రజనీతో సోనాక్షి?

బాలీవుడ్ భామ సోనాక్షీసిన్హాకు ‘సూపర్‌స్టార్’ రజనీకాంత్‌తో జతకట్టే అవకాశం లభించింది. అయితే... చేతిలో మూడు హిందీ సినిమాలు ఉండటంతో, ఈ సినిమా విషయంలో ఎటూ తేల్చుకోలేకపోతున్నారామె. ‘కొచ్చడయాన్’ తర్వాత కె.ఎస్.రవికుమార్ దర్శకత్వంలో రజనీకాంత్ ఓ సినిమా చేయనున్నారు. అందులో అనుష్క కథానాయిక. మరొక కీలక పాత్ర కోసం చాలామంది కథానాయికల్ని పరిశీలించారు రవికుమార్. కాగా, ఆ పాత్రకు సోనాక్షీ సిన్హా బావుంటుందని సాక్షాత్ రజనీకాంతే చెప్పారట. దాంతో బంతి ఈ  ముద్దుగుమ్మ గోల్‌లోకి వచ్చింది. డేట్స్ సర్దుబాటు చేసుకోనైనా సరే... ‘సూపర్‌స్టార్’ సినిమాకు ‘ఓకే’ చెప్పాలని సోనాక్షి భావిస్తున్నట్లు సహచరుల సమాచారం.