సూర్య, శ్రుతి మరోసారి

 

 త్వరలో విశాల్ సరసన పూజై చిత్రంలో నటించడానికి రెడీ అవుతున్న శ్రుతి యువ నటుడు జయ్ తో కూడా ఒక చిత్రంలో రొమాన్స్‌కు సై అన్నట్లు ప్రచారం జరుగుతోంది. తన తొలి చిత్ర హీరో సూర్యతో మరోసారి జత కట్టడానికి శ్రుతి గ్రీన్ సిగ్నల్ ఇచ్చారన్నది తాజా సమాచారం. బిరియాని చిత్రాన్ని కార్తీతో తెరకెక్కించిన వెంకట్ ప్రభు ఇప్పుడు ఆయన సోదరుడు సూర్య హీరోగా ఒక భారీ చిత్రాన్ని రూపొందించడానికి రెడీ అవుతున్నారు. ఈ చిత్రంలో శ్రుతి హీరోయిన్‌గా నటించనున్నట్లు కోలీవుడ్ టాక్. వెంకట్ ప్రభు చెప్పిన కథ నచ్చడంతో శ్రుతి  ఓకే చెప్పినట్లు తెలిసింది. పూర్తి వివరాలు త్వరలో వెల్లడవుతున్నాయి. యువన్ శంకర్ సంగీ తాన్ని అందిస్తున్న ఈ చిత్రం పూజా కార్యక్రమాలు తమిళ ఉగాది సందర్భంగా సోమవారం చెన్నైలో ప్రారంభం కానున్నాయి. చిత్ర షూటింగ్ జూన్‌లో మొదలవుతుందని సమాచారం. సూర్య ప్రస్తుతం లింగుస్వామి దర్శకత్వంలో అంజాన్ చిత్రంలో నటిస్తున్నారు.