చైల్డ్‌ ఆర్టిస్ట్‌గా కెరీర్‌ మొదలుపెట్టిన ఊర్వశి తర్వాత హీరోయిన్‌గా సినిమాలు చేసింది. తర్వాత క్యారెక్టర్‌ ఆర్టిస్టుగానూ మారింది. మలయాళంతో పాటు తెలుగు, తమిళ, కన్నడ, హిందీ భాషల్లో కలుపుకుని 350కి పైగా సినిమాలు చేసింది. 2000వ సంవత్సరంలో నటుడు మనోజ్‌ కె. జయన్‌ను పెళ్లి చేసుకుంది. వీరికి కూతురు తేజ లక్ష్మి సంతానం. రెండో పెళ్లిఅయితే భార్యాభర్తలు ఎంతోకాలం కలిసుండలేదు. 2008లో విడాకులు తీసుకున్నారు. అనంతరం 2013లో చెన్నైకి చెందిన శివప్రసాద్‌ను పెళ్లాడింది. వీరికి ప్జాపతి అని ఓ కుమారుడు సంతానం. ఇటీవలే శివప్రసాద్‌ దర్శకుడిగా మారిపోయాడు. తన మొదటి పెళ్లి ఎందుకు విఫలమైందన్న విషయాన్ని తాజా ఇంటర్వ్యూలో బయటపెట్టింది. అందరూ కలిసి తాగేవారుఊర్వశి మాట్లాడుతూ.. మొదటిసారి పెళ్లి చేసుకుని అత్తారింట్లో అడుగుపెట్టినప్పుడు అక్కడ వాతావరణమే తేడాగా అనిపించింది. ఇంట్లోవాళ్లందరూ ఆధునిక జీవన విధానాన్ని కొనసాగించేవారు. కలిసి తాగడం, తినడం చేసేవారు. తల్లీపిల్ల తేడా లేకుండా అంతా ఒక్కచోట కూడి సిట్టింగ్‌ చేసేవారు. వాళ్ల మధ్య నేను ఇమడగలుగుతానా? లేదా? అని భయపడ్డాను.షూటింగ్‌ అవగానే తాగడంఅడ్జస్ట్‌ అవడానికి ప్రయత్నించాను. వాళ్ల పద్ధతుల్ని నేర్చుకున్నాను. షూటింగ్స్‌కు వెళ్లడం.. రాగానే మందు కొట్టడం ఇదే పని! నన్ను నేను కోల్పోతున్నాను అన్న విషయం నెమ్మదిగా అర్థమైంది. అప్పటికే ఇంటి పోషణ బాధ్యత నా భుజాలపై పడింది. ఇష్టం లేని పనులు బలవంతంగా చేయాల్సి వచ్చింది. ఆరోగ్యం నాశనం చేసుకున్నానా అభిప్రాయాలతో ఎవరూ ఏకీభవించేవారు కాదు. గొడవలు జరిగేవి.. అప్పుడు కోపంతో మరింత ఎక్కువ తాగేదాన్ని. తిండీనిద్ర మానేసి మరీ తాగుతూ కూర్చునేదాన్ని. చేజేతులా ఆరోగ్యం నాశనం చేసుకున్నాను. నా స్నేహితులు, పర్సనల్‌ స్టాఫ్‌ వల్లే ఈ వ్యసనం నుంచి బయటపడ్డాను అని ఊర్వశి చెప్పుకొచ్చింది.

మలయాళ నటి ఊర్వశి (Urvashi)కి జాతీయ అవార్డు వచ్చింది. ఉళ్లోళుక్కు చిత్రానికిగానూ ఉత్తమ సహాయ నటి పురస్కారం వరించింది. అయితే ఈ అవార్డు గెలిచినందుకు ఊర్వశికి సంతోషం కన్నా బాధే ఎక్కువగా ఉన్నట్లు కనిపిస్తోంది. ఉత్తమ నటి పురస్కారం ఇస్తే బాగుండేదని అసంతృప్తి వ్యక్తం చేసింది. ఊర్వశి మాట్లాడుతూ.. యాక్టింగ్‌ అంటే ఇలా ఉండాలనేమైనా కొలమానాలు రాసిపెట్టారా?పెన్షన్‌ కాదులేదంటే ఫలానా వయసు దాటిందంటే బెస్ట్‌ యాక్ట్రెస్‌కు బదులుగా ఇలాంటి అవార్డులే ఇవ్వాలని ఏమైనా రూల్‌ పెట్టారా? మరేంటిదంతా? సైలెంట్‌గా ఇచ్చిందేదో తీసుకునేందుకు ఇదేమీ పెన్షన్‌ డబ్బు కాదు. మీరు నన్ను సహాయ నటిగా ఏ లెక్కన పరిగణించారు? ఏయే విధానాలు ఫాలో అయ్యారో చెప్పండి. ఉత్తమ నటి/నటుడు పురస్కారానికి ఏయే అంశాలను పరిగణనలోకి తీసుకుంటారో వెల్లడించండి. అవార్డు ప్రకటించారంటే గర్వంతో పొంగిపోయేలా ఉండాలే తప్ప మేము తిరిగి ప్రశ్నించేలా ఉండకూడదు అని జ్యూరీ సభ్యులపై అసహనం వ్యక్తం చేసింది. జాతీయ అవార్డులు ఏ ప్రాతిపదికన ఇచ్చారో పూర్తి విచారణ జరపాలని కేంద్ర మంత్రి సురేశ్‌ గోపిని కోరింది.రెండుసార్లు జాతీయ అవార్డుఉళ్లోళుక్కు సినిమా ఉత్తమ మలయాళ చిత్రంగా జాతీయ అవార్డు గెలుచుకుంది. ఇందులో ఊర్వశి లీలమ్మ పాత్ర పోషించింది. ఈ పాత్రకుగానూ ఊర్వశికి జాతీయ ఉత్తమ సహాయ నటి అవార్డు వరించింది. 2006లో వచ్చిన అచ్చువింటే అమ్మ సినిమాకు సైతం ఊర్వశికి ఉత్తమ సహాయ నటి అవార్డు వచ్చింది. ఈ మూవీలో ఆమె హీరోయిన్‌ అయినప్పటికీ సహాయనటి పురస్కారమే గెలుచుకుంది.చదవండి: కాంతార 3లో జూనియర్‌ ఎన్టీఆర్‌?

నటి ఊర్వశి వారసురాలు హీరోయిన్‌గా రంగప్రవేశం చేశారు. అమ్మ పాత్రలకు, అమాయకపు రోల్స్‌కు, ఎక్స్‌ప్రెషన్స్‌తోనే నవ్వించగల పాత్రలకు పెట్టింది పేరు ఊర్వశి. ఈమె అసలు పేరు కవిత రంజిని. కేరళలో పుట్టి పెరిగిన ఈమె చైల్డ్‌ ఆర్టిస్ట్‌గా వెండితెరకు పరిచయమైంది. ముందనై ముడిచ్చు అనే తమిళ సినిమాతో హీరోయిన్‌గా మారింది. కొంతకాలంపాటు హీరోయిన్‌గా నటించిన ఆమె ఆ తర్వాత క్యారెక్టర్‌ ఆర్టిస్ట్‌గా మారింది. తెలుగు, తమిళ, మలయాళ, కన్నడ, హిందీ భాషల్లో కలుపుకుని 700కు పైగా చిత్రాలు చేసింది.ఊర్వశి ప్రస్తుతం సినిమాలకు కాస్త బ్రేక్‌ ఇచ్చింది. అయితే, గతంలో ఓ ఇంటర్వ్యూలో ఆమె మాట్లాడుతూ తన కుమార్తె 'తేజ లక్ష్మి' సినీ ఎంట్రీ ఉంటుందని ప్రకటించింది. ఆమె చెప్పినట్లుగానే తాజాగా తన మాతృభాష మలయాళీ ఇండస్ట్రీలో తేజ లక్ష్మి అడుగుపెట్టింది. నటి ఊర్వశి, నటుడు మనోజ్ జయన్‌ను ప్రేమించి 2000లో పెళ్లి చేసుకుంది. వారిద్దరికి జన్మించిన అమ్మాయే తేజ లక్ష్మి. ఆ తర్వాత మనోజ్‌తో విభేదాలు రావడంతో అతడితో విడాకులు తీసుకుని 2013లో శివ ప్రసాద్‌ని పెళ్లి చేసుకుని అతనితో కలిసి జీవిస్తోంది. కానీ తేజలక్ష్మి మాత్రం తన తండ్రితోనే కలిసి ఉంటోంది.మలయాళంలో 'సుందరియాయవల్‌ స్టెల్లా' అనే చిత్రంలో కథానాయికగా తేజ లక్ష్మి నటిస్తుంది. నటుడు మనోజ్‌ కే.విజయన్‌ తన కూతురు కథానాయకిగా ఎంట్రీ గురించి ఒక భేటీలో ఇలా మాట్లాడారు. 'తేజలక్ష్మికి సినిమాల్లో నటించాలనే కోరిక ఉన్నట్లు మొదట నా రెండో భార్య నాకు చెప్పింది. దీంతో వెంటనే నా కూతురికి ఒక సలహా ఇచ్చాను. ముందు మీ అమ్మ ఊర్వశికి చెప్పి ఆశీస్సులు తీసుకోమని పంపాను. అలాగే ఊర్వశి కూడా ఆమెను మనస్ఫూర్తిగా ఆశీర్వదించింది. ఊర్వశి సమ్మతించకపోతే తేజలక్ష్మి కథానాయకి అయ్యేదే కాదు. ముందుగా మాతృభాషలో కథానాయకిగా ఎంట్రీ ఇచ్చిన తేజలక్ష్మి తరువాత తమిళం, తెలుగులో కూడా ఎంట్రీ ఇస్తుంది.' అని ఆయన అన్నారు. View this post on Instagram A post shared by Teja Lakshmi🪬 (@mkt_999)

