అందుకే ఈ విజయం - నాగార్జున

 

 అనూప్ రూబెన్స్ స్వరాలందించిన ఈ చిత్రం ట్రిపుల్ ప్లాటినమ్ డిస్క్ వేడుక మంగళవారం హైదరాబాద్‌లో జరిగింది. ఈ సందర్భంగా నాగార్జున మాట్లాడుతూ -‘‘ఇటీవలే ‘అడ్డా’ చూశాను. కథ, కథనం, పాటలు నచ్చాయి. హిట్ సినిమాకు ఉండాల్సిన అంశాలన్నీ ఇందులో ఉన్నాయనిపించింది. ఈ సినిమా విడుదల టైమ్‌లో నేను ముంబయ్‌లో ఉన్నాను. సుశాంత్ బాగా చేశాడని అందరూ ఫోన్లు చేసి చెబుతుంటే చాలా సంతోషించాను. అనుకున్నట్టే సినిమాలో తను బాగా చేశాడు. దర్శకుడు కూడా తొలి చిత్రంతోనే ప్రతిభ కనబరిచాడు. ఇక అనూప్ మ్యూజిక్ చాలా బాగుంది’’ అని అభినందించారు.

 

 సినిమాను హిట్ చేయాలనే తపనతో అందరూ ఈ సినిమాకు పనిచేశారని సుశాంత్ చెప్పారు. ప్రేక్షకాదరణ రోజురోజుకీ పెరుగుతోందని చింతలపూడి శ్రీనివాసరావు చెప్పారు. తమ్ముడు నాగార్జున సమక్షంలో ఈ వేడుక జరగడం ఆనందంగా ఉందని నాగసుశీల తెలిపారు. అనూప్, సాయికార్తీక్ కూడా మాట్లాడారు. తదనంతరం నాగార్జున చేతుల మీదుగా డిస్క్‌ల ప్రదానం జరిగింది.