TV
డేంజర్‌ యూ టర్న్‌
వేములవాడఅర్బన్‌: వేములవాడ మండలం అగ్రహారం స్టేజీ వద్ద సిరిసిల్ల–వేములవాడ ప్రధాన రహదారిపై యూటర్న్‌ డేంజర్‌గా ఉంది. అంజన్న ఆలయం ఎదుట డివైడర్‌ నుంచి వాహనాలు యూటర్న్‌ తీసుకుంటున్న సమయంలో తరచూ ప్రమాదాలు జరుగుతున్నాయి. అగ్రహారం స్టేజీ వద్ద.. హనుమన్‌ ఆలయం, కరీంనగర్‌ డెయిరీ పాలశీతలీకరణ కేంద్రం, రోడ్డు అటు వైపు పాలిటెక్నిక్‌, డీగ్రీ, జేఎన్‌టీయూ కళాశాలలు ఉండడంతో ఎప్పుడూ ఇక్కడ విద్యార్థులతో రద్దీగా ఉంటుంది. ఈ ప్రాంతంలో ఉన్న యూటర్న్‌ను మూసివేసి కొంచెం దూరంలో ఏర్పాటు చేయాలని ప్రయాణికులు కోరుతున్నారు.