అమాయకపు అమ్మ పాత్రలు, కామెడీ రోల్స్‌తో అందరికీ చేరువైంది నటి ఊర్వశి (Urvashi). చైల్డ్‌ ఆర్టిస్ట్‌గా కెరీర్‌ మొదలుపెట్టిన ఊర్వశి తర్వాత హీరోయిన్‌గా, అనంతరం క్యారెక్టర్‌ ఆర్టిస్టుగా మారింది. దక్షిణాదిలో వందలాది సినిమాలు చేసిన ఈమెకు ఓ కూతురు, కుమారుడు ఉన్నారు. త్వరలోనే కూతురు కూడా సినిమాల్లో ఎంట్రీ ఇస్తుందని ఇటీవలే వెల్లడించింది.నటిని మాత్రమేఅయితే అంతకన్నా ముందు ఆమె భర్త శివప్రసాద్‌ దర్శకుడిగా పరిచయమవుతున్నాడు. 'ఎల్‌. జగదాంబ 7th క్లాస్‌ బి' అనే సినిమా చేశాడు. ఊర్వశి లేకుండా ఈ సినిమా ఎలా ఉంటుంది? తాజాగా ఈ సినిమా విషయాలను ఊర్వశి పంచుకుంది. ఓ ఇంటర్వ్యూలో ఆమె మాట్లాడుతూ.. సెట్స్‌లో అడుగుపెట్టాక నేను నటిని మాత్రమే! దర్శకుడు నా భర్తే కదా అని రిలాక్స్‌ అయిపోను. కెమెరా ముందు ఆయన చెప్పినట్లు నటించడమే నా పని.నటి ఊర్వశి, కూతురు తేజ లక్ష్మినా పరిస్థితి కూతురికి రాకూడదుఅయితే ఈ సినిమాల వల్ల నేను చదువు మధ్యలో మానేయాల్సి వచ్చింది. నా కూతురికి అలాంటి పరిస్థితి రాకూడదని కోరుకున్నాను. ముందు తన చదువు పూర్తి చేయమన్నాను. మంచి ఉద్యోగం సంపాదించమన్నాను. ఆ తర్వాతే సినిమాలపై ఆసక్తి ఉంటే ఈ ఇండస్ట్రీకి రావాలన్నాను. తన కాళ్లపై తను నిలబడిన తర్వాతే సినిమాల గురించి ఆలోచించమని చెప్పాను.ఆఫర్స్‌ వస్తున్నాయ్‌ఈ మధ్యే నా కూతురి పైచదువులు పూర్తయ్యాయి. ఇప్పుడు తనకు నచ్చినట్లు చేసుకోనీ.. మంచి ఆఫర్స్‌ వస్తున్నాయి. తనే స్వయంగా కథ విని, చేయాలా? వద్దా? అని నిర్ణయించుకుంటుంది. ఈ రోజుల్లో అమ్మాయిలు కెరీర్‌, జీవితం పట్ల ప్రత్యేక జాగ్రత్తలు తీసుకుంటున్నారు. తను నటనను ఎంచుకుంటే తల్లిగా అది నాకు సంతోషమే అని చెప్పుకొచ్చింది.పర్సనల్‌ లైఫ్‌నటి ఊర్వశి, నటుడు మనోజ్ జయన్‌ను 2000లో ప్రేమించి పెళ్లి చేసుకుంది. వీళ్లకు తేజ లక్ష్మి సంతానం. మనోజ్‌తో విభేదాలు రావడంతో అతడి దగ్గర విడాకులు తీసుకుంది. అనంతరం 2013లో శివ ప్రసాద్‌ని పెళ్లి చేసుకుంది. వీరికి ఇషాన్‌ అనే కుమారుడు సంతానం ప్రస్తుతం అతడితోనే కలిసి జీవిస్తోంది. కానీ తేజలక్ష్మి మాత్రం తన తండ్రి మనోజ్‌తో కలిసి ఉంటోంది.చదవండి: దుస్తులు తీసేయమన్నాడు.. చేదు అనుభవం బయటపెట్టిన నటి

ఓటీటీలో ఇది చూడొచ్చు అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం అప్పత్తా ఒకటి. ఈ చిత్రం గురించి తెలుసుకుందాం.నవ మాసాలు మోసి, కన్న బిడ్డపై తల్లికి జీవితాంతం మమతానురాగాలుంటాయి. కానీ అదే బిడ్డ తన తల్లిని తల్లిగా చూడక స్వార్థంతో హింసిస్తే ఆ తల్లి తిరిగి ఎలా ప్రవర్తిస్తుంది... ఇదే ఇతివృత్తంతో తీసిన సినిమా ‘అప్పత్తా’. నానమ్మ లేదా అమ్మమ్మ అని అర్థం. ఇంకా చె΄్పాలంటే ప్రేమతో పెద్దవాళ్లని పిలిచే పదం ‘అప్పత్తా’. ఇదో తమిళ సినిమా. ఈ సినిమాకి దర్శకులు ప్రియదర్శన్‌. ప్రముఖ నటి ఊర్వశి ఈ అప్పత్తా పాత్రలో నటించారు... కాదు కాదు జీవించారు. ప్రస్తుత కాలమాన పరిస్థితులకు అద్దం పట్టే ఓ ఫీల్‌ గుడ్‌ మూవీ ‘అప్పత్తా’. ఈ చిత్రకథ విషయానికొస్తే... ఓ చిన్న గ్రామంలో అప్పత్తా ఒక్కటే ఉంటుంది. ఎవరికైనా చిన్న ఇబ్బంది ఉన్నా వెంటనే తానున్నానని వాళ్లకి పరిష్కారం చూపుతూ నలుగురికీ సాయపడుతూ ఉంటుంది. అప్పత్తాకు కుక్కలంటే మాత్రం చచ్చేంత భయం. భర్తను పోగొట్టుకున్న ఈవిడ తన కష్టంతో కొడుకును చదివిస్తూ ఉంటుంది. కొడుకు పేరు శ్యామ్‌. అప్పత్తా ఊరగాయ పచ్చళ్లు బాగా చేస్తుంది. అప్పత్తా ఊరగాయలంటే ఆ చుట్టు పక్కల ఊళ్లల్లో బాగా ఫేమస్‌. ఆ ఊరగాయలతోనే తన బిడ్డను చదివించుకుంటూ ఉంటుంది. కానీ అదే ఊరగాయ వాసన, అలాగే ఆమె పేదరికం నచ్చని కొడుకు చదువు పేరుతో అప్పత్తాని వదిలి నగరానికి వెళతాడు. కానీ సిటీకి వెళ్లడానికి, అక్కడ ఉండడానికి అప్పత్తా ఇచ్చిన డబ్బులు వాడుకుంటాడు. శ్యామ్‌ సిటీలోనే సెటిలై ప్రేమ వివాహం చేసుకుంటాడు. కొన్నేళ్ల తరువాత సడెన్‌గా సిటీలో ఉన్న తన కొడుకు దగ్గర నుండి పిలుపు వచ్చి అప్పత్తా గేటెడ్‌ కమ్యూనిటీలో ఉంటున్న కొడుకు ఇంటికి వెళుతుంది. సిటీకి మొట్టమొదటిసారిగా వచ్చిన తన తల్లిని కనీసం తీసుకురావడానికి కూడా వెళ్లని సదరు కొడుకు అప్పత్తాని ఎందుకు పిలిచాడంటే తన ఫ్యామిలీతో హాలిడే కోసం కొన్ని రోజులు బయటకు వెళుతూ ఇంట్లో ఉన్న కుక్కని చూసుకోవడానికి మనిషి కోసం ఆమెను రప్పించుకుంటాడు. అసలే కుక్కంటే భయపడే అప్పత్తా కొడుకు ఇంట్లో ఉన్న కుక్కని ఎలా ఎదుర్కొంటుంది? అన్నదే ఈ ‘అప్పత్తా’. సినిమా మొత్తం కామెడీగా సాగిపోతూ చివర్లో చక్కటి మెసేజ్‌ ఇచ్చారు దర్శకుడు. మనల్ని కనడానికి మన తల్లి పడ్డ బాధ మనకు తెలియకపోవచ్చు. కానీ మనల్ని పెంచి పోషించిన తల్లిని మాత్రం ఎప్పటికీ బాధపెట్టకూడదు. అందుకే ఇది అమ్మ కోసం చూడాల్సిన సినిమా. మస్ట్‌ వాచ్‌... ఫీల్‌ గుడ్‌ మూవీ. వాచిట్‌ ఆన్‌ జియో హాట్‌ స్టార్‌.– ఇంటూరు హరికృష్ణ

ఓటీటీలో ఇది చూడొచ్చు అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం జే బేబీ ఒకటి. ఈ చిత్రం గురించి తెలుసుకుందాం.ఈ సినిమా చూసేముందు ఎవరికి వారు రెండు ప్రశ్నలు వేసుకోవాలి. అదేమంటే మనకిష్టమైన వారిపై మనకెంతకాలం ఇష్టం ఉంటుంది? అలాగే, మనకు ఇష్టం లేని వారిపై కష్టం ఎంతవరకు ఉంటుంది... ఈ రెండు ప్రశ్నలు కాస్త విచిత్రమైనవే. కానీ వాటికి మనం ఇచ్చే సమాధానాన్ని బట్టే ఉంటుంది మనతో ఉన్న వారి జీవితం. మనకు తోడుగా ఇష్టంగా ఉండేవారు ఎందరో ఉంటారు. అలాగే వారంటే మనకెంత ఇష్టమో వారికి తెలియజేయాలి. ఈ జీవితం మీ తల్లి మీకు ప్రసాదించింది. ఆ జీవితాన్ని సరైన మార్గంలో నడిపించేది మీ తండ్రి. మరి ఆ తల్లిదండ్రుల వయస్సు పైబడిన తర్వాత వారికి అండగా ఉండాల్సింది మీరే. అలాంటి అండ కోరుకున్న ఓ అమ్మ కథే జే బేబి. కథ లైను వినడానికి సింపుల్‌గా ఉన్నా సినిమా చూసినంతసేపు వయస్సు పైబడ్డ మన తల్లిదండ్రులకు మన అవసరం ఏపాటిదో మనకు అర్థమవుతుంది. ఇది అల్లుకున్న కథ కాదు. వాస్తవ సంఘటన ఆధారంగా తీసిన సినిమా. ఈ కథ సహజత్వానికి చాలా దగ్గరగా ఉంటుంది. కథలోని పాత్రలు, కథా పాత్రల్లా కాక మన కళ్ల ముందే కదలాడుతున్న అనుభూతిని కలిగిస్తాయి. ఓ రకంగా చెప్పాలంటే ఈ సినిమా తల్లిదండ్రులున్న ప్రతి కొడుకు, కూతుళ్లు చూడవలసిన సినిమా. అంతలా ఏముంది ఈ సినిమాలో... ఓ సారి కథ చెప్పుకుందామా మరి. జే బేబి ఓ తమిళ సినిమా. దీనికి సురేష్‌ మారి దర్శకుడు. జే బేబికి ముగ్గురు సంతానం. శంకర్, సెంథిల్, కవిత. జే బేబి తన భర్త చనిపోయిన తర్వాత కుటుంబాన్ని అతికష్టం మీద పైకి తీసుకువస్తుంది. కానీ జే బేబీ మానసికస్థితి కొంత దెబ్బతింటుంది. చికిత్సకోసం పిల్లలు ఆసుపత్రిలో చేర్పిస్తే అక్కడి నుంచి తప్పించుకుని తెలియకుండా చెన్నైనగరం నుండి కోల్‌కతా చేరుకుంటుంది. జే బేబీని వెతికే క్రమంలో శంకర్,సెంథిల్‌ బయలుదేరతారు. తల్లిని వెదికే క్రమంలో ఒకే ప్రయాణాన్ని ప్రారంభించిన ఇద్దరు కొడుకులు ఓ వివాదం వల్ల మాట్లాడుకోని స్థితిలో ఉంటారు. మాట్లాడుకోని వీళ్లు, మానసిక పరిపక్వత లోపించిన తమ తల్లిని తమకు భాష రాని నగరానికి వెళ్లి ఎలా వెదుకుతారు?, అసలు వాళ్లకి మళ్లీ జే బేబీ దొరుకుతుందా?. ఈ ప్రశ్నలకు సమాధానం కావాలంటే ప్రైమ్‌ వీడియో వేదికగా స్ట్రీమ్‌ అవుతున్న జే బేబి చూడాల్సిందే. సినిమాలోని ప్రధానపాత్రలో నటించిన ప్రముఖ నటి ఊర్వశి జే బేబి పాత్రను పోషించలేదు, జీవించింది. సినిమా ఆద్యంతం ఉత్కంఠతో నడుస్తూ అప్పుడప్పుడూ చక్కటి హాస్యాన్ని జోడించి స్క్రీన్‌ ప్లే అద్భుతంగా రాసుకున్నాడు దర్శకుడు. ఈ సినిమా, రివ్యూ మమతానురాగాలకోసం వయస్సు పైబడిన పసి మనస్సులకు అక్షరాంకితం.– ఇంటూరు హరికృష్ణ

