సంక్రాంతికి... అజ్ఞాతవాసి?

సంక్రాంతికి... అజ్ఞాతవాసి?

వచ్చే సంక్రాంతికి చిత్రాన్ని విడుదల చేస్తున్నట్టు పవన్‌కల్యాణ్‌ అండ్‌ కో కన్ఫర్మ్‌ చేశారు. 10.01.2018... పవన్‌ హీరోగా త్రివిక్రమ్‌ శ్రీనివాస్‌ దర్శకత్వంలో ఎస్‌. రాధాకృష్ణ (చినబాబు) నిర్మిస్తున్న సినిమా విడుదల తేదీ ఇది. శనివారం పవన్‌ పుట్టినరోజు సందర్భంగా విడుదల చేసిన ‘బయటకొచ్చి చూస్తే..’ మ్యూజికల్‌ ప్రోమోలో ఈ విషయాన్ని కన్ఫర్మ్‌ చేశారు.

అనిరుద్‌ రవిచందర్‌ పాడుతూ, సంగీతమందించిన ఈ ప్రోమోకు మంచి స్పందన లభిస్తోంది. ఇంకో వార్త ఏంటంటే... ఈ చిత్రానికి ‘అజ్ఞాతవాసి’ టైటిల్‌ ఖరారు చేశారని టాక్‌. దేవుడే దిగి వచ్చినా, ఇంజినీర్‌ బాబు, రాజు వచ్చినాడు వంటి టైటిల్స్‌ అంతకు ముందు వినిపించాయి. అయితే... కథకు ‘అజ్ఞాతవాసి’ టైటిల్‌ కరెక్టుగా సూటవుతుందని త్రివిక్రమ్‌ సూచించారట. ఇందులో కీర్తీ సురేశ్, అనూ ఇమ్మాన్యుయేల్‌ హీరోయిన్లు.