TV
ఫేస్ బుక్ ప్రేమ.. పోలీస్ స్టేషన్ కు
ఫేస్ బుక్ పరిచయం స్నేహంగా మారింది. కొన్ని రోజుల తర్వాత ఇద్దరూ ప్రేమలో పడ్డారు.
ఫరీదాబాద్: ఫేస్బుక్ పరిచయం స్నేహంగా మారింది. కొన్ని రోజుల తర్వాత ఇద్దరూ ప్రేమలో పడ్డారు. ప్రియుడు పెళ్లి ప్రతిపాదన తీసుకురాగా, ప్రేయసి అంగీకరించింది. పెళ్లి పేరుతో ఆమెకు దగ్గరయ్యాడు. చివరకు పెళ్లి చేసుకోకుండా ఆమెను మోసం చేశాడు. బాధితురాలి ఫిర్యాదు మేరకు పోలీసులు అతడిపై అత్యాచారం కేసు నమోదు చేశారు. హరియాణాలోని ఫరీదాబాద్ జిల్లాలో ఈ దారుణం జరిగింది.
25 ఏళ్ల యువతికి ఐదేళ్ల క్రితం అక్షయ్ అనే యువకుడు ఫేస్బుక్లో పరిచయమయ్యాడు. ఆ తర్వాత ఫోన్లో మాట్లాడుకునేవారు. రానురాను వీరి బంధం బలపడింది. ఇద్దరూ కొంతకాలం సహజీవనం చేశారు. ఈ క్రమంలో ఆమె నుంచి డబ్బులు కూడా తీసుకున్నాడు. వీరి పెళ్లికి అక్షయ్ కుటుంబ సభ్యులు ఒప్పుకున్నా.. అతను నిరాకరించాడు. దీంతో బాధితురాలు పోలీసులకు ఫిర్యాదు చేసింది.