న్యూఢిల్లీ: అరచేతిలో గోరింట ఎర్రగా పండితే మంచి మొగుడొస్తాడన్నది తెలుగిళ్లలో అనాదిగా ఉన్న నమ్మకం. కానీ తన సంసారం చట్టుబండలైన వైనాన్ని ఎర్రగా పండిన గోరింటాకు సాక్షిగా వినూత్నంగా చెప్పిందో మహిళ. తన వైవాహిక జీవితంలో ఎదురైన కష్టాలను, అనుభవించిన బాధలను మెహందీ ద్వారానే విడమరచి చెప్పింది. ‘విఫల వివాహ విషాద గాథ’ను వివరిస్తూ ఆ మహిళ తన చేతిపై వేసుకున్న మెహందీ వీడియో సామాజిక మాధ్యమాల్లో వైరల్‌గా మారింది. సదరు మహిళకు ‘విడాకుల మెహందీ’ వేసిన కళాకారిణి ఊర్వశీ ఓరా ఆ వీడియోను షేర్‌చేశారు. పెళ్లయ్యాక అత్తగారింట అడుగుపెట్టింది మొదలు ఇంట్లో బట్టలుతకడం, అత్తగారి దృష్టిలో పనిమనిషిలా పనులన్నీ చేయడం, భర్త నుంచి దేనికీ మద్దతు లేక దిగాలు పడటం, తరచూ మనస్పర్ధలు, గొడవలు, ఒంటరితనం... ఇలా చివరకు విడాకుల దాకా తన వ్యథను మెహందీ ద్వారా వ్యక్తీకరించారు. ప్రేమ, ఆనందమయ క్షణాల్లో సంబరాలకు ప్రతీకగా నిలిచే మెహందీ ద్వారా ఇలా అంతులేని బాధను వ్యక్తం చేయొచ్చని నిరూపించారు. Divorce Mehndi Design: महिला ने मेहंदी डिजाइन से बतायी शादी से लेकर तलाक तक की कहानी, pic.twitter.com/ZuYdTlT9Bl— Vikash Kashyap (@VikashK41710193) December 14, 2024

సీనియర్ నటి ఊర్వశి ప్రధాన పాత్రలో నటించిన చిత్రం 'జలధార పంప్‍సెట్ సిన్స్ 1962'. గతేడాది ఆగస్టులో థియేటర్లలో రిలీజైన ఈ చిత్రాన్ని సెటైరికల్ కామెడీగా తెరకెక్కించారు. ఈ మూవీకి ఆశిష్ చిన్నప్ప దర్శకత్వం వహించారు. బాక్సాఫీస్ వద్ద మూవీకి మంచి రెస్పాన్స్ వచ్చింది. తాజాగా ఈ చిత్రం ఓటీటీలోకి అడుగుపెట్టింది.ఈ సినిమా సెప్టెంబర్ 15 నుంచే జియోసినిమా ఓటీటీలో అందుబాటులోకి వచ్చేసింది. థియేటర్లలో రిలీజైన దాదాపు 13 నెలల తర్వాత ఓటీటీకి వచ్చేసింది. అయితే ప్రస్తుతం ఈ చిత్రం కేవలం మలయాళంలోనే స్ట్రీమింగ్ అవుతోంది. ఈ చిత్రంలో ఊర్వశితో పాటు ఇంద్రన్స్, సనుషా, సాగర్ రాజన్, జానీ ఆంటోనీ, టీజీ రవి, విజయరాఘవన్, నిషా సారంగ్, జయన్ చేర్తలా కీలకపాత్రలు పోషించారు. ఓ చిన్న కేసు కూడా కోర్టుల్లో ఎన్నేళ్లు కొనసాగుతుందో సెటైరికల్‍గా ఈ చిత్రంలో చూపించారు. The court is now in session! Witness Mrinalini’s long fight for justice. #JaladharaPumpsetSince1962, now streaming, exclusively on #JioCinema #Urvashi #SagarRajan #Indrans #SanushaSanu #TGRavi #JohnyanTony #AlthafSalim #WonderframesFilmland#JaladharaPumpsetSince1962… pic.twitter.com/iM8I7MGAuQ— JioCinema (@JioCinema) September 15, 2024

హైదరాబాద్: బేగంపేటలోని ఊర్వశి బార్‌ అండ్‌ రెస్టారెంట్‌ లైసెన్స్‌ను రద్దు చేస్తూ ఎక్సైజ్‌ అధికారులు శుక్రవారం ఉత్తర్వులు జారీ చేశారు. నిబంధనలకు విరుద్ధంగా బార్‌లో యువతులు అశ్లీల నృత్యాలు చేయడం, యువకులను రెచ్చగొట్టడం, డీజే శబ్దాల హోరులో మద్యం సేవించి చిందులు వేయడం తదితర అనైతిక కార్యకలాపాలు కొనసాగిస్తున్నట్లు సమాచారం అందడంతో ఈ నెల 3న నార్త్‌జోన్‌ టాస్‌్కఫోర్స్‌ పోలీసులు ఆకస్మికంగా దాడులు జరిపిన విషయం విదితమే. ఆ సమయంలో బార్‌ నిర్వాహకులతో పాటు మొత్తం 107 మందిని అరెస్టు చేశారు. వీరిలో 30 మంది యువతులు కాగా మరో 60 మంది యువకులు, 17 మంది నిర్వాహకులు ఉన్నారు. టాస్క్‌ఫోర్స్‌ పోలీసులు కేసును బేగంపేట పోలీసులకు అప్పగించడంతో దర్యాప్తు చేపట్టిన పోలీసులు బార్‌లో అశ్లీల కార్యకలాపాలు, నిబంధనలకు విరుద్ధంగా బార్‌ను నిర్వహించడంతో ఆధారాలతో సహా ఎక్సైజ్‌ శాఖ అధికారులకు సమాచారం ఇచ్చారు. దీంతో ఊర్వశి బార్‌ను మూసివేసి లైసెన్స్‌ను రద్దు చేస్తూ శుక్రవారం ఉత్తర్వులు జారీ చేశారు.

ఊర్వశి రౌతేలా.. ప్రత్యేకించి పరిచయం అక్కర్లేని పేరు. తన గ్లామర్‌తో అటు బాలీవుడ్, ఇటు టాలీవుడ్‌ ప్రేక్షకుల్లో.. ప్రత్యేకించి యువతలో తనకంటూ ప్రత్యేకమైన గుర్తింపు తెచ్చుకున్నారీ బ్యూటీ. తాజాగా ఊర్వశి రౌతేలా ఎక్స్‌లో చేసిన ఓ పోస్ట్‌ నెట్టింట హల్‌చల్‌ చేస్తోంది. ఎన్టీఆర్‌తో కలిసి ఉన్న ఫొటోను ఆమె షేర్‌ చేయడం ఇండస్ట్రీ వర్గాల్లో, ఎన్టీఆర్‌ అభిమానుల్లో చర్చకు తెరలేపింది. ఎన్టీఆర్‌ హీరోగా కొరటాల శివ దర్శకత్వంలో రూపొందుతున్న ‘దేవర’ సినిమాలో ఊర్వశి నటించనున్నారేమో? అనే చర్చలు జరుగుతున్నాయి. ‘వార్‌ 2’ హిందీ సినిమా చిత్రీకరణ కోసం ముంబయ్‌లో ఉన్నారు ఎన్టీఆర్‌. ఆయనతో జిమ్‌లో దిగిన ఫొటోను ఊర్వశి సోషల్‌ మీడియాలో షేర్‌ చేసి.. ‘‘ఎన్టీఆర్‌గారు మన ప్రియమైన, నిజమైన గ్లోబల్‌ సూపర్‌ స్టార్‌. క్రమశిక్షణ, నిజాయితీ, వినయపూర్వకంగా ఉండే వ్యక్తి. మీ దయ, ప్రోత్సాహానికి కృతజ్ఞతలు. మీ వ్యక్తిత్వం నిజంగా ప్రశంసనీయం. సమీప భవిష్యత్తులో మీతో కలిసి పని చేయడానికి ఆసక్తిగా ఎదురు చూస్తున్నాను’’ అని పేర్కొన్నారు. ఈ పోస్ట్‌ చూసిన ఎన్టీఆర్‌ ఫ్యాన్స్‌ ‘దేవర’ చిత్రంలో ఊర్వశి రౌతేలా ప్రత్యేక పాటలో కనిపించనున్నారా? అంటూ కామెంట్లు చేస్తున్నారు. కాగా ఊర్వశి తెలుగులో ‘వాల్తేరు వీరయ్య, ఏజెంట్, బ్రో, స్కంద’ వంటి చిత్రాల్లో ప్రత్యేక పాటల్లో తన డ్యాన్స్‌తో అలరించారు. మరి... ఎన్టీఆర్‌ సినిమాలో నటించాలనే ఆసక్తి కనబరుస్తున్న ఊర్వశికి ఆ చాన్స్‌ వస్తుందా? అనేది చూడాలి. View this post on Instagram A post shared by URVASHI RAUTELA (@urvashirautela)

