మరాఠీ చిత్రం ‘రజాకర్‌’ను నిర్మాత రాజమౌళి తెలుగులో ‘నైజాం సర్కరోడ’గా అనువదించారు. సిద్ధార్థ్‌ జాదవ్, జ్యోతి సుభాష్, శరద్‌ బుటాదియా ముఖ్య తారలుగా రాజ్‌దుర్గె దర్శకత్వం వహించారు. రాజమౌళి మాట్లాడుతూ – ‘‘దేశ స్వాతంత్య్రం తర్వాత హైదరాబాద్‌ను సొంతం చేసుకోవాలన్న రజాకార్లపై తిరుగుబాటు చేసిన ఓ యువకుడి కథాంశమే ఈ చిత్రం. సామాన్య పౌరుల అండతో ఆ యువకుడు రజాకార్లపై ఎలా పోరు జరిపాడన్నది ఆసక్తికరంగా తెరకెక్కించాం. మాటలు, పాటలు నేనే రాశా. మయురేష్‌ కేల్కర్‌ అందించిన పాటలు బాగున్నాయి. త్వరలో చిత్రాన్ని రిలీజ్‌ చేస్తాం’’ అన్నారు.


 సిద్ధార్థ జాదవ్, జ్యోతి సుభాష్, జాకీర్‌ హుస్సేన్‌ ముఖ్య తారలుగా రాజు దుర్గే దర్శకత్వంలో మౌళి ఫిలింస్‌ పతాకంపై రాజమౌళి నిర్మించిన సినిమా ‘నైజాం సర్కరోడా’. మంగళవారం హైదరాబాద్‌లో ప్రదర్శించిన ఈ సినిమా ప్రివ్యూ షోకి ప్రజా గాయకుడు గద్దర్, ప్రొఫెసర్‌ కోదండరాం, పలువురు రాజకీయ నాయకులు హాజరయ్యారు. గద్దర్‌ మాట్లాడుతూ – ‘‘సామాన్య ప్రజలపై రజాకార్లు ఎలాంటి అకృత్యాలకు పాల్పడ్డారన్న అంశాన్ని సినిమాలో చక్కగా చూపించారు.
 
  శత్రువును ఎదుర్కోవాలంటే చేతిలో ఆయుధమే ఉండాలా? మనలో శక్తి సామర్థ్యాలను ఆయుధంగా ఎందుకు మలుచుకోకూడదు? అనే అంశం బాగుంది’’ అన్నారు. ‘‘భారతదేశ చరిత్రలో హైదరాబాద్‌ విముక్తి పోరాటం ఓ అధ్యాయమైతే... అందులో సామాన్యుడు ఎదుర్కొన్న పరిస్థితులు మరో అధ్యాయం’’ అన్నారు రాజమౌళి. ‘‘చిన్నప్పటి నుంచి చూసిన పలు ఘటనల ఆధారంగా ఈ సినిమా తీశా’’ అన్నారు దర్శకుడు రాజు దుర్గే.