మెరుపు సమ్మెకు రెడీ

 

 రాష్ట్రాన్ని సమైక్యంగా ఉంచాలన్న డిమాండ్‌తో సమైక్యవాదులందరూ భావితరాల శ్రేయస్సు కోసం మరోసారి ఉద్యమానికి సిద్ధం కావాలని సమైక్యరాష్ట్ర పరిరక్షణ వేదిక జేఏసీ పిలుపునిచ్చింది. పాలకుల తీరుపై సమావేశం ఆందోళన వ్యక్తం చేసింది. సమైక్యాంధ్ర రక్షణకు మెరుపు సమ్మెకు వెళ్లాలని సమావేశంలో తీర్మానించారు. జేఏసీ జిల్లా చైర్మన్ బూరి గ ఆశీర్వాదం, కన్వీనర్ పితాని త్రినాథ్ మాట్లాడుతూ సమైక్యవాదులు, సకలజనులు చిత్తశుద్ధితో ఈ ఉద్యమానికి కలసిరావాలన్నారు. సీమాంధ్ర కేంద్ర మంత్రులు రాజీనామా చేస్తే సమైక్యరాష్ర్ట పరిరక్షణ వేదిక రాష్ట్ర చైర్మన్ అశోక్‌బాబు రాజీనామా చేస్తానన్నారని, అలాగే జిల్లా నుంచి తాను కూడా రాజీనామా చేస్తానని ఆశీర్వాదం ప్రకటించారు. జేఏసీ నాయకులు గ్రంధి బాబ్జి, దంటు సూర్యారావు, జవహర్‌ఆలీ, అనిల్ జాన్సన్, టి.మాధవి, రామ్మెహన్, జియావుద్దీన్, మురళి, వివిధ సెక్టార్ల ప్రతినిధులు పాల్గొన్నారు.