అమ్మ పాత్రలకు, అమాయకపు రోల్స్‌కు, ఎక్స్‌ప్రెషన్స్‌తోనే నవ్వించగల పాత్రలకు పెట్టింది పేరు ఊర్వశి. ఈమె అసలు పేరు కవిత రంజిని. కేరళలో పుట్టి పెరిగిన ఈమె చైల్డ్‌ ఆర్టిస్ట్‌గా వెండితెరకు పరిచయమైంది. ముందనై ముడిచ్చు అనే తమిళ సినిమాతో హీరోయిన్‌గా మారింది. కొంతకాలంపాటు హీరోయిన్‌గా నటించిన ఆమె ఆ తర్వాత క్యారెక్టర్‌ ఆర్టిస్ట్‌గా మారింది. తెలుగు, తమిళ, మలయాళ, కన్నడ, హిందీ భాషల్లో కలుపుకుని 700కు పైగా చిత్రాలు చేసింది. ఊర్వశి ప్రస్తుతం సినిమాలకు కాస్త బ్రేక్‌ ఇచ్చింది. తాజాగా ఆమె కోలీవుడ్‌లో ఓ ఇంటర్వ్యూలో పలు ఆసక్తకరమైన విషయాలను పంచుకుంది. తన కుమార్తె 'తేజ లక్ష్మి' గురించి కొంత సమాచారాన్ని పంచుకుంది. అందులో ఇన్నాళ్లుగా తన కూతురు సినిమాల్లో ఎందుకు నటించలేదని, ఇప్పుడు సినిమాల్లో ఎందుకు నటించబోతుందంటూ పలు విషయాలపై ఆమె మాట్లాడింది.ఊర్వశి ఇటీవల తన కుమార్తెతో కలిసి ఒక ఫోటోను సోషల్ మీడియాలో పంచుకుంది. అది కాస్త నెట్టింట తెగ వైరల్‌ అయింది. ప్రస్తుతం తేజ లక్ష్మి వయసు 23 ఏళ్లు కావడంతో సినిమాల్లో నటించేందుకు ఆసక్తి కనబరుస్తున్నట్లు ఆమె చెప్పింది. అందుకే ఆమెను ఇప్పుడు బయటి ప్రపంచానికి పరిచయం చేసినట్లు తెలిపింది. 'ఇన్ని సంవత్సరాలుగా నా కూతుర్ని సినిమాల్లో నటించేలా చేయలేదు. కారణం ఏంటంటే.. స్టార్ల వారసులు సినిమాల్లో నటించేందుకు వస్తే.. వాళ్ల పేరెంట్స్‌ ప్రభావం వల్ల జనాలు ఆదరిస్తున్నారు. వారసులకు ఇదే ప్రధాన సమస్యగా ఉంటుంది. అందుకే చదువు పూర్తి చేసి రమ్మని పంపించాను. అయితే ఇప్పుడు ఆమె చదువు పూర్తయ్యాక నా దగ్గరకు వచ్చి తన ఫ్రెండ్స్ సర్కిల్‌లో అందరూ నటించమని చెబుతున్నారని చెప్పింది. ఆమె కూడా ఇప్పుడు సినిమాల్లో నటించాలని ఆసక్తి చూపుతోంది. కాబట్టి నేను దానికి అంగీకరించాను.ఇప్పుడు కొన్ని కథలు వింటుంది. ఆమె మొదట్లో సినిమాల్లోకి రాకూడదని భావించింది, కానీ విధి ఆమెను సినిమా వైపు నడిపిస్తుంది. దాన్ని మార్చలేమని ఊర్వశి ఆ ఇంటర్వ్యూలో చెప్పింది. నటి ఊర్వశి, నటుడు మనోజ్ జయన్‌ను ప్రేమించి 2000లో పెళ్లి చేసుకుంది. వారిద్దరికి జన్మించిన అమ్మాయే తేజ లక్ష్మి. ఆ తర్వాత మనోజ్‌తో విభేదాలు రావడంతో అతడితో విడాకులు తీసుకుని 2013లో శివ ప్రసాద్‌ని పెళ్లి చేసుకుని అతనితో కలిసి జీవిస్తోంది. కానీ తేజలక్ష్మి మాత్రం తన తండ్రితోనే కలిసి ఉంటోంది. View this post on Instagram A post shared by 𝐕𝐀𝐍𝐈𝐓𝐇𝐀 (@vanithamagazine) View this post on Instagram A post shared by Urvasi Sivaprasad (@therealurvasi)

రాజ‌కీయాల్లో రాణించిన సినిమా స్టార్లు చాలామందే ఉన్నారు. అందులో విజ‌య‌కాంత్ ఒక‌రు. రాజ‌కీయాల్లో క‌రుప్పు ఎంజీఆర్‌గా, సినీరంగంలో కెప్టెన్‌గా క్రేజ్ అందుకున్నాడు విజ‌య‌కాంత్‌. హీరోగా రోజుకు మూడు షిఫ్టులు ప‌ని చేసేవాడు. ఎంత‌లా అంటే 1984లో ఆయ‌న న‌టించిన 18 సినిమాలు విడుద‌ల‌య్యాయి. ఎంతోమంది ప్రేక్ష‌కుల మ‌న‌సు గెలుచుకున్న ఆయ‌న గ‌తేడాది డిసెంబ‌ర్‌లో అనారోగ్యంతో క‌న్నుమూశారు. న‌న్ను ప్రేమ‌గా పిలిచేవారు తాజాగా సీనియ‌ర్ న‌టి ఊర్వ‌శి ఆయ‌న్ను గుర్తు చేసుకుని భావోద్వేగానికి లోనైంది. ఆయ‌న త‌న‌తో ప‌ని చేయ‌డానికి నిరాక‌రించారంటూ ఇంట‌ర్వ్యూలో ఆనాటి జ్ఞాప‌కాల‌ను నెమ‌రేసుకుంది. 'నేను చిన్న‌గా ఉన్న‌ప్పుడు విజ‌య‌కాంత్ సినిమాల్లో న‌టించాను. అప్పుడు ఆయ‌న న‌న్ను తంగాచ్చి (చెల్లి) అని పిలిచేవారు. త‌ర్వాత నేను హీరోయిన్‌గానూ సినిమాలు చేశాను. నాతో సినిమా చేయ‌న‌న్నారు అలా ఓసారి విజ‌య‌కాంత్ సినిమాలో న‌న్ను హీరోయిన్‌గా అనుకున్నారు. అందుకాయ‌న ఒప్పుకోలేదు. నా ప‌క్క‌న న‌టించేందుకు ఇష్ట‌ప‌డ‌లేదు. చెల్లి అని పిలిచాక త‌న‌కు జంట‌గా ఎలా న‌టించ‌గ‌ల‌ను అన్నారు. అంతేకాదు, ఆ మూవీలో హీరోహీరోయిన్ల మ‌ధ్య రొమాంటిక్ స‌న్నివేశాలు ఉన్నాయి. అందుకోస‌మే నా ప‌క్క‌న న‌టించ‌లేదు' అని ఊర్వ‌శి చెప్పుకొచ్చింది. చ‌ద‌వండి: నాని 'గ్యాంగ్‌ లీడర్‌' హీరోయిన్‌ అలాంటి సినిమా చేసిందా.. 20 నిమిషాల సీన్స్‌ కట్‌

కొన్నిసార్లు కష్టాలే మనకు గమ్యాన్ని చూపిస్తాయి. ఆ కష్టాల నుంచి గట్టెక్కేందుకు ధైర్యం కూడదీసుకుని గమ్యం వైపు అడుగులు వేస్తూ పోవాల్సిందే! తన విషయంలోనూ ఇదే జరిగిందంటోంది బుల్లితెర నటి ఊర్వశి ఢోలకియా. తనకు ఎదురైన కష్టాల వల్లే కెమెరా ముందు నటిస్తున్నానంటోంది. తాజాగా ఆమె తన జీవితంలో ఎదుర్కొన్న బాధాకర సంఘటనలను చెప్పుకొచ్చింది. 'నేను అందమైన జీవితాన్ని ఊహించుకున్నాను. ప్రేమ- పెళ్లి కోసం కల కన్నాను. అసలు పని చేయకూడదని అనుకున్నాను. ఒక మహారాణిలా బతకాలనుకున్నాను. కానీ అమ్మ  ఎప్పుడూ ఒక మాట చెప్తుండేది. నువ్వు స్వతంత్రంగా జీవించు.. కానీ తప్పకుండా పెళ్లి చేసుకోవాల్సిందే అని! విడాకులు అదే ప్రధాన కారణం.. అప్పుడు నాకు 16 ఏళ్ల వయసు.. పెద్దగా లోకజ్ఞానం కూడా లేదు. పెళ్లి చేశారు. 17 ఏళ్లకే కవలలు పుట్టారు. 18 ఏళ్లకు విడాకులు కూడా తీసుకున్నాం. విడాకులకు ప్రధాన కారణం.. అతడు బాధ్యతగా ఉండకపోవడమే! అతడిలా నేను పిల్లలను అనాథల్లా వదిలేయలేను కదా.. ఆ సమయంలో నా పేరెంట్స్‌ సపోర్ట్‌ చేసినంతగా మరెవరూ అండగా నిలబడలేదు. కానీ నేను, నా పిల్లలు వారికి భారం కాకూడదనే 19 ఏళ్ల వయసులో పని కోసం తిరిగాను. కానీ ఇండస్ట్రీలో అవకాశాలు అందిపుచ్చుకోవడం అంత సులభమేమీ కాదు. చాలామంది నా పరిస్థితిని అడ్వాంటేజ్‌గా తీసుకోవాలని చూశారు. చాలా తక్కువ డబ్బులిచ్చేవారు. నాన్న ఎక్కడ? అని పిల్లలు అడగలేదు.. విడాకుల తర్వాత ఇంతవరకు మళ్లీ నా మాజీ భర్తతో మాట్లాడనేలేదు. అతడి గురించి పిల్లలకు చెప్పాలనుకున్నా వాళ్లు వద్దని వారించేవారు' అని చెప్పుకొచ్చింది. కాగా ఊర్వశి ఆరేళ్ల వయసులో లక్స్‌ వాణిజ్య ప్రకటనలో నటించింది. చైల్డ్‌ ఆర్టిస్ట్‌గా పలు సీరియల్స్‌ చేసిన ఈమె హిందీ బిగ్‌బాస్‌ ఆరో సీజన్‌లో పాల్గొని విజేతగా నిలిచింది. దాదాపు ఏడు సంవత్సరాల పాటు సాగిన ప్రముఖ హిందీ సీరియల్‌ 'కసౌటి జిందగీకే' సీరియల్‌లో ముఖ్య పాత్రలో అలరించింది. View this post on Instagram A post shared by URVASHI (@urvashidholakia) చదవండి: అమర్‌ను మళ్లీ టార్గెట్‌ చేసిన శివాజీ.. వెధవ.. ఏం రోగమంటూ..

ముందానై ముడిచ్చు చిత్రంతో కథానాయకిగా పరిచయమై తన చిలిపితనంతో కూడిన నటనతో అందరినీ ఆకర్షించిన మలయాళ నటి ఊర్వశి. ఆ తరువాత పలు చిత్రాల్లో నటించి పాపులర్‌ అయ్యారు. 1980-90 ప్రాంతంలో ప్రముఖ కథానాయకిగా వెలిగిన ఆమె తమిళంతో పాటు తెలుగు, మలయాళం భాషల్లోనూ నటిస్తూ తనకంటూ ప్రత్యేక స్థానాన్ని సంపాదించుకున్నారు. ప్రస్తుతం క్యారెక్టర్‌ ఆర్టిస్టుగా బిజీగా ఉన్నారు. (ఇది చదవండి: బిడ్డతో తొలిసారి ఫారిన్ టూర్‌కు చెర్రీ దంపతులు.. పెళ్లి కోసమేనా?) నటిగా మంచి ఫామ్‌లో ఉండగానే మలయాళ నటుడు మనోజ్‌ కే.జయన్‌ను ప్రేమ వివాహం చేసుకున్నారు. వీరికి కుంజట్టా అనే కూతురు ఉంది. అయితే కొన్నేళ్లకే మనస్పర్థల కారణంగా ఊర్వశి భర్త నుంచి విడాకులు తీసుకున్నారు. అయినా కూతురు ఇద్దరి వద్ద ఉంటూ పెరుగుతూ వచ్చింది. కాగా.. ఆ తరువాత ఊర్వశి రెండో పెళ్లి చేసుకున్నారు. తాజాగా ఆమె కూతురు కుంజట్టాతో ఉన్న ఫొటోలను సామాజిక మాధ్యమాలకు విడుదల చేశారు. దీంతో ఊర్వశి వారసురాలు సినిమాల్లోకి ఎంట్రీ ఇవ్వడం ఖాయమనే ప్రచారం జోరందుకుంది. కుంజట్టాకు కథనాయకికి కావలసిన అన్ని లక్షణాలు ఉండడంతో తర్వాత హీరోయిన్‌ అనే ప్రచారం ఊపందుకుంది. ఊర్వశి ఉద్దేశం కూడా అదే కావచ్చు అంటున్నారు ఫ్యాన్స్. అందుకే ఇన్నాళ్లకు తన కూతురితో ఉన్న ఫొటోలను సామాజిక మాధ్యమాలకు విడుదల చేశారనే ప్రచారం జరుగుతోంది. ఇప్పటికే కుంజట్టాను హీరోయిన్‌గా పరిచయం చేయడానికి కొందరు దర్శక, నిర్మాతలు ప్రయత్నిస్తున్నట్లు టాక్‌. అయితే ఈ విషయంపై ఊర్వశి ఎలాంటి ప్రకటన చేయలేదు. (ఇది చదవండి: ఇండియాలో అమ్ముడయ్యేది ఆ రెండే.. హీరోయిన్ భర్త షాకింగ్ కామెంట్స్! )

