Gaganyaan Mission: గగన్ యాన్‌ వ్యోమగాములకు ప్రధాని మోదీ అభినందనలు!

Four Astronauts Picked up for ISRO Gaganyaan Mission - Sakshi

భారత అంతరిక్ష పరిశోధనా సంస్ధ (ఇస్రో) చేపడుతున్న గగన్‌యాన్ మిషన్‌లో భాగంగా అంతరిక్షంలోకి వెళ్లే నలుగురు వ్యోమగాముల పేర్లను ప్రధాని నరేంద్ర మోదీ ప్రకటించారు. గ్రూప్ కెప్టెన్లు పి.బాలకృష్ణన్ నాయర్, అజిత్ కృష్ణన్, అంగద్ ప్రతాప్​తోపాటు వింగ్ కమాండర్ ఎస్ శుక్లా అంతరిక్షంలోకి వెళ్లనున్నట్లు ప్రధాని మోదీ తెలిపారు. అనంతరం ఆయన వీరితో కాసేపు ముచ్చటించి, అభినందనలు తెలియజేశారు.

ఈ వ్యోమగాములు.. 140 కోట్ల మంది భారతీయుల ఆకాంక్షలను నెరవేర్చే నాలుగు శక్తులని ‍ప్రధాని మోదీ పేర్కొన్నారు. కేరళలోని తిరువనంతపురంలో గల విక్రమ్ సారాభాయ్ స్పేస్ సెంటర్​లో గగన్‌ యాన్‌ ప్రాజెక్టు పురోగతిని ప్రధాని పరిశీలించారు. అనంతరం ఇస్రో ఛైర్మన్ సోమనాథ్‌ను​ సత్కరించారు. 


 

భారత్ ప్రపంచస్థాయి దేశంగా అవతరిస్తోందని ప్రధాని మోదీ పేర్కొన్నారు. చంద్రయాన్, గగన్‌ యాన్‌ వంటి ప్రాజెక్టుల్లో మహిళల పాత్ర ఎనలేనిదని కొనియాడారు. వారి భాగస్వామ్యం లేనిదే ఈ ప్రాజెక్టులు సాధ్యమయ్యేవి కావన్నారు. దేశాభివృద్ధి ప్రయాణంలో కొన్ని ఘట్టాలు భవిష్యత్తును నిర్దేశించేవిగా ఉంటాయని ప్రధాని మోదీ పేర్కొన్నారు. 

40 ఏళ్ల తర్వాత భారతీయుడు అంతరిక్షంలో అడుగుపెట్టనున్నారు. ఈ ప్రయోగంలో భాగంగా వ్యోమగాములను భూమికి దాదాపు 400 కిలోమీటర్ల ఎత్తులో ఉన్న కక్ష్యలోకి తీసుకెళ్లనున్నారు. మూడు రోజులపాటు వారిని అక్కడే ఉంచి, తిరిగి భూమి మీదకు తీసుకొస్తారు. ఈ మిషన్‌లో పాల్గొనే ఆస్ట్రోనాట్లు సురక్షితంగా తిరిగి సముద్రంలో ల్యాండ్ అయ్యేలా ఏర్పాట్లు చేస్తున్నారు.
 

whatsapp channel

Read latest National News and Telugu News | Follow us on FaceBook, Twitter, Telegram


 

Read also in:
Back to Top