైన్‌మెంట్‌ జోన్లు ఉన్నాయి. 
కట్టడి జోన్లలో కేవలం అత్యవసర సేవలకు మాత్రమే అనుమతి ఇస్తారు. వైద్య అత్యవసర సేవలకు, నిత్యావసర వస్తువుల రవాణాకు మినహాయింపు ఉంటుంది. 
రాష్ట్రాలు కట్టడి జోన్ల వెలుపల బఫర్‌ జోన్లను కూడా గుర్తించాలి. కొత్త కరోనా పాజిటివ్‌ కేసులు నమోదయ్యే అవకాశం ఎక్కువగా ఉన్న ప్రాంతాలను బఫర్‌ జోన్లు అంటారు. ఈ బఫర్‌ జోన్లలో కూడా జిల్లా యంత్రాంగాలు తగిన ఆంక్షలు విధించవచ్చు. 

ఇతర నిబంధనలు 

  •  రాష్ట్రాలు అవసరాన్ని బట్టి కట్టడి జోన్లు కాని ప్రాంతాల్లో వివిధ కార్యకలాపాలపై నిషేధం లేదా ఆంక్షలు విధించవచ్చు. 
  • రాష్ట్రం లోపల, ఒక రాష్ట్రం నుంచి మరొక రాష్ట్రానికి వ్యక్తులు, వస్తు రవాణా విషయంలో ఎలాంటి ఆంక్షలు లేవు. వీటి కోసం ఎలాంటి ప్రత్యేక పాస్, అనుమతి పొందాల్సిన అవసరం లేదు. 
  •  రాష్ట్రం లోపల, ఒక రాష్ట్రం నుంచి మరొక రాష్ట్రానికి వ్యక్తులు, వస్తు రవాణా విషయంలో ఆంక్షలు అవసరం అని ఒకవేళ రాష్ట్ర ప్రభుత్వం భావిస్తే దీనిపై ముందుగానే ప్రజలకు సమాచారం ఇవ్వాలి. 
  • రైళ్లు, దేశీయ విమాన సర్వీసులు, ఇతర దేశాల్లో చిక్కుకుపోయిన భారతీయుల తరలింపునకు సంబంధించిన విమాన సేవలు, తదితర అంశాలపై ఎప్పటికప్పుడు ప్రామాణిక నియమావళి జారీ చేస్తారు.
  • ఎలాంటి వస్తు రవాణానూ రాష్ట్రాలు అడ్డుకోరాదు. 
  • 65 ఏళ్ల వయసు పైబడిన వారు, వ్యాధులతో బాధపడుతున్నవారు, గర్భిణులు, 10 ఏళ్లలోపు చిన్నారులు అత్యవసరమైతే తప్ప ఇళ్ల నుంచి బయటకు రావొద్దు.
  • ప్రజలు ఆరోగ్యసేతు మొబైల్‌ యాప్‌ను వినియోగించాలి. దీనిపై జిల్లా యంత్రాంగాలు మరింత దృష్టి పెట్టాలి.
  • లాక్‌డౌన్‌ విషయంలో కేంద్ర ప్రభుత్వం జారీ చేసిన మార్గదర్శకాలను రాష్ట్రాలు నీరుగార్చరాదు. 
  • జాతీయ విపత్తు నిర్వహణ ప్రాధికార సంస్థ ఆదేశాలను ఉల్లంఘిస్తే చట్టపరమైన చర్యలు తీసుకుంటారు.
  • కోవిడ్‌–19 నిర్వహణకు సంబంధించి ఇదివరకే జారీ చేసిన జాతీయ మార్గదర్శకాలు అమల్లో ఉంటాయి. 