అమ్మ పాత్రలకు, అమాయకపు రోల్స్‌కు, ఎక్స్‌ప్రెషన్స్‌తోనే నవ్వించగల పాత్రలకు పెట్టింది పేరు ఊర్వశి. ఈమె అసలు పేరు కవిత రంజిని. కేరళలో పుట్టి పెరిగిన ఈమె చైల్డ్‌ ఆర్టిస్ట్‌గా వెండితెరకు పరిచయమైంది. ముందనై ముడిచ్చు అనే తమిళ సినిమాతో హీరోయిన్‌గా మారింది. కొంతకాలంపాటు హీరోయిన్‌గా నటించిన ఆమె ఆ తర్వాత క్యారెక్టర్‌ ఆర్టిస్ట్‌గా మారింది. తెలుగు, తమిళ, మలయాళ, కన్నడ, హిందీ భాషల్లో కలుపుకుని 700కు పైగా చిత్రాలు చేసింది. ఊర్వశి పర్సనల్‌ లైఫ్‌ ఊర్వశి 2000 సంవత్సరంలో నటుడు మనోజ్‌ కె.జయన్‌ను పెళ్లాడింది. వీరికి తేజ లక్ష్మి అనే కూతురు పుట్టింది. అయితే వీరి దాంపత్యజీవితం అంత సజావుగా సాగలేదు. 2008లో వీరు విడాకులు తీసుకున్నారు. ఆ తర్వాత ఊర్వశి చెన్నైవాసి శివప్రసాద్‌ను పెళ్లాడింది. వీరికి ఇషాన్‌ ప్రజాపతి అనే కొడుకు పుట్టాడు. అటు మనోజ్‌ కూడా మరొకరిని రెండో పెళ్లి చేసుకున్నాడు. మొదటి భర్త మనోజ్‌ కె.జయన్‌తో ఊర్వశి రోజూ మందు తాగేదాన్ని తాజాగా ఊర్వశి తన మొదటి పెళ్లి గురించి, విడాకులకు గల కారణాన్ని గురించి వెల్లడించింది. 'మనోజ్‌ నేను విడిపోవడానికి ఒకే ఒక కారణం తాగుడు అలవాటు. అతడి ఇంట్లో అందరూ మందు తాగుతారు. కుటుంబమంతా కలిసే తాగుతారు. నన్ను కూడా తాగమని బలవంతం చేసేవాడు. రోజూ తాగితాగి నేను కూడా తాగుబోతులా తయారయ్యాను. అతడి వల్లే నేను మందుకు బానిసయ్యాను. అదే మా విడాకులకు కారణమైంది. నా కూతుర్ని కూడా నాకు దక్కకుండా చేశాడు. రెండో భర్త శివప్రసాద్‌తో ఊర్వశి ఒంటరితనంతో డిప్రెషన్‌లోకి.. నేను మందుకు బానిసయ్యానని చెప్పి కూతురి బాధ్యతలను తనే తీసుకున్నాడు. ఒంటరిదాన్నైపోయాను. డిప్రెషన్‌లోకి వెళ్లిపోయాను. చాలాకాలంపాటు నాలో నేనే కుమిలిపోయాను. తర్వాత మా ఫ్యామిలీ ఫ్రెండ్‌ శివప్రసాద్‌ను రెండో పెళ్లి చేసుకున్నాను. అప్పుడు నా వయసు 40 ఏళ్లు. ఆ వయసులో పెళ్లేంటని చాలామంది విమర్శించారు. కానీ నేను వాటిని లెక్క చేయలేదు. ఇప్పుడు నా భర్త, కొడుకుతో సంతోషంగా ఉంటున్నాను' అని చెప్పుకొచ్చింది. చదవండి: కిక్‌ ఇచ్చేందుకు సంతానం రెడీ.. బ్రహ్మానందం, కోవై సరళతో పాటు.. శేఖర్‌ మాస్టర్‌ విషయంలో చాలా బాధపడ్డాను.. సినిమా ఎంట్రీకి ఆ ఫోటోనే కారణం: ‍శ్రీలీల

సీనియర్‌ నటి ఊర్వశి ప్రధాన పాత్రలో నటించిన చిత్రం 'చార్లెస్‌ ఎంటర్‌ప్రైజెస్‌'. నటుడు బాలు వర్గీస్‌, కలైయరసన్‌, గురుసోమసుందరం, సుజిత్‌ శంకర్‌, అభిజ శివకళ, మణికంఠన్‌, ఆచారిను, మృదుల మాధవ్‌, సుధీర్‌ పరవూర్‌ ముఖ్యపాత్రలు పోషించారు. సుభాష్‌ లలిత సుబ్రమణ్యం దర్శకుడిగా పరిచయం అవుతుండగా జాయ్‌ మూవీ ప్రొడక్షన్స్‌ పతాకంపై డాక్టర్‌ అజిత్‌ జాయ్‌ తమిళం, మలయాళం భాషల్లో నిర్మించారు. కె.వి.సుబ్రమణ్యం, అశోక్‌ పొన్నప్పన్‌ కలిసి సంగీతాన్ని అందించిన ఈ చిత్రానికి స్వరూప్‌ పిలిప్‌ ఛాయాగ్రహణం అందించారు. మలయాళంలో ఇటీవల విడుదలై విజయవంతంగా ప్రదర్శింపబడుతున్న ఈ చిత్రాన్ని తమిళంలో ఈ నెల 23న విడుదల చేయనున్నారు. ఈ సందర్భంగా సోమవారం సాయంత్రం ఏర్పాటు చేసిన మీడియా సమావేశంలో ఊర్వశి మాట్లాడుతూ.. సాధారణంగా తమలాంటి నటీనటులను పత్రికల వాళ్లు నీకు ఇష్టమైన నటీనటులు ఎవరు, నచ్చిన పాత్ర ఏమిటి, దర్శకుడు ఎవరు? లాంటి ప్రశ్నలు వేస్తుంటారన్నారు. అయితే ఈ చిత్రానికి బలం నిర్మాతేనన్నారు. ఇకపై నీకు నచ్చిన నిర్మాత ఎవరు అని అడగండి అన్నారు. అలా ఈ చిత్రం నిర్మాత తనకు చాలా ఇష్టమని చెప్పారు. కొందరు నిర్మాతలపై ఫిర్యాదు కూడా చేసే అవకాశం ఉందని అన్నారు. చిత్ర కథ బాగుందా? అన్ని వర్గాల వారిని అలరించే విధంగా ఉందా? వ్యాపారపరంగానూ లాభసాటిగా ఉందా అంటూ ప్రతి అంశాన్ని జాగ్రత్తగా పరిశీలించి నిర్మాత అజిత్‌ జాయ్‌ ఈ చిత్రాన్ని నిర్మించారని చెప్పారు. ఇకపోతే చిన్న చిత్రమైనా పెద్ద చిత్రమైనా శ్రమ ఒకటేనని, అయితే తన చిత్రాలకు తగిన ప్రచారం లభించడం లేదని అన్నారు. ఈ చిత్రానికి మీడియా సహకారం అవసరం అని ఊర్వశి పేర్కొన్నారు. చదవండి: షారుక్‌ ఖాన్‌కు చేదు అనుభవం

ప్ర‌తాప్ పోత‌న్‌, అర‌వింద్ కృష్ణ‌, అలీ రెజా, ఊర్వ‌శీరాయ్ ప్ర‌ధాన పాత్ర‌ల్లో తెరకెక్కించిన స్పై థ్రిల్లర్ 'గ్రే: ద స్పై హూ ల‌వ్డ్ మి'. ఈ చిత్రానికి రాజ్ మాదిరాజు ద‌ర్శ‌క‌త్వం వహించారు.  ఈ మూవీని అద్వితీయ మూవీస్ పతాకంపై  కిరణ్ కాళ్లకూరి  నిర్మించగా.. దాదాపు 40 ఏళ్ల త‌ర్వాత బ్లాక్ అండ్ వైట్‌లో వస్తున్న చిత్రమిది. ఇప్పటికే షూటింగ్ పూర్తి చేసుకున్న ఈ చిత్రం మే 26న విడుదల కానుంది.  (ఇది చదవండి: టాలీవుడ్ సీనియర్ నటుడు శరత్‌ బాబు కన్నుమూత) దర్శకుడు రాజ్ మాదిరాజు మాట్లాడుతూ.. 'ఐదారేళ్ల క్రితం మ‌న‌దేశంలో రెండేళ్ల వ్య‌వ‌ధిలో దాదాపు 12మంది న్యూక్లియ‌ర్ సైంటిస్టులు క‌న‌ప‌డ‌కుండా పోయారు. ఇలా గ‌తంలో కూడా చాలా  సార్లు జ‌రిగింది. వీట‌న్నింటికి కార‌ణం ఏంటంటే ఫారెన్ ఇంటెలిజెన్స్ ఏజెన్సీస్ వారు చాలా జాగ్ర‌త్త‌గా వ‌ల‌ప‌న్ని చేసిన ఆప‌రేష‌న్స్. అందులో నుంచి పుట్టిన ఐడియానే ఈ  గ్రే  మూవీ. ప్ర‌తి ఆలోచ‌న వెనుక మ‌న ఆలోచ‌న‌ల‌కు కూడా అంద‌ని కొన్ని వింతైన ఎక్స్‌ప్రెష‌న్స్ ఉంటాయి. అదే ఈ స్పై డ్రామా' అని అన్నారు.  (ఇది చదవండి: ఫోన్ రావడంతో కన్నీళ్లాగలేదు..చిన్న పిల్లాడిలా ఏడ్చేసిన నరేశ్!) మా ‘గ్రే’ చిత్రం 2022లో పలు అంతర్జాతీయ ఫిలిం ఫెస్టివల్స్‌కు ఎంపికైంది. కలకత్తా ఇంటర్నేషనల్ కల్ట్ ఫిలిం ఫెస్టివల్ 2022 లో విన్నర్‌గా నిలిచింది. 2022 ఆసియన్ ఫిలిం ఫెస్టివల్, బ్రెజిల్ ఇంటర్నేషనల్ ఫిలిం ఫెస్టివల్ నిర్వాహకులు  గ్రే చిత్రాన్ని కొనియాడారు. 

