మూడో రాజుగారి గదిలోకి ఇటీవల తమన్నా గృహప్రవేశం చేసిన సంగతి గుర్తుండే ఉంటుంది. అయితే తమన్నా ప్లేస్‌లోకి తాప్సీ రానున్నారని లేటెస్ట్‌ టాక్‌. ఓంకార్‌ దర్శకత్వంలో ఇటీవల ‘రాజుగారి గది 3’ మొదలైంది. ఈ చిత్రాన్ని ఓక్‌ ఎంటర్‌న్మెంట్‌ సంస్థ నిర్మిస్తోంది. ‘రాజుగారి గది 2’ చిత్రానికి ఇది సీక్వెల్‌. ఈ సినిమా స్క్రిప్ట్‌ పరంగా కొన్ని క్రియేటివ్‌ డిఫరెన్సెస్‌ వచ్చి తమన్నా తప్పుకున్నారట. దీంతో చిత్రబృందం తాప్సీతో సంప్రదింపులు జరుపుతున్నారన్నది తాజా సమాచారం.


 సీనియర్ స్టార్లలో ఇప్పటికీ సూపర్ ఫాంలో ఉన్న స్టార్ హీరో కింగ్ నాగార్జున. యంగ్ జనరేషన్తో పోటిపడి నిలబడేందుకు ప్రయోగాత్మక చిత్రాలను ఎంచుకున్న నాగార్జున వరుస సక్సెస్లతో దూసుకుపోతున్నాడు. ఇటీవల ఊపిరి సినిమాతో సూపర్ హిట్ కొట్టిన ఈ మన్మధుడు, ప్రస్తుతం రాఘవేంద్రరావు దర్శకత్వంలో మరో భక్తిరస చిత్రం 'ఓం నమోవేంకటేశాయ'లో నటిస్తున్నాడు. ఈ సినిమా త్వరలో రిలీజ్కు రెడీ అవుతుండగా, ఇప్పుడు మరో ఇంట్రస్టింగ్ సినిమాకు ఓకె చెప్పాడు నాగ్.
 
 రాజుగారి గది సినిమాతో మంచి సక్సెస్ సాధించిన దర్శకుడు ఓంకార్, ప్రస్తుతం రాజుగారి గది 2 పేరుతో మరో సినిమాను తెరకెక్కిస్తున్నాడు. పీవీపీ సంస్థ భారీగా నిర్మిస్తున్న ఈ సినిమాలో కింగ్ నాగార్జున కీలక పాత్రలో నటించనున్నాడు. తెర మీద కనిపించేది కొద్దిసేపే అయినా నాగ్ పాత్రే సినిమాకు కీలకం అన్న టాక్ వినిపిస్తోంది. హర్రర్ జానర్లో తెరకెక్కనున్న ఈ సినిమాలో నాగ్ మాంత్రికుడి పాత్రలో కనిపించనున్నాడట. ఇప్పటికే పలు విలక్షణ పాత్రలతో ఆకట్టుకున్న నాగ్ మాంత్రికుడి పాత్రలో నటించటం ఇదే తొలిసారి.