అంగరంగ వైభోగం..ఆకాశమంత పందిరి.. భూదేవి అంత పీట.. బహుశా ఈ మాటలు కూడా చిన్నబోయేంత వైభవంగా జరిగిన ఓ బీజేపీ నేత కొడుక వివాహ వేడుక ఇపుడు హాట్‌టాపిగ్గా నిలిచింది. భారతీయ జనతా పార్టీ మహారాష్ట్ర అధ్యక్షుడు రావ్‌సాహెబ్ పాటిల్ దన్వే కుమారుడు, భోకార్దన్ ఎంఎల్ఏ సంతోష్‌ పాటిల్‌ వివాహం గురువారం అత్యంగా వైభవంగా జరిగింది. అయితే ఏంటి అనుకుంటున్నారా.... వీడియో ఆహ్వానాలు, డిజైనర్ సెట్లు, పోలీసు పరిశీలనలో డ్రోన్ బిగించిన కెమెరాలతో నిర్వహించిన రావ్‌ సాహెబ్‌​ అందరి దృష్టిని ఆకర్షించగా.. మరోవైపు ఈ పెళ్లి ఆహ్వానానికి సంబంధించిన వీడియో హల్‌చల్‌ చేస్తోంది. ఈ వీడియోను నూతన వరుడు సంతోష్‌ శుక్రవారం త‌న‌ ఫేస్‌బుక్ లో పోస్ట్‌ చేశారు. సినిమా స్టయిల్‌ ను మించి రూపొందించిన ఈ వీడియో వైరల్‌ అయింది.