నా నోటికి చిక్కిన దేన్ని వదలను

అనుకోకుండా మొసలి నోటికి ఏదైనా చిక్కితే వదలదు. అలాంటిది కావాలనే మొసలి నోట్లోకి విసిరితే ఇక అది వదులుతుందా. అస్సలు వదలదు. ఇలాంటి దృశ్యమే ఫ్లోరిడాలో చోటుచేసుకుంది. ఓ మొసలి తన దవడలతో ఒక్క దెబ్బతో పుచ్చకాయను అమాంతం రెండు ముక్కలు చేసింది. ఈ విడియోను గత గురువారం ఫ్లోరిడాకు చెందిన సెయింట్‌ ఆగస్టిన్‌ ఎలిగేటర్‌ ఫార్మ్‌ జులాజికల్‌ పార్క్‌ షేర్‌ చేసింది. ఇందులో ఓ వ్యక్తి పుచ్చకాయను నేరుగా మొసలి నోట్లోకి విసరగా, వెంటనే మొసలి దాన్ని అందుకొని తన పదునైన దవడలతో  రెండు ముక్కలుగా చేసింది. వీడియో షేర్‌ చేసిన క్షణాల్లోనే  కొన్ని వేలమంది నెటజన్లు చూడగా ‘అయ్యో! నేను(మొసలి) శాఖాహారిని కాదు‘, ‘ నా నోటికి అందిన దేనని వదలను’ అంటూ కామెంట్లు పెడుతున్నారు.