ఎలాంటి సెక్యూరిటీ లేకుండా సెలబ్రిటీలు పబ్లిక్‌లోకి వస్తే.. ప్రమాదాలు జరుగుతాయి. పైగా సన్నీ లియోన్‌లాంటి హాట్ గాళ్స్ జనాల్లోకి వస్తే అంతే సంగతులు. ఆకతాయిల ఆగడాలకు అంతుండదు.
  
 ఆ పరిస్థితి ఎలా ఉంటుందో సన్నీ అనుభవంలోకొచ్చింది. ఆమె నటించిన ‘రాగిణి ఎంఎంఎస్ 2’ ఈ నెల 21న విడుదల కానుంది. దాంతో భారీగా ప్రచార కార్యక్రమాలు చేపడుతున్నారు. ఇందులో భాగంగా ‘రాగిణి కొత్త ఎమ్‌ఎమ్‌ఎస్ చూశారా? తను కనుక ఇక్కడ కూర్చుంటే.. ఓ రేంజ్‌లో మజా వస్తుంది’ అంటూ ముంబై, ఢిల్లీలో ఏడు వేల ఆటోల వెనకాల పోస్టర్లు అంటించారు.
 అలాగే, ఆటోరిక్షాలో ప్రయాణం చేస్తూ, ప్రచారం చేయడానికి చిత్రబృందం ప్లాన్ చేసింది. సన్నీ కూడా చాలా జోష్‌గా ఆటోస్టాండ్‌కి వచ్చి, ఓ ఆటో ఎక్కారు. ఈ హాట్ గాళ్ ఆగమనాన్ని తెలుసుకుని జనాలు భారీగా గుమిగూడిపోయారు. కొంతమందైతే ఆటో ఎక్కడానికి ప్రయత్నం చేశారు. సన్నీని తాకడానికి కూడా కొంతమంది కూర్రాళ్లు ఎగబడ్డారట. దాంతో, పోలీసులకు సమాచారం అందించారు. ఖాకీబాబులు రంగంలోకి దిగి, సన్నీని కాపాడటంతో,
  ఆమె ఊపిరి పీల్చుకున్నారు.
  


 బెంగళూరు, న్యూస్‌లైన్ : ‘రాగిణి ఐపీఎస్’ పేరుతో తెరకెక్కుతున్న సినిమాకు అసిస్టెంట్ డెరైక్టర్‌గా పనిచేస్తున్న ఉమేష్ తనకు అశ్లీల ఎస్‌ఎంఎస్‌లు పంపారని అదే సినిమాలో ప్రధాన పాత్ర పోషిస్తున్న కన్నడ సినీ న టి రాగిణి ఆరోపించారు. ఆయనపై బెంగళూరు క్రైంబ్రాంచ్ పోలీసులకు ఫిర్యాదు చేయనున్నట్లు చెప్పారు. ఈమేరకు మంగళవారం ఆమె ఓ ప్రైవేటు టీవీ చానల్‌తో మాట్లాడుతూ కొంత కాలంగా తన పర్సనల్ మొబైల్‌కు దాదాపు 200 అశ్లీల ఎస్‌ఎంఎస్‌లు వచ్చాయన్నారు. ఆరా తీయగా ఆ మెసేజ్‌లు అసిస్టెంట్ డెరైక్టర్ ఉమేష్ సెల్ నుంచి వచ్చినట్లు గుర్తించి దిగ్భ్రాంతికి గురైనట్లు చెప్పారు. ఈ విషయాన్ని క్రైం బ్రాంచ్ పోలీసులకు, ఫిలిమ్ చాంబర్ పెద్దలకు ఫిర్యాదు చేయనున్నట్లు చెప్పారు. ఒక అమ్మాయితో ఎలా వ్యవహరించాలనే సంస్కారం లేని ఉమేష్‌కు కఠిన శిక్ష పడాలన్నారు.
  
 .