ఎలాంటి అంచనాలు లేకుండా పాన్‌ ఇండియా స్థాయిలో సత్తా చాటిన చిత్రం కాంతార. చిన్న సినిమాగా విడుదలైన ఈ సినిమా బాక్సాఫీస్‌ రికార్డులను బద్దలు కొట్టింది. కేవలం రూ. 16కోట్లతో తెరకెక్కిన ఈ సినిమా రూ. 400కోట్లకు పైగా వసూళ్లు సాధించిన సెన్సేషన్‌ క్రియేట్‌ చేసింది. ఇక ఈ సినిమాకు సీక్వెల్‌ కూడా రానున్నట్లు ఇటీవలె మేకర్స్‌ ప్రకటించిన సంగతి తెలిసిందే. ప్రస్తుతం కాంతార-2 స్క్రిప్ట్ పనులు జరుగుతున్నాయి. ఇదిలా ఉంటే ఈ సినిమాలో బాలీవుడ్‌ బ్యూటీ ఊర్వశీ రౌతేలా కూడా నటించనుంది. ఈ మేరకు స్వయంగా ఆమె తన ఇన్‌స్టా స్టోరీలో డైరెక్టర్‌ రిషబ్‌ శెట్టితో కలిసి ఫోటోను పోస్ట్‌ చేస్తూ.. ‘కాంతారా2’లోడింగ్ అంటూ క్యాప్షన్ ఇచ్చింది. దీంతో ఊర్వశీ హీరోయిన్‌గా నటిస్తుందా లేక కీలక పాత్రలో చేయనుందా అన్న సందేహం నెలకొంది.  ప్రస్తుతం ఊర్వశీ షేర్‌ చేసిన ఈ పోస్ట్‌ నెట్టింట వైరల్‌గా మారింది.  View this post on Instagram A post shared by Urvashi Rautela (@urvashirautela)

Badhaai Ho Movie Remake Veetla Vishesham Release Date Announced: ఆర్జే బాలాజీ కథానాయకుడిగా నటించి, దర్శకత్వం వహించిన చిత్రం 'వీట్ల విశేషం'. ప్రముఖ బాలీవుడ్‌ నిర్మాత బోనీకపూర్‌ సమర్పణలో జీ.స్టూడియోస్, బేవ్యూ ప్రాజెక్ట్‌ ఎల్‌ఎల్‌పీ, రోమియో పిక్చర్స్‌ సంస్థలు కలిసి నిర్మించిన ఈ చిత్రం 17వ తేదీన విడుదలకు సిద్ధమవుతోంది.  ఈ సందర్భంగా దర్శకుడు ఆర్జే బాలాజీ గురువారం (జూన్ 3) మీడియాతో మాట్లాడుతూ ఇది రొమాంటిక్‌ ఫ్యామిలీ డ్రామా చిత్రమన్నారు. 2018లో విడుదలై మంచి విజయాన్ని సాధించిన హిందీ చిత్రం బదాయ్‌ హోకు ఇది రీమేక్‌ అని, అయితే ఇప్పటి తమిళ నేటివిటీకి తగ్గట్టుగా పలు మార్పులు చేర్పులు చేసి తెరకెక్కించినట్లు చెప్పారు. నటుడు సత్యరాజ్, ఊర్వశి ప్రధాన పాత్రలు పోషించిన ఇందులో నటి అపర్ణ బాలమురళి తనకు జంటగా నటించారని తెలిపారు.  చదవండి: 'మేజర్‌'పై సందీప్‌ తండ్రి రియాక్షన్‌.. కన్నీళ్లు పెట్టుకున్న తల్లి కమల్‌ హాసన్‌ 'విక్రమ్' మూవీ ట్విటర్‌ రివ్యూ..

మన వ్యవస్థలో విడాకులు తీసుకున్న మగవారు వెంటనే మరో వివాహం చేసుకుంటారు. సమాజం కూడా ఒంటరి మగవారి పట్ల సానుభూతి చూపుతుంది. అదే ఆడవారి విషయానికి వస్తే.. సమాజంతో పాటు కుటుంబ సభ్యుల ఆలోచన ధోరణి కూడా ఇందుకు భిన్నంగా ఉంటుంది. భర్త చనిపోయిన తర్వాతనో లేక విడాకులు తీసుకున్న మహిళ.. మరో సారి పెళ్లి చేసుకోవడాన్ని పెద్ద నేరంగా పరిగణిస్తారు చాలా మంది. ఇక వారికి ఎదిగిన పిల్లలు ఉంటే.. బిడ్డలకు పెళ్లి చేయాల్సింది పోయి ఈమె వివాహాం చేసుకోవడం ఏంటి అంటూ అడ్డదిడ్డంగా మాట్లాడతారు. చాలా అరుదుగా మాత్రమే ఇలాంటి విషయాల్లో కుటుంబ సభ్యులు ఆడవారికి అండగా నిలుస్తారు. ఈ కోవకు చెందిన కుటుంబమే టీవీ నటి ఊర్వశి ధోలాకియాకు దొరికింది. అందుకే భర్తతో విడిపోయి ఒంటరిగా ఉంటున్న ఆమెను రెండో వివాహం చేసుకోవాల్సిందిగా కోరుతున్నారట. అది కూడా ఆమె కుమారులు. ఈ విషయాలను ఓ ఆంగ్ల మీడియాకు ఇచ్చిన ఇంటర్వ్యూలో వెల్లడించారు ఊర్వశి. ఇక ఇంటర్వ్యూలో భాగంగా ఊర్వశి పలు ఆసక్తికర విషయాలు వెల్లడించారు. ‘‘బాల నటిగా ఇండస్ట్రీలో ప్రవేశించాను. 16వ ఏట ప్రేమలో పడ్డాను. 17వ ఏట నాకు కవలలు జన్మించారు. సాగర్‌, క్షితిజ్‌. ఆ తర్వాత భర్తతో విడిపోవాల్సి వచ్చింది. అప్పటి నుంచి నేను ఒంటరిగానే ఉన్నాను. సింగిల్‌ పేరెంట్‌గానే నా బిడ్డలను పెంచి పెద్ద చేశాను. వారికి మంచి చదువు, కెరీర్‌ అందించాలని రాత్రింబవళ్లు పని చేశాను. రోజులు ఎలా గడుస్తున్నాయో కూడా తెలియనంత బిజీగా గడిపాను. చూస్తుండగానే నా కొడుకులిద్దరు పెద్దవారయ్యారు. వారి కాళ్ల మీద వారు నిలబడగలిగారు. ఇందుకు నేను ఎంతో గర్వపడుతున్నాను’’ అంటూ చెప్పుకొచ్చారు ఊర్వశి నన్ను మరో పెళ్లి చేసుకోమని కోరుతున్నారు.. ‘‘ఇప్పుడు కుటుంబ సభ్యులు, నా కొడుకులిద్దరు నేను జీవితంలో సెటిల్‌ అవ్వాలని కోరుకుంటున్నారు. మరో పెళ్లి చేసుకోమని అడుగుతున్నారు. నా బిడ్డలు ఓ అడుగు ముందుకు వేసి ‘‘అమ్మ నీకు నచ్చిన వ్యక్తిని వివాహం అయినా చేసుకో.. లేదంటే డేటింగ్‌ చేయ్‌’’ అని అడుగుతుంటారు. వారి మాటలను నేను పెద్దగా పట్టించుకోను. నవ్వేసి ఊరుకుంటాను’’ అని చెప్పుకొచ్చారు. అలాంటి వ్యక్తి దొరికితే ఆలోచిస్తాను.. ‘‘నా భర్తతో విడిపోయిన తర్వాత నాకు మరో సారి పెళ్లి చేసుకోవాలనే ఆలోచన రాలేదు. దీని గురించి ఆలోచించే టైమ్‌ కూడా దొరకలేదు. ఇక మరో విషయం ఏంటంటే నేను చాలా స్వతంత్ర భావాలు కల మహిళను. నా జీవితాన్ని నాకు నచ్చినట్లు జీవిస్తాను. ఎవరి కోసం నన్ను నేను మార్చుకోను. వీటన్నింటిని అర్థం చేసుకునే వ్యక్తి తారసపడితే అప్పుడు ఆలోచిస్తాను. కానీ ఇప్పుడు నా దగ్గర అందుకు టైం కూడా లేదు’’ అన్నారు. బలవంతంగా మనల్ని మనం మార్చుకోవడం సరికాదు.. ‘‘ఇక లవ్‌లో కానీ పెళ్లి బంధంలో కానీ మనం సౌకర్యవంతంగా ఉంటూనే అవతలి వ్యక్తిని ఇష్టపడాలి, ప్రేమించాలి. మన స్పేస్‌ మనం తీసుకున్నట్లే.. ఎదుటి వ్యక్తికి కూడా పర్సనల్‌ స్పేస్‌ ఇవ్వాలి. అంతేతప్ప మనల్ని ప్రేమిస్తున్నారు కదా అని.. వారి కోసం బలవంతంగా మనల్ని మనం మార్చుకుంటే.. ఆ బంధం ఎంతో కాలం నిలవదు. ఎవరికైనా నేను ఇచ్చే సలహా ఇదే. మన కంఫర్ట్‌ని వదులుకుని మరీ ఎదుటి వారి కోసం మారాల్సిన అవసరం లేదు. అలా చేస్తే ఆ బంధం ఎక్కువ కాలం నిలవదు’’ అంటూ చెప్పుకొచ్చారు ఊర్వశి.  కసౌటి జిందగీ కే మొదటి ఎడిషన్‌లో కొమోలికా పాత్రతో ఊర్వశి ధోలకియా మంచి పేరు తెచ్చుకున్నారు. ఆ తర్వాత ఆమె దేఖ్ భాయ్ దేఖ్, శక్తిమాన్, కబీ సౌతాన్ కబీ సాహెలి, తుమ్ బిన్ జావున్ కహాన్, కహిన్ టు హోగా, బేట్టాబ్ దిల్ కీ తమన్నా హై, చంద్రకాంత - ఏక్ మాయావి ప్రేమ్ గాథా వంటి టీవీ షోలలో నటించారు. బిగ్ బాస్ సీజన్‌ 6 విజేతగా నిలిచారు ఊర్వశి. చదవండి:  కలికాలం: భర్తకు విడాకులు.. మామతో వివాహం రెండోపెళ్లి నాకు ఓకే : నాగబాబు.. పోస్ట్‌ వైరల్‌

‘ప్రేమిస్తే’ ఫేమ్‌ భరత్, నమిత, ఇనియా, ఊర్వశి, షకీలా ప్రధాన తారాగణంగా వి.సి. వడివుడయాన్‌ దర్శకత్వంలో తెరకెక్కిన చిత్రం ‘బొట్టు’. తెలుగు, తమిళ భాషల్లో మార్చి 8న ఈ సినిమా విడుదల కానుంది. ఎస్‌.ఎస్‌ సమర్పణలో శ్రీలక్ష్మీ వెంకటేశ్వర క్రియేషన్స్‌ పతాకంపై జి. కుమార్‌ బాబు ‘బొట్టు’ చిత్రాన్ని తెలుగు ప్రేక్షకులకు అందిస్తున్నారు. ఈ సందర్భంగా ఆయన మాట్లాడుతూ– ‘‘బొట్టు అనే పేరు గల ఓ గిరిజన యువతి కథే ఈ సినిమా. ‘కాంచన, గంగ’ చిత్రాల తరహాలో అద్భుతమైన గ్రాఫిక్స్‌తో వస్తోన్న మరో హారర్‌ కామెడీ యాక్షన్‌ చిత్రమిది. కథాకథనాలు ఆశ్చర్యపరిచేలా ఉంటాయి. 52 నిమిషాల గ్రాఫిక్స్‌ మా సినిమాకి ప్రత్యేక ఆకర్షణగా నిలుస్తాయి. సెన్సార్‌ ఇబ్బందుల వల్ల చాలా రోజులుగా సినిమా విడుదల నిలిచిపోయింది. చివరకు రివైజింగ్‌ కమిటీ ద్వారా విడుదలకు సర్టిఫికెట్‌ పొందాం. ఈ సినిమా తెలుగు ప్రేక్షకులకు ఒక సరికొత్త అనుభూతిని కలిగిస్తుందనే నమ్మకం ఉంది’’ అని తెలిపారు. ఈ చిత్రానికి సంగీతం: అమ్రీష్, కెమెరా: ఎనియాన్‌ జె. హ్యారీస్‌.

