సెల్‌ఫోన్ సీక్రెట్స్

‘‘మనిషి జీవితంలో సెల్‌ఫోన్ తప్పనిసరి అయిపోయింది. ఫోన్‌లో దాచుకునే విషయాలు పక్కవాళ్లకు కూడా తెలీవు. ఆధునిక పరిజ్ఞానాన్ని దుర్వినియోగం చేస్తే ఎలాంటి పరిణామాలు ఎదురవుతాయో ఈ సినిమాలో చూపిస్తున్నాం’’ అని  రామ్‌గోపాల్‌వర్మ అన్నారు. ఆయన దర్శకత్వంలో సచిన్, మీరా చోప్రా జంటగా రూపొందుతోన్న చిత్రం ‘మొగలి పువ్వు’. ఈ సినిమా టీజర్‌ను హైదరాబాద్‌లో విడుదల చేశారు. ‘‘ఓ పెళ్లైన వ్యక్తి జీవితంలోకి ఓ అమ్మాయి వచ్చి అతని జీవితంలో ఎలాంటి ప్రకంపననలు సృష్టించిందో, అతని వైవాహిక జీవితం ఎలాంటి కుదుపులకు లోనైందో ఈ సినిమాలో చూపించనున్నాం’’ అని వర్మ చెప్పారు. ఆయన దర్శకత్వంలో చేయడం ఆనందంగా ఉందని సచిన్ జోషి అన్నారు.