TV
చెట్టెక్కిన చిరుత... భయాందోళనలో గ్రామస్తులు
వైఎస్ఆర్ కడప జిల్లా వీరబల్లి మండలం సానిపాయ గ్రామంలో గురువారం చిరుతపులి కలకలం సృష్టించింది.
కడప : వైఎస్ఆర్ కడప జిల్లా వీరబల్లి మండలం సానిపాయ గ్రామంలో గురువారం చిరుతపులి కలకలం సృష్టించింది. సమీపంలోని అటవీ ప్రాంతం నుంచి గ్రామంలో ప్రవేశించిన చిరుత ముళ్ల పొదల్లో నక్కి ఉంది. ఆ విషయాన్ని గమనించిన గ్రామస్తులు తీవ్ర భయాందోళనతో పరుగులు తీశారు. పొదల్లో నక్కిన చిరుత చెట్టుపైకి ఎక్కి కుర్చుంది. దాంతో గ్రామస్తుల ఆందోళన మరింత పెరిగి... అటవీశాఖ అధికారులకు సమాచారం అందించారు. చిరుతను పట్టుకునేందుకు అటవీశాఖ అధికారులు రంగంలోకి దిగారు.
