మరాఠి సినిమా దశావతార్‌ (2025) అరుదైన ఘనత సాధించింది. ఆస్కార్‌ అవార్డుల పోటీలో నిలిచిన తొలి మరాఠి చిత్రంగా నిలిచింది. దిలీప్‌ ప్రభావాల్కర్‌, మహేశ్‌ మంజ్రేకర్‌, సిద్దార్థ్‌ మీనన్‌, ప్రియదర్శిని ఇందాల్కర్‌, భరత్‌ జాదవ్‌ లీడ్‌ రోల్స్‌లో నటించిన సస్పెన్స్‌ థ్రిల్లర్‌ మూవీ దశావతార్‌. కలెక్షన్స్‌సుబోద్‌ ఖనోల్కర్‌ దర్శకత్వంలో ఓషన్‌ ఫిలిం కంపెనీ, ఓషన్‌ ఆర్ట్‌ హౌస్‌ సంస్థలు నిర్మించిన ఈ మూవీ గతేడాది సెప్టెంబరులో విడుదలైంది. థియేటర్‌లో సూపర్‌ హిట్‌గా నిలిచిన ఈ చిత్రం దాదాపు రూ.25 కోట్ల గ్రాస్‌ కలెక్షన్స్‌ సాధించింది. తాజాగా దశావతార్‌ 98వ ఆస్కార్‌ అవార్డ్స్‌లోని మెయిన్‌ ఓపెన్‌ ఫిలిం విభాగంలో పోటీలో నిలిచింది.మరికొద్ది రోజుల్లో తుది జాబితాఈ విషయాన్ని చిత్ర దర్శకుడు సుబోద్‌ సోషల్‌ మీడియా వేదికగా తెలిపారు. అలాగే ఉత్తమ విదేశీ చిత్రం విభాగంలో హిందీ నామినేషన్‌లో పోటీలో నిలిచిన సంగతి తెలిసిందే! ఇకపోతే జనవరి 22న ఆస్కార్‌ నామినేషన్స్‌ దక్కించుకున్న చిత్రాల జాబితా ఫైనల్‌ లిస్ట్‌ను అధికారికంగా ప్రకటిస్తారు. మార్చి 15న అమెరికాలో ఈ ఆస్కార్‌ అవార్డుల ప్రదానోత్సవం జరగనుంది. Today, we received an email informing us that Dashavatar has been selected for the Oscars, contention list. It brings immense satisfaction that the years of hard work put in by all of us have been acknowledged. pic.twitter.com/FtGjvgdtjc— Subodh Khanolkar (@subodhkhanolkar) January 3, 2026

ఇషాన్‌ కట్టర్‌, విశాల్‌ జెత్వా, జాన్వీ కపూర్‌ ప్రధాన పాత్రలు పోషించిన చిత్రం "హోమ్‌ బౌండ్‌". నీరజ్‌ ఘెవాన్‌ దర్శకత్వం వహించిన ఈ మూవీ పలు అంతర్జాతీయ వేదికలపై సత్తా చాటింది. అలాగే 2026లో జరగనున్న ఆస్కార్‌ అవార్డుల పోటీకి 'బెస్ట్‌ ఇంటర్నేషనల్‌ ఫీచర్‌ ఫిలిం' కేటగిరీలో ఇండియా నుంచి అధికారికంగా ఎంపికైన విషయం తెలిసిందే! ఇప్పుడు మరో ముందడుగు పడింది. ఆస్కార్‌ ఎంపికలో అతి ముఖ్యమైన షార్ట్‌లిస్ట్‌ జాబితాలో స్థానం సంపాదించుకుంది.ఫైనల్‌ షార్ట్‌లిస్ట్‌‌ అప్పుడే..ఈ విషయాన్ని హోంబౌండ్‌ మూవీ యూనిట్‌ సోషల్‌ మీడియా వేదికగా ప్రకటించింది. తాజాగా 12 విభాగాల్లో పోటీపడుతున్న సినిమాల షార్ట్‌లిస్ట్‌ను అకాడమీ ప్రకటించింది. బెస్ట్‌ ఇంటర్నేషనల్‌ ఫీచర్‌ ఫిలిం విభాగంలో మొత్తం 15 సినిమాలను తాజాగా షార్ట్‌లిస్ట్‌ చేశారు. అందులో హోంబౌండ్‌ చోటు దక్కించుకోవడంతో సినీప్రియులు సంతోషం వ్యక్తం చేస్తున్నారు. తుది జాబితాలో ఈ సంఖ్యను ఐదుకి తగ్గించనున్నారు. ఈ ఫైనల్‌ జాబితాను జనవరి 22న ప్రకటించనున్నారు. అప్పుడు కూడా హోంబౌండ్‌ మరోసారి షార్ట్‌లిస్ట్‌ అవుతుందని ఆశిద్దాం..