సోష‌ల్ మీడియాలో వైర‌ల్‌గా మారిన ఓ వీడియో క్లిప్ గురించి మ‌నం ఇప్పుడు మాట్లాడుకోబోతున్నాం. అంకిత్ ద్వివేది అనే వ్య‌క్తి ఇన్‌స్టాగ్రామ్‌లో ఈ వీడియోను షేర్ చేశారు. దీనికి ఏకంగా 90 ల‌క్ష‌ల‌కు పైగా వ్యూస్‌, 9 ల‌క్ష‌ల‌కు పైగా లైకులు, వేల సంఖ్య‌లో కామెంట్లు వ‌చ్చాయి. షేర్లు, రీపోస్టులు కూడా వేల సంఖ్య‌లో జ‌రిగాయి. అంత‌గా ఏముంది ఆ వీడియాలో..!కార్పొరేట్ కంపెనీలో ప‌ని చేసే యువ‌కుడొక‌రు త‌న‌ స‌హోద్యోగుల ముందు డాన్స్ చేస్తున్న వీడియో ఇది. బాలీవుడ్ హీరో హృతిక్ రోషన్ బ్లాక్ బస్టర్ మూవీ 'బ్యాంగ్ బ్యాంగ్'లోని పాట‌కు అత‌డు డాన్స్ చేశాడు. అయితే ఆషామాషీగా డాన్స్ చేయ‌లేదు. ఎంతో పొందిక‌గా, చూడ చ‌క్క‌గా చేశాడు. ఒక్క స్టైప్ కూడా మిస్ కాకుండా వావ్ అనిపించాడు. సహోద్యోగులు అత‌డి ప్రదర్శనను ప్ర‌త్య‌క్షంగా చూస్తూ, ఉత్సాహపరిచారు. అత‌డి డాన్స్‌ను త‌మ సెల్‌ఫోన్ల‌లో బంధించారు. అత‌డు కూడా ఓవ‌ర్ యాక్ష‌న్ చేయ‌కుండా చ‌క్క‌గా డాన్స్ చేసి త‌న టాలెంట్ ప్ర‌ద‌ర్శించాడు.ఈ వీడియో క్లిప్‌ను అంకిత్ ద్వివేది ఇన్‌స్టాగ్రామ్‌లో షేర్ చేశారు. 'కార్పొరేట్ జాబ్ కార‌ణంగా త‌న అభిరుచిని చంపుకున్న వ్య‌క్తి' అంటూ క్యాప్ష‌న్ ఇచ్చారు. ఈ వీడియో చూసిన వారంతా డాన్స్ బాగుందంటూ ప్ర‌శంస‌లు కురిపిస్తున్నారు. మాకు కూడా ఈ స్టెప్పులు నేర్పిస్తారా అని అడుగుతున్నారు. కొంత‌మంది అయితే హృతిక్ రోషన్ (Hrithik Roshan) త‌ప్ప‌నిసరిగా ఈ వీడియో చూడాల‌ని కోరుతున్నారు.నెటిజ‌న్ల కామెంట్లుబాధ్య‌త‌ల కోసం త్యాగాలు చేయ‌డం త‌ప్ప‌ద‌ని ఒక‌రు కామెంట్ చేశారు. గ‌మ‌నిస్తే మ‌న చుట్టుక్క‌ల ఇలాంటి వారు చాలా మంది ఉంటార‌ని మ‌రొక‌రు అన్నారు. బాధ్య‌త‌ల కోసం త‌మ ఇష్టాల‌ను వ‌దులుకునే వారు క‌చ్చితంగా తార‌స‌ప‌డార‌ని పేర్కొన్నారు. డాన్స్ అంటే అత‌డికి ఎంత ఇష్ట‌మో ఈ వీడియో చూస్తే తెలుస్తుంద‌న్నారు. ఏదో ఒక రోజు అత‌డు అభిష్టాన్ని నెర‌వేర్చుకుంటాడ‌ని ఆశాభావం వ్య‌క్తం చేశారు. View this post on Instagram A post shared by Ankit Dwivedi | Corporate to Passion (@theankitmark)చ‌ద‌వండి: కొత్త సంవత్సరం... రెండో రోజు ఇలా చేయండి

సాక్షి, ముంబయి :  బ్యాంగ్‌ బ్యాంగ్‌ మూవీలో అలరించిన గ్రీక్‌ గాడ్‌ హృతిక్‌ రోషన్‌, కత్రినాల జోడీ మరోసారి ప్రేక్షకులకు కనువిందు చేయనుంది. 2014లో విడుదలైన బ్యాంగ్‌ బ్యాంగ్‌కు తెరకెక్కనున్న సీక్వెల్‌లో వీరిద్దరూ మరోసారి ఆన్‌స్ర్కీన్‌ కెమిస్ర్టీని పండించనున్నారు. బ్యాంగ్‌ బ్యాంగ్‌ రీలోడెడ్‌ పేరిట రూపొందే ఈ మూవీ పనులను చేపట్టేందుకు ఫాక్స్‌ స్టార్‌ హిందీ సన్నాహాలు చేస్తున్నట్టు సమాచారం. అయితే ఒరిజినల్‌కు సీక్వెల్‌గా దీన్ని రూపొందించరాదని మేకర్లు యోచిస్తున్నారు. బ్యాంగ్‌ బ్యాంగ్‌ ఫ్రాంచైజీకి దర్శకుడిని ఇంకా ఎంపిక చేయలేదని డైరెక్టర్‌ను ఖరారు చేసే ప్రక్రియ కొనసాగుతోందని తెలిసింది. హాలీవుడ్‌ సూపర్‌హిట్‌ నైట్‌ అండ్‌ డేకు అధికారిక రీమేక్‌గా తెరకెక్కిన బ్యాంగ్‌ బ్యాంగ్‌కు సిద్ధార్ధ్‌ ఆనంద్‌ దర్శకత్వం వహించారు.


 న్యూఢిల్లీ: హృతిక్ రోషన్ హీరోగా నటించిన 'బ్యాంగ్ బ్యాంగ్' సినిమా భారీ వసూళ్లతో బాక్సాఫీస్ వద్ద హల్ చల్ చేస్తోంది. మొదటి మూడు రోజుల్లోనే ఈ సినిమా రూ. 70 కోట్ల మార్క్ దాటింది. ఒక్క మనదేశంలొనే మూడు రోజుల్లో ఈ చిత్రం రూ. 71.72 కోట్ల ఓపెనింగ్స్ రాబట్టింది. రెండు రోజుల్లోనే రూ. 50 కోట్ల స్థాయిని దాటేసింది.
 
 రూ.140 కోట్ల బడ్జెట్ తో తెరకెక్కిన 'బ్యాంగ్ బ్యాంగ్'లో హృతిక్ కు జంటగా కత్రినా కైఫ్ నటించింది. సిద్ధార్థ్ ఆనంద్ దర్శకత్వం వహించారు. అక్టోబర్ 2న విడుదలైన ఈ సినిమా రికార్డు వసూళ్లు సాధించే దిశగా దూసుకుపోతోంది.