నగదు రహిత లావాదేవీల మాటున కొత్త దోపిడీ
  సొమ్ము పొందాలంటే 10 శాతం వదులుకోవాల్సిందే
 ద్వారకాతిరుమల :
 నగదు రహిత లావాదేవీల పేరిట కొన్ని పెట్రోల్‌ బంకుల్లో ఏర్పాటు చేసిన కొన్ని స్వైపింగ్‌ మెషిన్లు నిలువునా దోచేస్తున్నాయి. రూ.10 వేలు నగదు కావాలని వెళితే.. రూ.1000 తినేస్తున్నాయి. ఇందుకు ద్వారకాతిరుమల మండలం గుణ్ణంపల్లిలోని ఒక పెట్రోల్‌ బంకు ఉదాహరణగా నిలుస్తోంది. నగదు అవసరమైన వ్యక్తులకు వారి ఖాతానుంచి స్వైపింగ్‌ మెషిన్‌ ద్వారా నగదు బదిలీ చేసుకుని సొమ్ము ఇస్తున్నారు. అయితే, ఖాతాదారు పొందే సొమ్ముపై 10 శాతం అదనంగా తీసుకుంటున్నారు. మండలంలోని తక్కెళ్లపాడుకు చెందిన ఆనుపోజు త్యాగాచారి అనే వ్యక్తి నగదు అత్యవసరం కావడంతో డెబిట్‌ కార్డు తీసుకుని ఈ బంకుకు వచ్చాడు. స్వైపింగ్‌ మెషిన్‌ ద్వారా తన అకౌంట్‌లోని రూ.20 వేలను బదిలీ చేసుకుని, ఆ మొత్తం ఇవ్వాలని కోరాడు. క్షణాల్లో రూ.20 వేలు ఇచ్చిన బంకు నిర్వాహకులు అతని అకౌంట్‌ నుంచి రూ.22 వేలను బంకు ఖాతాలోకి బదిలీ చేసుకున్నారు. ఇదేమని అడిగితే.. తాము ఐసీఐసీఐ బ్యాంక్‌ ఇచ్చిన స్వైపింగ్‌ మెషిన్‌ వాడుతున్నామని, నూటికి 10 శాతం కమీషన్‌ ఆ బ్యాంకుకు వెళుతుందని చావు కబురు చల్లగా చెప్పారు. ఎన్ని లక్షలు కావాలన్నా ఇస్తామని, 10 శాతం కమీషన్‌ నిబంధన మాత్రం వర్తిస్తుందని సెలవిచ్చారు. దీంతో లబోదిబోమనడం త్యాగాజారి వంతైంది. గుణ్ణంపల్లికి చెందిన కె.సుబ్బారెడ్డికి కూడా ఇక్కడ ఇదే అనుభవం ఎదురైంది. ఆయన కూలీలకు సొమ్ము చెల్లించేందుకు నాలుగు రోజుల క్రితం ఈ బంకులో రూ.20 వేలను పొందాడు. అప్పుడు కూడా 10 శాతం కమీషన్‌ను వసూలు చేశారు.
  
 ఇంత దారుణమా
 గుణ్ణంపల్లిలోని పెట్రోల్‌ బంకుకు వెళ్లి నా ఖాతాలోని నగదును బదిలీ చేసుకుని రూ.20 వేలు చేతికివ్వమని అడిగాను. స్వైపింగ్‌ మెషిన్‌ ద్వారా నా అకౌంట్‌లోంచి రూ.22 వేలు తీసుకుని.. నాకు రూ.20 వేలు ఇచ్చారు. ఇదేమని అడిగితే.. ఐసీఐసీఐ బ్యాంకు ఖాతాదారులు తప్ప ఇతరులు ఎవరు సొమ్ము తీసుకున్నా ఇంతేనన్నారు. అయినా అన్ని కొత్తనోట్లు వారికెలా వచ్చాయి. ఇలాంటి ఖాతాలపై నిఘా ఉండదా. 
  అనుపోజు త్యాగాచారి, తక్కెళ్లపాడు
  
 ఇంత దారుణమా 
 బ్యాంకులకు వెళ్లినా అవసరమైనంత నగదు ఇవ్వకపోడంతో ఇలా నష్టపోవాల్సి వస్తోంది. మొన్నటివరకూ పాత నోట్లతో కమీషన్‌ వ్యాపారాలు చేశారు. ఇప్పుడు ఏకంగా కొత్తనోట్లతోనూ వ్యాపారం చేస్తున్నారు. నాలుగు రోజుల క్రితం గుణ్ణంపల్లి పెట్రోల్‌ బంకులో 10 శాతం కమీషన్‌ ఇచ్చి సొమ్ములు పొందాను. ఇంత దారుణం ఎక్కడా చూడలేదు. 
  కె.సుబ్బారెడ్డి, గుణ్ణంపల్లి
  


