చెత్త.. బయోవేస్టేజ్‌..

చెత్త.. బయోవేస్టేజ్‌..

మంచిర్యాలటౌన్‌: మంచిర్యాల ప్రభుత్వ జనరల్‌ ఆస్పత్రిలో, బయట అపరిశుభ్రతతో కొత్త వ్యాధులు వచ్చే ముప్పు పొంచి ఉంది. ఆస్పత్రి వెనుకభాగాన బయోవేస్టేజ్‌ చెత్తతోపాటు ఆస్పత్రిలో వెలువడిన ఇతర చెత్త పేరుకుపోతోంది. వర్షం కురిసినప్పుడు చెత్త తడిసి దుర్వాసన వెదజల్లుతోంది. బయోవేస్టేజ్‌, సాధారణ చెత్తకు వేర్వేరు గదులున్నాయి. బయోవేస్టేజ్‌ చెత్తతో గది నిండిపోగా.. దానికి తాళం వేసి బయట పడేస్తున్నారు. సమీపంలో సాధారణ చెత్త షెడ్డు ఉన్నా అందులో వేయకుండా ఆస్పత్రి వెనుకాల ఉన్న సిమెంటు రోడ్డు, ఖాళీ ప్రదేశంలో బయెవేస్టేజ్‌, చెత్త కలిపి వేస్తున్నారు. ఆస్పత్రికి ప్రతీ రోజు 400వరకు ఓపీ ఉండగా.. వివిధ రోగాలతో వార్డుల్లో చికిత్స పొందుతున్న వారు 250మంది ఉంటారు. రెడ్‌క్రాస్‌ సొసైటీ బ్లడ్‌బ్యాంకుకు నిత్యం తలసేమియా, సికిల్‌సెల్‌ బాధితులు 20మంది వరకు వస్తుంటారు. చెత్త కారణంగా కొత్త వ్యాధుల బారిన పడే ప్రమాదముంది.

1/2

చెత్త.. బయోవేస్టేజ్‌..

2/2

చెత్త.. బయోవేస్టేజ్‌..