కొరుక్కుపేట(చెన్నై):  50 ఏళ్ల పాటు సినీ పరిశ్రమకు చేసిన సేవలకు గుర్తింపుగా దివంగత నటి శ్రీదేవి కి భారతరత్న ఇవ్వాలని సీనియర్‌ నటి ఊర్వశి శారద డిమాండ్‌ చేశారు. చెన్నైలోని ఆంధ్రా సోషల్‌ అండ్‌ కల్చరల్‌ అసోసియే షన్‌ (ఆస్కా) ఆధ్వర్యంలో గురువారం శ్రీదేవికి అశ్రునివాళి అర్పించారు.  సంస్మ రణ సభలో నటి శారద మాట్లాడుతూ.. శ్రీదేవితో కలసి పని చేసిన గత స్మృతు లను గుర్తు చేసుకున్నారు. శ్రీదేవిని పప్పి అని ముద్దుగా పిలిచేదాన్ని అని తెలిపారు. శ్రీదేవి నాలుగో ఏటే సినీ పరిశ్రమలోకి అడుగుపెట్టి దాదాపు 5 దశాబ్దాల పాటు  అందం, అభినయంతో కోట్లాది అభి మానులను సంపాదించుకున్నారని కొని యాడారు. ఆమెకు భారత ప్రభుత్వం భారతరత్న ప్రకటించాలని కోరారు. శ్రీదేవి ఆత్మకు శాంతి కలగాలని, ఆమె కుటుంబ సభ్యులకు ప్రగాడ సంతాపాన్ని తెలియచేస్తున్నానని అన్నారు. కార్యక్రమం లో ఆస్కా సాంస్కృతిక కార్యదర్శి వాసూ రావు, జాయింట్‌ సెక్రటరీ జేకే రెడ్డి, గేయ రచయిత వెన్నెలకంటి పాల్గొన్నారు.

ఆడవాళ్లకు మాత్రమే సీటులో కూర్చుంటే ఏం తెలుస్తుంది? ఆఫీసుకు టైమ్‌కు వస్తుంది టైమ్‌కు వెళుతోంది అని అనిపిస్తుంది. కాని ఒకామె భర్తకు ఉద్యోగం పోయింది. ఇంట్లో ఉంటున్నాడు. ఉద్యోగం పోయినందుకు చిన్నబుచ్చుకుంటూ ఇంట్లో ఉన్నందుకు భార్యకు సాయం చేస్తూ చిన్న పాప ఉంటే ఆ పాపను చూసుకుంటూ ఉన్నాడు. భర్త గురించి ఆమెకు టెన్షన్‌. కాని తయారయ్యి ఆఫీసులో సీటులో కూర్చుని ఉంటే ఆ టెన్షన్‌ కనిపిస్తుందా? ఇంకొక ఆమెకు మొగుడు తాగుబోతు. దేవుడి హుండీని కూడా లుంగీలో దాచుకెళ్లి చుక్కేసుకొని వచ్చి పెళ్లాంతో వాదులాటకు దిగుతుంటాడు. చిన్న గుడిసె. లేని బతుకు. జీవితం గడవాలంటే పని చేయాలి. తనొచ్చి ఆఫీసులో చీపురు పట్టి ఊడుస్తూ ఉంటే ఆమె టెన్షన్‌ కనిపిస్తుందా? ఇంకొక అమ్మాయికి పెళ్లి కాదు. వీళ్లు యాభై వరకు అనుకొని ఉంటారు. వచ్చినవాడు లక్ష అడుగుతుంటాడు. పైగా ఇరవై తులాల బంగారం పెట్టాలట. బండి ఇవ్వాలట. పెళ్లి ఖర్చులు పెట్టుకోవాలట. ఆ అమ్మాయికి కోపం. అలాగైతే తాళి నేను కడతాను కట్టించుకోమనండి అంటుంది. అలాంటి అమ్మాయి తన సీటులో తాను కూర్చుని ఉంటే ఆ సమస్య కనిపిస్తుందా? ఆఫీసు టైము టెన్‌ టు ఫైవ్‌. ఆ టైములో వీరు ముగ్గురు ఆఫీసులో అవైలబుల్‌గా ఉంటారు. సీట్లలో కూర్చుని ఉంటారు. వీళ్లకు బాస్‌ తను. అనగా వీళ్లపై సర్వాధికారి తను. వీళ్ల ఒంటి మీద చెయ్యేస్తే ఏమవుతుంది? ఏమవుతుంది... ‘ఆడవాళ్లకు మాత్రమే’ కథ అవుతుంది. ∙∙ గార్మెంట్స్‌ ఫ్యాక్టరీ అది. అందరూ మహిళా ఉద్యోగులే. ఒంటి మీద బట్టలు కుట్టే వీళ్ల వొంటి మీది పవిట పట్టుకుని లాగాలనుకునే మేనేజర్‌ నాజర్‌. కింది ఉద్యోగులు ఏం చేయగలరు? ఏమైనా చేయాలనుకుంటే ఉద్యోగం తీసేయడూ? అదీ అతడి ధైర్యం. నాజర్‌ది గొప్ప పురుష హృదయం. అతడికి పీఏ, కంప్యూటర్‌ డిజైనర్, స్వీపర్‌ అనే తేడా లేదు. అందరూ కావాలి. తను పిలిస్తే అందరూ వస్తారని అభిప్రాయం. ఊర్వశి– అతడి పీఏ. ఆమెను పిలిచి తన కుర్చీ పక్కన నిలబడేలా చేసి వెనుక నుంచి తడిమేసే ప్రయత్నం చేస్తుంటాడు. రోహిణి– ఆ ఆఫీసు స్వీపర్‌. లోపలికి పిలిచి ‘నువ్వు బాగా చిమ్మాలి’... ‘నువ్వు బాగా పని చేయాలి’... ‘నువ్వు...’ ఈ ‘నువ్వు’ అనేటప్పుడంతా అతడు తన చూపుడు వేలిని ఆమె ఎద మీద గుచ్చుతుంటాడు. ఆమె చీపురు అడ్డం పెట్టుకుంటూ ఉంటుంది. రేవతి– కంప్యూటర్‌ డిజైనర్‌. ఈ అమ్మాయి చదువుకున్న అమ్మాయి కాబట్టి లంచ్‌కు పిలుస్తుంటాడు. ‘ఏదో జోక్‌లో చదివాను. ఇలాగే ఒక మేనేజర్, అతడి అసిస్టెంట్‌ అమ్మాయి కలిసి భోం చేస్తుంటే ‘నంచుకోవడానికి ఏమైనా ఉందా’ అని మేనేజర్‌ అడుగుతాడు. ‘నంచుకోవడానికి ఏమీ లేదు కాని ఉంచుకోవడానికి నేనున్నాను’ అని ఆ అమ్మాయి అంటుంది’ అని పెద్దగా నవ్వుతాడు. మరి నీ సంగతి ఏమిటి అన్నట్టు చూస్తాడు. దారిన పోయే వెధవ ఒక మాట అనేసి పోతాడు. బస్సులో రాసుకుని వెళ్లే వెధవ బస్సు ఆగగానే దిగి వెళ్లిపోతాడు. ఇది అలా కాదు. ఈ బాస్‌ రోజూ ఉంటాడు. రోజూ వేధిస్తుంటాడు. తందామంటే తన్నలేరు. మాట విందామంటే వినలేరు. నరకం. ∙∙ ఆఫీసులో ఏదో పొరపాటు జరుగుతుంది. ముగ్గురి మీద పోలీసు కంప్లయింట్‌ పెడతాను అని బెదిరిస్తాడు నాజర్‌. అలా వద్దనుకుంటే నాతో మూడు రోజులు గెస్ట్‌హౌస్‌లో గడపాలి అని కోరతాడు. ముందు నుయ్యి. వెనుక గొయ్యి. సరే అని ఒప్పుకుని గెస్ట్‌హౌస్‌కు వెళతారు ముగ్గురు. కాని ఏమయితే అదవుతుందని అతణ్ణి చావబాది కట్టేస్తారు. ఆ తర్వాత పెద్ద ఇంజనీరింగ్‌ చేసి అతణ్ణి దూలానికి వేళ్లాడ గట్టి బాత్‌రూమ్‌కు వెళ్లగలిగేలా భోజనం చేసేలా ఏర్పాట్లు చేసి బంధిస్తారు. మమ్మల్ని హింసించినందుకు ఇది నీకు శిక్ష అని చెబుతారు. అంతే కాదు అతడి చేత సంతకం పెట్టించి ఆఫీసు ఇన్‌చార్జ్‌షిప్‌ తీసుకుంటారు. అప్పటి దాకా మగవాడి దృష్టికోణం నుంచి ఆఫీసు నడుస్తుంది. ఇప్పుడు స్త్రీల దృష్టి కోణంలో. ఆఫీసును మంచి ఈస్తటిక్‌ సెన్స్‌తో డెకరెట్‌ చేస్తారు. ఆడవాళ్లకు ఇబ్బంది కలిగించే విషయాలను తొలగిస్తారు. తల్లులైన ఉద్యోగుల కోసం ఆఫీసులోనే క్రష్‌ పెడతారు. ఆఫీసు ఎంతో బాగుపడుతుంది. కాని నాజర్‌ బుద్ధి మాత్రం మారదు. అతడు స్త్రీలను వేధించడానికే ప్రయత్నిస్తుంటాడు. చివరకు హెడ్డాఫీసు వారికి అతడి వ్యవహారం తెలుస్తుంది. అండమాన్‌ బ్రాంచ్‌కు ట్రాన్స్‌ఫర్‌ చేయడంతో కథ సుఖాంతం అవుతుంది. సినిమా ముగుస్తుంది. ∙∙ పని చేసే ఆడవాళ్లు పని చేయడానికి మాత్రమే వస్తారు. వ్యక్తిగత జీవితంలో వారికి ఉండే వొత్తిళ్లు వారికి ఉంటాయి. వారి సంపాదన కుటుంబానికి ముఖ్యం కావచ్చు. అలాగే చేసే పనిలో కూడా వొత్తిళ్లు, సవాళ్లు ఉంటాయి. ఇన్ని ఉండగా వాళ్లు స్త్రీలైన పాపానికి హరాస్‌మెంట్‌కు దిగితే ఎంత అవస్థగా ఉంటుంది. కక్కలేక మింగలేక వాళ్లు పడే అవస్థ అవసరమా? ‘నవమాసాలు మోసి కనేది తల్లి. కాని ఇంటి పేరు మాత్రం తండ్రిది’ అనే డైలాగ్‌ ఉంటుంది ఈ సినిమాలో. ‘పేరుకు లేడీస్‌ స్పెషల్‌ బస్సు. కాని నడిపేది మాత్రం మగవాడు. అందుకే ఆడవాళ్లను చూసినా ఆపడు’ అనే డైలాగ్‌ కూడా ఉంది. వేధింపులకు మూలమైన బేస్‌ వేల ఏళ్ల నుంచి మగాడు సిద్ధం చేసి ఉన్నాడు. కాని ఆడవాళ్లు తమకు తాముగా నిర్ణయాత్మక స్థానాల్లోకి వచ్చినప్పుడు ఈ పరిస్థితులను మార్చుకుంటారు అని ఈ సినిమా చెబుతుంది. మనసులో దురుద్దేశం పెట్టుకుని ‘సునందా... ఒకసారి కేబిన్‌లోకి రా’ అని పిలిచే బాసులారా.. జాగ్రత్త. మిమ్మల్ని తలకిందులు చేసే శక్తి వారికి ఉంది. బీ గుడ్‌. డూ గుడ్‌. మగళిర్‌ మట్టుమ్‌ సింగీతం శ్రీనివాసరావు దర్శకత్వంలో కమలహాసన్‌ నిర్మాతగా 1994లో విడుదలైన సినిమా ‘మగళిర్‌ మట్టుమ్‌’. తెలుగులో మురళీమోహన్‌ డబ్‌ చేయగా ‘ఆడవాళ్లకు మాత్రమే’గా విడుదలైంది. వర్కింగ్‌ విమెన్‌ ఎదుర్కొనే సెక్సువల్‌ హరాస్‌మెంట్‌ మీద పూర్తి కమర్షియల్‌ ఫార్మెట్‌లో వచ్చిన తొలి సినిమా ఇదే కావచ్చు. దీనికి మూలం హాలీవుడ్‌లో సూపర్‌ హిట్టయిన ‘9 టు 5’ (1980). 10 మిలియన్లతో తీసిన ఆ సినిమా ఆ రోజుల్లోనే వంద మిలియన్లు సంపాదించింది. బహుశా అమెరికాలో ఆ సమయంలో పని చేసే ఆడవాళ్లు ఎక్కువ కావడం వర్క్‌ప్లేస్‌ హరాస్‌మెంట్‌ ఎక్కువ ఉండటం కారణం కావచ్చు. తమిళంలో మంచి విజయమే సాధించిన ఆడవాళ్లకు మాత్రమే తెలుగులో పూర్తిగా సఫలం కాలేదు. దానికి కారణం అప్పటికి నాజర్‌ ఇంకా పూర్తిగా తెలుగువారికి తెలియకపోవడమే. అయినా ఈ సినిమా సున్నితమైన హాస్యంతో ఆకట్టుకుంటుంది. ముఖ్యంగా రేవతి, రోహిణి, ఊర్వశి గొప్ప నటనతో ఆకట్టుకుంటారు. డీగ్లామరస్‌గా కనిపించే రోహిణి అచ్చు ఒక పనిమనిషిలానే ఉంటుంది. ఇందులో ‘శవం’ పాత్ర నగేశ్‌ పోషించాడు. క్లయిమాక్స్‌లో కమలహాసన్‌ కాసేపు కనపడతాడు. హిందీలో ఈ సినిమాను రణధీర్‌ కపూర్‌తో తీశారు. కాని ఏ కారణం చేతనో సినిమా విడుదల కాలేదు. అయితే ‘మగళిర్‌ మట్టుమ్‌’ కంటే ఏడాది ముందు ‘9 టు 5’ స్ఫూర్తితోనే జంధ్యాల ‘లేడీస్‌ స్పెషల్‌’ తీశారు. కాని ఫ్లాప్‌ అయ్యింది.  సింగీతం శ్రీనివాసరావు – కె