  స్వయం ఉపాధి రుణాల్లో చేతివాటం
  జేబులు నింపుకుంటున్న అధికార పార్టీ నేతలు
  తాము సూచించిన వారికే రుణాలివ్వాలని హుకుం
  బ్యాంకుల నుంచి అంగీకార పత్రాలు తెచ్చుకున్నా కుదరదంటున్న నాయకులు
  అందిన దరఖాస్తులు 1,33,325
  కేటాయించిన యూనిట్లు 17,202
  రుణం దక్కడం అనుమానమేనంటున్న దరఖాస్తుదారులు
  
 జంగారెడ్డిగూడెం/భీమవరం టౌన్‌ :
 జిల్లాలోని నిరుద్యోగులకు ఇచ్చే స్వయం ఉపాధి రుణాల విషయంలో నాయకుల జోక్యం పెరిగిపోయింది.  కాపు, బీసీ, ఎస్సీ, మైనార్టీ, క్రిస్టియన్, ఎస్టీ కార్పొరేషన్ల రుణాలను తాము సూచించిన వారికే మంజూరు చేయాలంటూ అధికారులకు హుకుం జారీ చేసిన అధికార పార్టీ నేతలు కమీషన్లు దండుకునే పనిలో పడ్డారు. లబ్ధిదారులకు వచ్చే సబ్సిడీలో కొంత మొత్తాన్ని తమకు ముందుగా ముట్టచెబితేనే రుణాలు మంజూరు చేస్తామంటున్నారు. తమ పేరిట రుణాలు ఇచ్చేందుకు సుముఖంగా ఉన్నట్టు బ్యాంకుల నుంచి అంగీకార పత్రాలు తెచ్చుకున్న అభ్యర్థులను సైతం పక్కనపెట్టేస్తున్నారు. జన్మభూమి, రుణాల మంజూరు కమిటీల పేరుతో తాము సూచించిన వ్యక్తులకే రుణాలివ్వాలని ఆ పార్టీ నేతలు అధికారులపై ఒత్తిడి తెస్తున్నారు. చేసేదేమీ లేక అధికారులు తలూపుతున్నారు. ఉదాహరణకు జంగారెడ్డిగూడెం ప్రాంతంలో మండల స్థాయి ప్రజాప్రతినిధి భర్త తాము చెప్పిన వారికే రుణాలివ్వాలంటూ అధికారులకు ఇప్పటికే హుకుం జారీ చేశారు. ఏ అభ్యర్థికి రుణం కావాలన్నా.. వారికొచ్చే సబ్సిడీలో తనకు ఎంతిస్తారో చెప్పాలంటూ బేరసారాలు సాగిస్తున్నారు.
 రుణమిస్తారో లేదో అనుమానమే
 జిల్లాలో స్వయం ఉపాధి రుణాల కోసం గడచిన రెండేళ్లలో 1,33,325 మంది స్వయం ఉపాధి రుణాల కోసం దరఖాస్తు చేసుకున్నారు. ఇందులో 17,202 యూనిట్లను మాత్రమే జిల్లాకు కేటాయించారు. టీడీపీ జన చైతన్య యాత్రలు మొదలుకావడం, త్వరలో జన్మభూమి కార్యక్రమాలు వస్తుండటంతో యువత నుంచి వ్యతిరేకత వ్యక్తం కాకుండా చూసేందుకు ఈనెల 3వ వారంలో మునిసిపాలిటీలు, మండల పరిషత్‌ కార్యాలయాల్లో బ్యాంకర్లు, అధికారులతో కూడిన సెలక‌్షన్‌ కమిటీ లబ్ధిదారుల ఎంపిక చేపట్టనుంది. అయితే, ఎంపిక ప్రక్రియ పూర్తికాగానే రుణాలు మంజూరు చేసే అవకాశం లేదని అధికార వర్గాలు భావిస్తున్నాయి. ఎంపికైన లబ్ధిదారుల జాబితాలను ప్రకటించినా.. రుణాల మంజూరు వ్యవహారాన్ని మరో ఏడాదిపాటు వాయిదా వేసే అవకాశం లేకపోలేదనే అభిప్రాయం వ్యక్తమవుతోంది. ఇదిలావుంటే.. లబ్ధిదారులకు గతంలో మాదిరిగా సబ్సిడీ మొత్తాన్ని ముందుగా ఇవ్వరు, యూనిట్‌ విలువ రూ.2 లక్షలు రుణంగా మంజూరు చేస్తారు. బ్యాంకు నుంచి లబ్ధిదారుడు తీసుకున్న రుణంలో రూ.లక్ష జమచేసిన తరువాతే ప్రభుత్వం 50 శాతం సబ్సిడీ విడుదల చేస్తుంది. లబ్ధిదారులకు మంజూరైన ప్రతి యూనిట్‌ను జియో ట్యాగింగ్‌ చేస్తారని జిల్లా లీడ్‌ బ్యాంక్‌ మేనేజర్‌ ఎం.సుబ్రహ్మణ్యేశరరావు ఇప్పటికే ప్రకటించారు.
  
