రణబీర్‌ని పెళ్లాడను కానీ...

రణబీర్‌ని పెళ్లాడను కానీ...

కథా నాయికలకు పెళ్లి అంటే వారి అభిమానులకు అది నిజంగా చేదు వార్తే అనాలి. అయితే.. కత్రినాకైఫ్ మాత్రం తన అభిమానులకు ఓ తీయనైన వార్త చెప్పారు. మరో ఇరవై ఏళ్ల దాకా పెళ్లి ప్రస్తావనే తేనని మీడియా సాక్షిగా ప్రతిన పూనారు. రణబీర్ కపూర్‌తో పెళ్లిపీటలెక్కబోతున్నట్లు వస్తున్న వార్తలకు మీడియా వివరణ అడగ్గా కత్రినా పై రీతిలో స్పందించారు.
 
 ఆమె ఇంకా చెబుతూ -‘‘రణబీర్‌తో నాకున్న బంధం స్నేహం మాత్రమే. నాలైఫ్‌లో మా అమ్మానాన్నల్ని తప్ప నేను ఎవర్నీ ప్రేమించలేదు. ప్రస్తుతం నా దృష్టి మొత్తం సినిమాలపైనే’’ అని చెప్పారు కత్రినా. మరి రణబీర్‌తో పెళ్లి లేనట్టేనా? అని మీడియా రెట్టించి అడిగితే -‘‘రణబీర్‌ని పెళ్లాడను కానీ... అతని పెళ్లిలో మాత్రం మంచి డాన్స్ చేస్తాను. తను నాకు మంచి ఫ్రెండ్ కాబట్టి, నా డాన్స్‌ని రణబీర్‌కి పెళ్లి కానుకగా ఇస్తాను’’ అని చెప్పారు కత్రినా.