మోస్ట్ వాంటెడ్ రామన్నపై భారీ రివార్డ్

మోస్ట్ వాంటెడ్ రామన్నపై భారీ రివార్డ్

రాయ్ పూర్: ఛత్తీస్‌గఢ్‌లోని సుక్మా జిల్లాలో గత సోమవారం సీఆర్‌పీఎఫ్‌ జవాన్లపై మావోయిస్టులు జరిపిన మెరుపుదాడిని రాష్ట్ర పోలీసుశాఖ తీవ్రంగా పరిగణించింది. ఇందులో భాగంగా మోస్ట్ వాంటెడ్ మావోయిస్టుల జాబితాను ఛత్తీస్‌గఢ్ పోలీసులు శుక్రవారం విడుదల చేశారు. సుక్మా జిల్లాలో 25 మంది జవాన్ల మృతికి బాధ్యులైన మావోయిస్టుల ఫొటోలు విడుదల చేయడంతో పాటు వారి వివరాలను పోలీస్ శాఖ వెల్లడించింది.

ఆంధ్రప్రదేశ్‌కు చెందిన రామన్న అలియాస్ రావుల నివాస్‌పై రూ. 40 లక్షల భారీ రివార్డును ప్రకటించారు. రావుల నివాస్ మావోయిస్టు పార్టీ సెంట్రల్ కమిటీ సభ్యుడిగా కొనసాగుతున్నాడు. మహిళా మావోయిస్టు వనజపై రూ. 8 లక్షల రివార్డును, కేరళపాల్ ఎల్‌జీఎస్ కమాండర్ రవి అలియాస్ రవీశన్నపై రూ.5 లక్షల రివార్డును ప్రకటించింది.