  
 కార్పొరేషన్ల వారీగా స్వయం ఉపాధి రుణాల కోసం జిల్లాలోని మండలాలు, పట్టణాల నుంచి దరఖాస్తు చేసుకున్న అభ్యర్థుల సంఖ్య
 కేంద్రం   కాపు         బీసీ          ఎస్సీ           మైనార్టీ            ఎస్టీ
 ఆచంట        1,     107 373 273 2 15
 ఆకివీడు 1,382 925 107 16 4
 అత్తిలి 1,743 397 139 42 11
 భీమవరం 1,141 667 151 3 5
 భీమవరం అర్బన్‌ 1,604 424 155 124 25
 భీమడోలు 1,469 1,498 668 46 17
 బుట్టాయగూడెం 236 218 217 22 848
 చాగల్లు 678 386 404 63 11
 చింతలపూడి 1,016 770 1,059 72 287
 దెందులూరు 788 845 615 19 27
 దేవరపల్లి 712 335 616 71 23
 ద్వారకాతిరుమల 559 453 700 33 41
 ఏలూరు 1,217 3,188 1,680 276 52
 ఏలూరు అర్బన్‌ 1,402 2,174 883 570 47
 గణపవరం 1,947 1,168 421 15 48
 గోపాలపురం 826 303 464 61 30
 ఇరగవరం 1,268 356 174 4 21
 జంగారెడ్డిగూడెం 2,016 1,220 1,008 175 60
 జంగారెడ్డిగూడెం అర్బన్‌ 63 28 45 
 జీలుగుమిల్లి 336 359 267 16 258
 కాళ్ల 1,088 516 46 6 5
 కామవరపుకోట 370 653 743 19 22
 కొవ్వూరు 2,063 390 554 28 15
 కొవ్వూరు అఽర్బన్‌ 442 247 267 19 9
 కొయ్యలగూడెం 1,249 536 565 68 26
 కుక్కునూరు 21 223 215 11 111
 లింగపాలెం 388 358 748 50 10
 మొగల్తూరు 2,743 935 149 3 10
 నల్లజర్ల 1,055 815 669 31 18
 నరసాపురం 3,143 665 222 4 9
 నరసాపురం అర్బన్‌ 1,321 394 112 131 9
 నిడదవోలు 1,892 563 546 87 17
 నిడదవోలు అర్బన్‌ 520 392 262 265 26
 నిడమర్రు 2,125 1,130 332 37 10
 పాలకొల్లు 1,449 904 443 30 14
 పాలకొల్లు అర్బన్‌ 841 288 141 8 15
 పాలకోడేరు 581 481 217 9 13
 పెదపాడు 343 621 527 56 47
 పెదవేగి 44 628 725 41 27
 పెంటపాడు 1,840 720 410 11 19
 పెనుగొండ 1,663 418 285 16 24
 పెనుమంట్ర 447 266 191 6 9
 పెరవలి 2,157 397 345 9 27
 పోడూరు 654 527 311 4 16
 పోలవరం 688 335 207 18 455
 తాడేపల్లిగూడెం 2,085 656 529 9 53
 తాడేపల్లిగూడెం అర్బన్‌ 2,043 573 245 220 34
 తణుకు 746 392 255 24 12
 తణుకు అర్బన్‌ 1,001 549 337 64 47
 తాళ్లపూడి 1,304 254 670 4 7
 టి.నరసాపురం 881 901 788 25 155
 ఉండి 1,039 668 157 2 23
 ఉండ్రాజవరం 763 311 317 15 16
 ఉంగుటూరు 1,353 1,193 493 12 67
 వీరవాసరంఽ 1,228 337 178 6 15
 వేలేరుపాడు 4 9 47 11 55
 యలమంచిలి 2,500 651 434 4 14
 ==
 మొత్తం 66,421 36,012 2,3711 3,041 3,291
 ==
  
 కేటాయింపులు ఇలా
 కార్పొరేషన్‌ మొత్తం యూనిట్లు మొత్తం రుణం విలువ
 కాపు కార్పొరేషన్‌ 7,000 రూ.140 కోట్లు
 కాపు గ్రూపులకు 1,000 రూ.50 కోట్లు
 బీసీ కార్పొరేషన్‌ 1,974 రూ.39.48 కోట్లు
 బీసీ ఫెడరేషన్‌ (196 గ్రూపులు) 2,945 రూ.58.90 కోట్లు
 ఎస్సీ కార్పొరేషన్‌ 3,500 రూ.54.40 కోట్లు
 మైనార్టీ కార్పొరేషన్‌ 295 రూ.1.45 కోట్లు
 క్రిస్టియన్, మైనార్టీ 240 రూ.2.40 కోట్లు
 ఎస్టీ కార్పొరేషన్‌ 248 రూ.2.88 కోట్లు
 ==
 మొత్తం యూనిట్లు 17,202 రూ.349.51 కోట్లు