నెట్‌ఫ్లిక్స్‌కు ఎన్సీపీసీఆర్‌ నోటీసులు

‘బాంబే బిగమ్స్‌’వెబ్‌ సిరీస్‌ స్ట్రీమింగ్‌ను నిలిపివేయాలంటూ  ప్రముఖ ఓటీటీ ఫ్లాట్‌ఫాం నెట్‌ఫ్లిక్స్‌కి జాతీయ బాలల హక్కుల పరిరక్షణ సంఘం (ఎన్సీపీసీఆర్) నోటీసులు అందజేసింది. ఈ వెబ్‌ సిరీస్‌ బాలల హక్కులకు బంగం కలిగించే విధంగా ఉందని, దానిపై  24 గంటల్లోపు వివరణాత్మక నివేదిక సమర్పించాలని ఆదేశించింది. విచారణలో నివేదికలో అంశాలు అసత్యమని తెలిస్తే.. చట్టపరమైన చర్యలు తీసుకుంటామాని పేర్కొంది. 

ఈ వెబ్‌ సిరీస్‌లో బాలలను అనుచితంగా చిత్రీకరించడాన్ని అభ్యంతరం వ్యక్తం చేస్తూ, ఈ రకమైన కంటెంట్ యువతను తప్పుదోవ పట్టించడమే కాకుండా బాలల హక్కులను దుర్వినియోగం చేస్తుందరని కమిషన్ ఆవేదన వ్యక్తం చేసింది. ఈ వెబ్‌ సీరీస్‌లో మైనర్లు మాదకద్రవ్యాలకు అలవాటు పడటంతో పాటు లైంగిక దాడికి పాల్పడినట్టు చూపించారని ఆరోపణలో వచ్చిన నేపథ్యంలో ఎన్సీపీసీఆర్ నోటీసులు అందజేసింది.