హోంబౌండ్‌ కథేంటి?షోయబ్‌, చందన్‌ కుమార్‌ అనే ఇద్దరు మిత్రుల కథే హోంబౌండ్‌. అట్టడుగు ఆర్థిక పరిస్థితుల్లో ఉన్న వీరిద్దరూ చిన్ననాటి నుంచే పోలీస్‌ కానిస్టేబుల్‌ అవాలని కలలు కంటారు. ఓపక్క పోలీస్‌ ఉద్యోగం కోసం కష్టపడుతూ మరోపక్క చిన్నచిన్న ఉద్యోగాలు చేసుకుంటూ ఉంటారు. కానీ, ఊరు విడిచి నగరానికి చేరుకున్నాక.. దేశంలో వేళ్లూనుకుపోయిన వివక్ష వారికి అనుభవంలోకి వస్తుంది. మరి వీరి కల నెరవేరిందా? వీరి ప్రయాణం ఎక్కడివరకు సాగిందనేదే కథ. ఈ సినిమాను కరణ్‌ జోహార్‌, అదర్‌ పూనావాలా నిర్మించారు. #Homebound has been shortlisted for Best International Feature Film at the 98th Academy Awards! @TheAcademy We’re deeply grateful for the extraordinary love and support we've received from around the world. pic.twitter.com/2dgXjh57Wx— Neeraj Ghaywan (@ghaywan) December 16, 2025

వచ్చే ఏడాది జరగబోయే ఆస్కార్ అవార్డ్స్ కోసం కొన్ని తెలుగు సినిమాలు రేసులో నిలిచాయి. టాలీవుడ్ నుంచి దాదాపు ఐదింటిని ఫిల్మ్ ఫెడరేషన్ ఆఫ్ ఇండియా ఫైనల్ చేసింది. ఈ క్రమంలోనే అందుకు సంబంధించిన ఓ లిస్ట్ సోషల్ మీడియాలో వైరల్ అవుతోంది. ఇంతకీ ఆ తెలుగు మూవీస్ ఏంటి? వాటికి ఏమైనా ఛాన్స్ ఉందా?(ఇదీ చదవండి: మలయాళ బ్లాక్‌బస్టర్‌ మూవీ.. ఓటీటీలో ఎప్పుడంటే?)మన దేశం నుంచి ఆస్కార్స్-2026 కోసం 24 సినిమాల్ని ఫిల్మ్ ఫెడరేషన్ ఎంపిక చేసింది వాటిలో తెలుగు నుంచి పుష్ప 2, సంక్రాంతికి వస్తున్నాం, కన్నప్ప, కుబేర, గాంధీతాత చెట్టు చిత్రాలు ఉన్నాయి. అలానే హిందీ నుంచి ఐ వాంట్ టూ టాక్, తన్వీ ది గ్రేట్, ద బెంగాల్ ఫైల్స్, హౌమ్ బౌండ్, కేసరి 2, సూపర్ బాయ్స్ ఆఫ్ మలేగావ్, హ్యుమన్స్ ఇన్ ద లూప్, జగ్నుమా, ఫూలే, పైర్ మూవీస్ ఉన్నాయి.అలానే మరాఠీ నుంచి 6, కన్నడ నుంచి ఒకటి, మణిపురి నుంచి 1, మూకీ సినిమా ఒకదాన్ని ఎంపిక చేశారు. ఇవన్నీ కూడా ఆస్కార్ రేసులో ఉన్నాయి. అయితే వీటి నుంచి ఏమైనా ఎంపిక అవుతుందా లేదా అనేది ఆస్కార్స్ కమిటీ నిర్ణయంపై ఆధారపడి ఉంటుంది. చూడాలి మరి ఏం జరుగుతుందో? గతంలో భారత నేపథ్యంగా తీసిన కొన్ని సినిమాలు ఆస్కార్స్ వచ్చాయి. కానీ 'ఆర్ఆర్ఆర్' చిత్రంలోని నాటు నాటు పాటకు ఆస్కార్ రావడంతో మన దగ్గర కూడా ఈ అవార్డ్ గురించి అందరికీ తెలిసింది.(ఇదీ చదవండి: ఓజీ.. జగనే కరెక్ట్‌: నట్టి కుమార్‌)