‘మూడు కోతులు...ఓ మేక’తో పూరి?

‘మూడు కోతులు...ఓ మేక’తో పూరి?

దర్శకుడు పూరీ జగన్నాథ్‌ తన సినిమాల టైటిల్స్‌ విషయంలో ఎప్పటికప్పుడు వినూత్నంగా ఆలోచిస్తుంటారు. ఆయన చిత్రాల పేర్లు చూస్తే చాలు... ఆ విషయం మనకు అర్థం అవుతుంది. ‘ఇడియట్‌’, ‘దేశముదురు’, ‘పోకిరి’, ‘లోఫర్‌’ – ఇలాంటి టైటిల్సే ఇందుకు నిదర్శనం. తాజాగా ఆయన ‘మూడు కోతులు.. ఒక మేక’ అనే ఇంట్రెస్టింగ్‌ టైటిల్‌ను ఫిల్మ్‌ఛాంబర్‌లో రిజిస్టర్‌ చేయించారని సమాచారం. నిజానికి, ఇటీవల విడుదలైన ‘ఇజం’ తర్వాత తెలుగులో ఆయన ఏ కొత్త చిత్రాన్నీ ప్రకటించలేదు.

ప్రస్తుతం ఆయన కన్నడంలో తెరకెక్కించిన ‘రోగ్‌’ సినిమా విడుదల పనుల్లో ఉన్నారని తెలుస్తోంది. ఆ పనులన్నీ కాగానే, సొంత నిర్మాణ సంస్థ అయిన వైష్ణో అకాడమీ పతాకంపై ‘మూడు కోతులు.. ఒక మేక’ పేరుతో ఆయన చిత్రం తెరకెక్కించనున్నారని ఫిల్మ్‌నగర్‌ టాక్‌. ప్రస్తుతం పూరి స్క్రిప్ట్‌ వర్క్‌ పూర్తి చేసే పనిలో ఉన్నారట!