స్నేహితుడు ఏడుస్తుంటే తట్టుకోలేక..

బాధలో ఉన్న మనిషిని ఆత్మీయంగా ఆలింగనం చేసుకుంటే వారి వేదన కాస్తైనా తగ్గుతుంది. ‘నీకు నేనున్నా’ అనే భరోసాను ఇచ్చే అటువంటి ఆత్మీయ స్పర్శతో కలిగే ఉపశమనాన్ని మాటల్లో వర్ణించాలనునకుంటే.. ఈ ఫొటోలోని చిన్నారిని చూపిస్తే చాలు. తన స్నేహితుడు ఏడుస్తుంటే తట్టుకోలేక ఓ బాలుడు అతడిని అక్కున చేర్చుకున్నాడు. అతడి ముఖాన్ని చేతుల్లోకి తీసుకుని ఓదార్చాడు. వీపుపై చేతితో నిమురుతూ అతడిని ఆడించాడు. ఆటిజంతో బాధ పడుతున్న స్నేహితుడిని ఊరడించాడు. అయితే ఇదంతా చేస్తున్న చిన్నారి కూడా డౌన్‌ సిండ్రోమ్‌తో బాధ పడుతున్నవాడే కావడం విశేషం.