ప్రతి నియోజకవర్గానికి పీ4 కో–ఆర్డినేటర్‌

సాక్షి, అమరావతి: స్వర్ణఆంధ్ర విజన్‌–2047లో భాగంగా ప్రభుత్వం అమలు చేస్తు­న్న పీపుల్‌ పబ్లిక్‌ ప్రైవేట్‌ పార్టనర్‌షిప్‌ (పీ4) కార్యక్రమాన్ని అమలు చేయడానికి రాష్ట్రంలోని ప్రతీ అసెంబ్లీ నియోకవర్గానికి కాంట్రాక్టు విధానంలో ఒక కో–ఆర్డినేటర్‌ను ని­య­మిస్తోంది. ఇందుకోసం 175 మంది నియామకానికి ఏపీ స్టేట్‌ డెవలప్‌­మెంట్‌ ప్లాని­ంగ్‌ సొసైటీ నోటిఫికేషన్‌ జారీ చేసింది.

నియోజకవర్గ కార్యాచరణ ప్రణాళికను తయారు చేసి ప్రజలు, ప్రభుత్వం, ప్రైవేటు వాటాదారుల సమన్వయంతో వీరు పని­చేయాల్సి ఉంటుంది. ఎంబీఏ లేదా పీజీ చేసిన విద్యా­ర్థులు దరఖాస్తు చేసుకోవచ్చు. రా­తపరీక్ష, ఇంటర్వ్యూ ద్వారా ఎంపిక చేసిన అభ్యర్థులకు నెలకు అన్ని రూ.60,000 వేత­నంగా ఇస్తారు. ఈ పేరుతో పార్టీ పనులు చేయించుకోవడానికి చంద్ర­బాబు ప్రభు­త్వం వేసిన ఎత్తుగడ అని, ప్రజాధనాన్ని వృథా చేస్తున్నారని విమర్శలు వినిపిస్తు­న్నాయి.