గ్రామ పరిపాలన అధికారికి 3 ఏళ్లు జైలు

అన్నానగర్‌ : ఆలియూర్‌ సమీపంలో రేషన్‌ కార్డులో పేరు తొలగించేందుకు రూ.500 లంచం తీసుకున్న గ్రామ పరిపాలన అధికారికి నాగై కోర్టు శుక్రవారం మూడేళ్ల జైలు శిక్ష విధించింది. నాగై తాలూకా అలియూరు పడమర వీధికి చెందిన అమీన్‌ 2012 సెప్టెంబర్‌ 29న తేమంగళానికి చెందిన అమీన్‌ రేషన్‌ కార్డులో తన మామ మహ్మద్‌ సలీముద్దీన్‌ పేరు తొలగించాలని గ్రామ పరిపాలనా అధికారి గుణశేఖర్‌కు అర్జీ పెట్టుకున్నాడు. అందుకు గాను గుణశేఖరన్‌ రూ.500 లంచం అడిగాడు. దీనిపై అమీన్‌ జిల్లా లంచాల నిరోధక పోలీసులకు ఫిర్యాదు చేశాడు. ఏసీబీ ఇన్‌స్పెక్టర్‌ రమేష్‌కుమార్‌ ఇచ్చిన సలహా మేరకు అమీన్‌ గ్రామ పరిపాలనా అధికారి గుణశేఖర్‌కు రూ.500 లంచం ఇచ్చాడు. ఆ సమయంలో అతన్ని ఏసీబీ పోలీసులు రెడ్‌హ్యాండెడ్‌గా పట్టుకున్నారు. ఈ కేసు నాగై ప్రధాన క్రిమినల్‌ కోర్టులో నడుస్తోంది. శుక్రవారం కేసును విచారించిన న్యాయమూర్తి కార్తీక గ్రామ పరిపాలన అధికారి గుణశేఖర్‌కు 3 సంవత్సరాల జైలు శిక్ష విధించారు.