చెన్నై: 'మెగా' ఫ్యామిలీ హీరో సాయి ధరమ్ తేజ్ తాజా చిత్రం 'సుప్రీం' బాక్సాఫీస్ వద్ద మంచి వసూళ్లు రాబడుతోంది. అతడి కెరీర్ లో అత్యధిక కలెక్షన్లు సాధించిన సినిమాగా నిలిచింది. ఇప్పటికే నాలుగు వారాలు పూర్తి చేసుకున్న ఈ చిత్రం రూ. 20 కోట్ల క్లబ్ లో చేరిందని ట్రేడ్ ఎనలిస్ట్ త్రినాథ్ తెలిపారు. మాస్ ప్రేక్షకులను ఈ సినిమా బాగా ఆకట్టుకుంటోందని, డిఫెరెంట్ గా తెరకెక్కించిన క్లైమాక్స్ యాక్షన్ సీక్వెన్స్ ప్రతి ఒక్కరినీ అలరిస్తున్నాయని ఆయన చెప్పారు.
 
 అనిల్ రావిపూడి దర్శకత్వం వహించిన ఈ సినిమాలో రాశి ఖన్నా హీరోయిన్ గా నటించింది. ఈ సినిమాను తమిళంలో రీమేక్ చేసేందుకు ప్రయత్నాలు జరుగుతున్నాయి. సాయి ధరమ్ తేజకు ఇది మూడో హిట్. అతడు హీరోగా అంతకుముందు నటించిన పిల్లా నువ్వులేని జీవితం, సుబ్రహ్మణ్యం ఫర్ సేల్ సినిమాలు విజయం సాధించాయి.