తనను అవమానించిన సన్‌రైజర్స్‌పై ప్రతీకారం తీర్చుకున్న వార్నర్‌.. ఆ కసి చూడండి..!

photo credit: IPL Twitter

అవమానకర రీతిలో తనను జట్టు నుంచి సాగనంపిన సన్‌రైజర్స్‌ హైదరాబాద్‌ ఫ్రాంచైజీపై ఢిల్లీ క్యాపిటల్స్‌ సారధి డేవిడ్‌ వార్నర్‌ ప్రతీకారం తీర్చుకున్నాడు. ఐపీఎల్‌-2023లో భాగంగా నిన్న (ఏప్రిల్‌ 24) జరిగిన మ్యాచ్‌లో ఆ జట్టుపై విజయం సాధించడం​ ద్వారా ఏడాది కాలంగా లోలోపల తనను దహించివేస్తున్న మంటను చల్లార్చుకున్నాడు. విజయానంతరం వార్నర్‌ చేసుకున్న సంబరాలను చూస్తే, అతనిలో సన్‌రైజర్స్‌పై గెలవాలన్న కసి ఏ రేంజ్‌లో ఉండిందో ఇట్టే స్పష్టమవుతుంది.

If @davidwarner31's reaction can sum it up... 😀 👌@DelhiCapitals register their 2⃣nd win on the bounce as they beat Sunrisers Hyderabad by 7 runs. 👏 👏

Scorecard ▶️ https://t.co/ia1GLIX1Py #TATAIPL | #SRHvDC pic.twitter.com/OgRDw2XXWM

— IndianPremierLeague (@IPL) April 24, 2023

డీసీ విజయం సాధించగానే, వార్నర్‌ గాల్లోకి ఎగురుతూ గంతులు వేశాడు. విజయ గర్వంతో ఊగిపోయాడు. తనతోనే డ్రింక్స్‌ మోయిస్తారా.. మీకు ఎలా బుద్ధిచెప్పానో చూడండి అన్న అర్ధం వచ్చేలా ఎక్స్‌ప్రెషన్స్‌ పెట్టాడు. తమ ఆటగాళ్లతో గ్రౌండ్‌ మొత్తం​ కలియతిరుగుతూ నానా హంగామా చేశాడు. ప్రస్తుత సీజన్‌లో వార్నర్‌ నాయకత్వంలో డీసీ గెలిచింది కేవలం రెండో మ్యాచే అయినప్పటికీ, ఏదో టైటిల్‌ సాధించానన్నట్లుగా బిల్డప్‌ ఇచ్చాడు.

🔥 WHAT. IT. MEANS. 🔥#YehHaiNayiDilli #IPL2023 #SRHvDC @davidwarner31 pic.twitter.com/gfT5pjRBR3

— Delhi Capitals (@DelhiCapitals) April 24, 2023

తగ్గేదేలే అంటూ పుష్పలా ఫోటోలకు పోజులిచ్చాడు. వార్నర్‌ సెలబ్రేషన్స్‌కు సంబంధించిన వీడియోలు ప్రస్తుతం నెట్టింట వైరలవుతున్నాయి.  వార్నర్‌ హడావుడిని కొందరు తప్పుబడుతుంటే, మరికొందరు అతను ఈ సెలబ్రేషన్స్‌కు అర్హుడేనంటూ కామెంట్లు చేస్తున్నారు. కాగా, 2016లో సన్‌రైజర్స్‌కు టైటిల్‌ను అందించిన వార్నర్‌ను, ఆ జట్టు యాజమాన్యం కెప్టెన్సీ నుంచి పీకేసి, తుది జట్టులో ఆడనీయకుండా, డ్రింక్స్‌ మోపించి పలు రకాలుగా అవమానించింది. 

🌸❌
🔥✅#YehHaiNayiDilli #IPL2023 #SRHvDC @davidwarner31 pic.twitter.com/O60FOMbDLR

— Delhi Capitals (@DelhiCapitals) April 24, 2023

ఇదిలా ఉంటే, సన్‌రైజర్స్‌తో జరిగిన మ్యాచ్‌లో తొలుత బ్యాటింగ్‌ చేసిన ఢిల్లీ.. వార్నర్‌ (21), మిచెల్‌ మార్ష్‌ (25), మనీశ్‌పాండే (34), అక్షర్‌ పటేల్‌ (34) ఓ మోస్తరు స్కోర్లు చేయడంతో నిర్ణీత ఓవర్లలో 9 వికెట్ల నష్టానికి 144 పరుగులు చేసింది. సన్‌రైజర్స్‌ బౌలర్లలో వాషింగ్టన్‌ సుందర్‌ 3, భువనేశ్వర్‌ 2, నటరాజన్‌ ఓ వికెట్‌ పడగొట్టారు.

కష్టసాధ్యంకాని లక్ష్యాన్ని ఛేదించేందుకు బరిలోకి దిగిన సన్‌రైజర్స్‌.. ఇషాంత్‌ శర్మ (1/18), నోర్జే (2/33), ముకేశ్‌ (0/27), అక్షర్‌ (2/21), కుల్దీప్‌ (1/22) ధాటికి చతికిలపడింది. ఆ జట్టు నిర్ణీత ఓవర్లలో 6 వికెట్ల నష్టానికి 137 పరుగులు మాత్రమే చేయగలిగింది.మయాంక్‌ అగర్వాల్‌ (49) టాప్‌ స్కోరర్‌గా నిలిచాడు. ముకేశ్‌ కుమార్‌ ఆఖరి ఓవర్‌ అద్భుతంగా వేసి, సన్‌రైజర్స్‌ గెలుపును అడ్డుకున్నాడు.