 తమిళసినిమా:  జ్యోతిక ప్రధానపాత్రలో నటిస్తున్న మగళీర్‌ మట్టుం సెప్టెంబర్‌ 15న తెరపైకి రావడానికి ముస్తాబవుతోంది.  వివాహానంతరం జ్యోతిక చేస్తున్న రెండో చిత్రమిది. మగళీర్‌ మట్టుం. ఇంతకు ముందు ఈమె నటించిన 36 వయదినిలే చిత్రం మంచి విజయాన్ని సాధించింది. 
 
 ఈ సినిమాలో జ్యోతికతో పాటు భానుప్రియ, ఊర్వశి, శరణ్యపొన్‌వన్నన్‌లు నటిస్తుండడం విశేషం. ఇతర ముఖ్య పాత్రల్లో నాజర్, లివింగస్టన్‌ తదితరులు నటించగా, అతిథిగా సూర్య మెరవనున్నారు.సూర్య తన నిర్మాణసంస్థ 2డీ ఎంటర్‌టైన్‌మెంట్‌ పతాకంపై నిర్మిస్తున్న ఈ చిత్రానికి కుట్రం కడిదల్‌ వంటి విజయవంతమైన చిత్రాన్ని తెరకెక్కించిన బ్రహ్మ కథ, దర్శకత్వం వహించారు. జిబ్రాన్‌ సంగీతాన్ని అందించిన ఈ చిత్రంపై  అంచనాలు ఎక్కువగానే  ఉన్నాయి.
 
 జూలైలోనే ఈ  చిత్రాన్ని విడుదల చేయాల్సి ఉన్నా, అనివార్యకారణాలతో ఆలస్యమైంది. దీంతో చిత్రాన్ని సెప్టెంబర్‌ 15న విడుదల చేయడానికి సన్నాహాలు చేస్తున్నట్లు చిత్ర వర్గాలు తెలిపాయి. ఈ చిత్రం తరువాత సూర్య తన 2డీ ఎంటర్‌టెయిన్‌మెంట్‌ పతాకంపై తన తమ్ముడు కార్తీ హీరోగా పాండిరాజ్‌ దర్శకత్వంలో భారీ చిత్రాన్ని నిర్మించనున్నారు. మరో పక్క తాను విఘ్నేశ్‌శివన్‌ దర్శకత్వంలో కథానాయకుడిగా నటిస్తున్న తానాసేర్న్‌దకూటం షూటింగ్‌తో బిజీగా ఉన్నారు.


  నటనలో, అందంలో ఈ నలుగురూ నలుగురే. సుమారు ముప్ఫై ఏళ్లుగా దక్షిణాది సినిమాల్లో నటిస్తున్నారు. 90వ దశకంలో నువ్వా నేనా అన్నట్లు పోటాపోటీగా సినిమాలు చేశారు. అప్పట్లో అగ్ర హీరోయిన్లు ఎవరు?  అనడిగితే... ఊర్వశి, రాధిక, ఖుష్బూ,  సుహాసిని.. ఈ నలుగురి పేర్లూ తప్పకుండా వినిపించేవి. వీళ్ల మధ్య పోటీ సినిమాల వరకే. మేకప్ తీసేసిన తర్వాత నలుగురూ స్నేహితులే. హెల్దీ కాంపిటీషన్ అనమాట. ఎయిటీస్ రీ-యూనియన్ పేరుతో ప్రతి ఏడాది గెట్ టుగెదర్ పార్టీలు నిర్వహిస్తుంటారు.
  
  ఇప్పుడీ నలుగురి గురించి ప్రస్తావన ఎందుకంటే... వీళ్లంతా కలసి ఓ సినిమాలో నటించనున్నారని చెన్నై కోడంబాక్కమ్ వర్గాల సమాచారం. నలుగురు సీనియర్ హీరోయిన్లు ఓ సినిమాలో నటించడం వింతేముంది? అనుకోవచ్చు. అసలు విషయం ఏంటంటే.. ఈ నలుగురూ కలసి నటిస్తున్న ఫస్ట్ సినిమా ఇది. ఇంకొకటి.. నిజ జీవితంలో స్నేహితులైన వీళ్లు సినిమాలోనూ స్నేహితులుగానే నటించనున్నారు.
  
  జేమ్స్ వసంతన్ దర్శకత్వం వహించనున్న ఈ సినిమా హిందీ ‘జిందగీ నా మిలేగీ దొబారా’ తరహాలో ఫన్నీ ఎంటర్‌టైనర్‌గా ఉంటుందట. ఈ నలుగురి క్యారెక్టరైజేషన్‌లను 90వ దశకంలో వాళ్లు నటించిన హిట్ సినిమాల్లోని క్యారెక్టర్స్ ఇన్స్పిరేషన్‌తో డిజైన్ చేశారట. వచ్చే వారమే ఆస్ట్రేలియాలో షూటింగ్ స్టార్ట్ అవుతుందని, సింగిల్ షెడ్యూల్‌లో షూటింగ్ అంతా పూర్తి చేయాలని ప్లాన్ చేస్తున్నారని సమాచారం. రియల్ లైఫ్‌లో ఈ నలుగురూ స్నేహితులు కావడంతో సినిమాకు ప్లస్ అవుతుందని భావిస్తున్నారు.
  


  ప్రముఖ నటుడు ప్రభు నటన గురించి ఇప్పుడు ప్రత్యేకంగా చెప్పనవసరం లేదు. నవరసాలను ఏకకాలంలో నటించగల దిట్ట ఆయన. అలాంటి నటుడు తాజాగా నటిస్తున్న చిత్రాల్లో ఉన్నోడు కా చిత్రం ఒకటి. ఇందులో ఆయన నటి ఊర్వశితో కలిసి వినోదాల విందు చేయనున్నారు. అభిరామి మెగామాల్ పతాకంపై అభిరామి రామనాథన్ నిర్మిస్తున్న చిత్రం ఉన్నోడు కా. ఈ చిత్రం గురించి ప్రభు తనదైన స్టైల్‌లో చెబుతూ చాలా కాలం తరువాత పూర్తి హాస్యభరిత కథా చిత్రంలో నటిస్తున్నాను.
  
   ఈ చిత్రంలో తాను రెండు వైవిధ్యభరిత గెటప్‌లలో కనిపించనున్నాను. చేతిలో కత్తి పట్టి గ్రామీణ గెటప్ ఒకటి కాగా నగరంలో కొడుకు ప్రేమకు సాయం చేసే పాశం ఉన్న తండ్రిగా మరో గెటప్‌లోనూ నటిస్తున్నాను. ఇందులో తనకు జంటగా నటి ఊర్వశి నటిస్తున్నారు. మేమిద్దరం కలిస్తే వినోదాల విందే. ఈ చిత్రానికి అభిరామీ రామనాథన్ కథను రాశారు. కథ వినగానే నటించాలని నిర్ణయించుకున్నాను. కారణం ఇలాంటి వినోదాత్మక కథలు అరుదుగా లభిస్తుంటాయి. 
  
  ఈ రోజుల్లో కుటంబ సమేతంగా కలసి చూసి ఆనందించే కథా చిత్రాలు రావడం తక్కువనే చెప్పాలి. ఆ కొరతను ఈ ఉన్నోడు కా చిత్రం తీరుస్తుంది. ప్రేమ,హాస్యం,సెంటిమెంట్,యాక్షన్ అంటూ జనరంజకమైన అంశాలు పుష్కరంగా ఉన్న చిత్రం ఇది.అంతే కాదు చక్కని సందేశం కూడా ఉంటుంది. యువ జంటగా ఆరి,మాయ నటిస్తున్నారు.నేను ఇప్పటికి 60కి పైగా కొత్త దర్శకులతో పని చేశాను. ఆ కోవలోకి ఈ చిత్రం దర్శకుడు ఆర్‌కే చేరతారు. దీనికి సత్య సంగీతాన్ని అందిస్తున్నారు అని ప్రభు ఉన్నోడు కా చిత్ర వివరాలను తెలిపారు.