Read latest National News and Telugu News | Follow us on FaceBook, Twitter

మరిన్ని వార్తలు

12-08-2020
Aug 12, 2020, 08:40 IST
సాక్షి, సిటీబ్యూరో: ‘పెద్దల మాట..చద్దన్నం మూట’ అన్నారు. సామెత పాతదే కావచ్చు. కానీ ఇప్పుడుకోవిడ్‌ను ఎదుర్కోవడంలో ఇది ఒక ఆయుధంలాపనిచేస్తుంది....
12-08-2020
Aug 12, 2020, 08:29 IST
సాక్షి, సిటీబ్యూరో: ఎప్పుడైనా, ఎక్కడైనా ఏదైనా ప్రమాదం జరిగి ప్రాణ నష్టం జరిగితే సదరు ఘటనలు పునరావృతం కాకుండాతగు చర్యలు...
12-08-2020
Aug 12, 2020, 08:20 IST
న్యూఢిల్లీ : కోవిడ్‌–19 నిరోధక టీకాను దేశవ్యాప్తంగా పంపిణీ చేయడం ఎలా అన్న అంశంపై బుధవారం నిపుణుల కమిటీ భేటీ...
12-08-2020
Aug 12, 2020, 07:50 IST
గాంధీఆస్పత్రి : కోవిడ్‌ నోడల్‌ కేంద్రమైన సికింద్రాబాద్‌ గాంధీఆస్పత్రిలో బయోమెడికల్‌ (జీవ) వ్యర్థాలు రోజురోజుకూ గుట్టలుగా పేరుకుపోతున్నాయి. డంపింగ్‌యార్టుకు తరలించి...
12-08-2020
Aug 12, 2020, 06:26 IST
జీడిమెట్ల/చాదర్‌ఘాట్‌/కమ్మర్‌పల్లి: కరోనా భయంతో ముగ్గురు బలవన్మరణానికి పాల్పడ్డారు. కరోనాతో చిక్సిత పొందుతూ ఒకరు, కరోనా సోకిందేమోనన్న భయంతో మరొకరు, టీవీలో...
12-08-2020
Aug 12, 2020, 06:18 IST
సాక్షి, హైదరాబాద్‌: రాష్ట్రంలో కరోనా కేసుల సంఖ్య రోజురోజుకూ పెరుగుతూనే ఉంది. ఇప్పటివరకు 6,42,875 మందికి పరీక్షలు నిర్వహించగా.. 82,647...
12-08-2020
Aug 12, 2020, 04:49 IST
సాక్షి, అమరావతి: రాష్ట్రంలో కరోనా వైరస్‌ బారిన పడి కోలుకుంటున్న వారి శాతం గణనీయంగా పెరుగుతోంది. తాజా గణాంకాల ప్రకారం...
12-08-2020
Aug 12, 2020, 03:56 IST
న్యూఢిల్లీ: కలసికట్టుగా కరోనాపై పోరాటం చేద్దామని ప్రధాని  మోదీ  ముఖ్యమంత్రులకు పిలుపు నిచ్చారు. కోవిడ్‌  కేసులు అత్యధికంగా ఉన్న 10...
12-08-2020
Aug 12, 2020, 03:50 IST
మాస్కో: కరోనా వైరస్‌ నిరోధానికి వ్యాక్సిన్‌ను తయారు చేసిన తొలిదేశంగా రష్యా రికార్డు సృష్టించినట్లు ఆ దేశ అధ్యక్షుడు వ్లాదిమిర్‌...
12-08-2020
Aug 12, 2020, 03:44 IST
న్యూయార్క్‌/మాస్కో: ప్రపంచవ్యాప్తంగా కోవిడ్‌–19 విజృంభణ ఆగడం లేదు. మంగళవారం నాటికి మొత్తం కేసుల సంఖ్య 2 కోట్లు దాటేసింది. అమెరికా,...
12-08-2020
Aug 12, 2020, 00:47 IST
సాక్షి, హైదరాబాద్‌ : కరోనా మహమ్మారి వ్యాప్తితో ఎదురవుతున్న అనుభవాల నుంచి పాఠాలు నేర్చుకొని దేశంలో వైద్య సదుపాయాలను పెంచే...
11-08-2020
Aug 11, 2020, 20:20 IST
అయితే, రామ్‌గోపాల్‌ వర్మకు కరోనా సోకినందున...అఫిడవిట్‌పై సంతకం చేయలేకపోయారని ఆయన తరపు న్యాయవాది కోర్టుకు తెలిపారు.
11-08-2020
Aug 11, 2020, 19:01 IST
మాస్కో: ప్రపంచ దేశాలన్ని కరోనా మహమ్మారి వ్యాక్సిన్ కోసం తీవ్రంగా కృషి చేస్తున్నాయి. ఈ నేపథ్యంలో ప్రపంచంలోనే తొలి కోవిడ్‌-19 వ్యాక్సిన్‌ను...
11-08-2020
Aug 11, 2020, 18:49 IST
ఆంధ్రప్రదేశ్‌లో గడిచిన 24 గంటల్లో 58,315 కరోనా వైరస్‌ నిర్ధారణ పరీక్షలు చేయగా 9,024 మందికి పాజిటివ్‌గా తేలింది.
11-08-2020
Aug 11, 2020, 16:57 IST
బెర్లిన్‌: గొంతులో గరగరగా అనిపించినా.. ఇబ్బందిగా ఉన్నా వేడినీటిలో కాస్తా పసుపు వేసుకుని పుక్కిలిస్తారు మనలో చాలమంది. కరోనా మహమ్మారి విజృంభణ ప్రారంభమైన...
11-08-2020
Aug 11, 2020, 15:45 IST
న్యూఢిల్లీ: పది రాష్ట్రాల్లో కరోనా వైరస్‌ను కట్టడి చేయగల్గితే.. భారత్‌ కోవిడ్‌ని జయించగలుగుతుంది అన్నారు ప్రధాని నరేంద్ర మోదీ. కరోనా పరిస్థితులపై రాష్ట్ర...
11-08-2020
Aug 11, 2020, 14:54 IST
పుదుచ్చేరి : దేశంలో క‌రోనా విజృంభ‌ణ కొన‌సాగుతూనే ఉంది. ఇప్ప‌టికే సీనీ ప‌లువురు సినీ ప్రముఖులు, రాజ‌కీయ‌వేత్త‌లు వైర‌స్ బారిన...
11-08-2020
Aug 11, 2020, 14:49 IST
మాస్కో : కరోనా వైరస్‌ కేసులు ఆందోళనకరంగా పెరుగుతున్న నేపథ్యంలో ప్రపంచానికి రష్యా తీపికబురు అందించింది. ప్రపంచంలోనే తొలి కోవిడ్‌-19...
11-08-2020
Aug 11, 2020, 12:19 IST
చౌటుప్పల్‌ : కరోనా తీవ్రరూపం దాలుస్తు న్న నేపథ్యంలో ప్రజలు వినాయకచవితి వేడుకల్లో తప్పనిసరిగా కోవిడ్‌ నిబంధనలు పాటించాలని డీసీపీ...
11-08-2020
Aug 11, 2020, 12:10 IST
సత్తెనపల్లి: లిక్విడ్‌ శానిటైజర్‌ బదులు జెల్‌ శానిటైజర్లు మాత్రమే విక్రయించాలని స్పెషల్‌ ఎన్‌ఫోర్స్‌మెంట్‌ జిల్లా అడిషనల్‌ ఎస్పీ కె.ఆరీఫ్‌ హఫీజ్‌...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top