గోదావరిలో దంపతుల గల్లంతు

 గోదావరిలో స్నానానికి వెళ్లిన దంపతులు ప్రమాదవశాత్తు నీట మునిగి గల్లంతయ్యారు. ఈ సంఘటన అదిలాబాద్ జిల్లా నిర్మల్‌లో శనివారం రాత్రి చోటుచేసుకుంది. మండలంలోని ముజిగి గ్రామానికి చెందిన మల్లన్న(45), ముత్తవ్వ(40) దంపతులు శనివారం రాత్రి గోదావరిలో స్నానానికి దిగారు. ఈ క్రమంలో లోతు ఎక్కువగా ఉండటంతో ముత్తవ్వ మునిగిపోయింది. ఇది గమనించిన మల్లన్న ఆమెను కాపాడటానికి యత్నించి అతను కూడా కొట్టుకుపోయాడు. విషయం తెలుసుకున్న పోలీసులు గాలింపు చర్యలు ముమ్మరం చేశారు.