వన్డే విశ్వ విజేత ఇంగ్లండ్‌

ఇంగ్లండ్‌ కల నెరవేరింది. 44 ఏళ్ల వారి సుదీర్ఘ నిరీక్షణకు తెరపడింది. ఆ దేశ జట్టు ఎట్టకేలకు వన్డే క్రికెట్‌ ప్రపంచ చాంపియన్‌గా అవతరించింది. క్రికెట్‌ చరిత్రలోనే అత్యంత ఉత్కంఠతో సాగినదిగా పేర్కొనదగిన వరల్డ్‌ కప్‌ ఫైనల్లో వన్‌ ఓవర్‌ ఎలిమినేటర్‌ పద్ధతిలో ఇంగ్లండ్‌ విజేతగా ఆవిర్భవించింది. ఇక్కడి ప్రఖ్యాత లార్డ్స్‌ మైదానంలో ఆదివారం జరిగిన మ్యాచ్‌లో టాస్‌ గెలిచి బ్యాటింగ్‌ ఎంచుకున్న న్యూజిలాండ్‌ నిర్ణీత ఓవర్లలో 8 వికెట్ల నష్టానికి 241 పరుగులు చేసింది. అర్ధ సెంచరీ సాధించిన ఓపెనర్‌ హెన్రీ నికోల్స్‌ (77 బంతుల్లో 55; 4 ఫోర్లు) టాప్‌ స్కోరర్‌. వికెట్‌ కీపర్‌ టామ్‌ లాథమ్‌ (56 బంతుల్లో 47; 2 ఫోర్లు, సిక్స్‌) రాణించాడు.