రైల్వే సేవలన్నీ ఒకేయాప్‌లో..

రైల్వే సేవలన్నీ ఒకేయాప్‌లో..

● ఒకటి నుంచి అమలులోకి వచ్చిన రైల్‌వన్‌ యాప్‌

రామగుండం: భారతీయ రైల్వే ప్రయాణికులకు మరిన్ని మెరుగైన సేవలను అందించేందుకు ఒకేయాప్‌ను డిజైన్‌ చేసిన రైల్వే.. ఈనెల ఒకటో తేదీన అమలులోకి తీసుకొచ్చింది. సెంటర్‌ ఫర్‌ రైల్వే ఇన్ఫర్మేషన్‌ సిస్టమ్‌ (సీఆర్‌ఐఎస్‌) పేరిట తీసుకొచ్చిన ఈయాప్‌ ద్వారా అన్ని సేవలను అత్యంత వేగంతో యాక్సెస్‌ చేసే వీలుంటుంది.

ప్రయాణికులకు అందే సేవలు..

● టికెట్‌ బుకింగ్‌, రిజర్వ్‌డ్‌, అన్‌ రిజర్వుడ్‌, ప్లాట్‌ఫాం టికెట్ల బుకింగ్‌

● ప్లాన్‌ మై జర్నీ టూల్‌ ద్వారా వివిధ తరగతులు, కోటాలో టికెట్ల బుకింగ్‌

● అన్‌ రిజర్వుడ్‌, ప్లాట్‌ఫాం టికెట్లపై 3శాతం డిస్కౌంట్‌

రైలు స్థితి తెలుసుకోవడం...

● రైలు స్థితి, ప్లాట్‌ఫారం నంబర్‌, ఆలస్యం తదితర వివరాలు

● కోచ్‌ పొజిషన్‌

పీఎన్‌ఆర్‌ స్టేటస్‌ రిఫండ్‌..

● ముందస్తు రిజర్వేషన్‌ టికెట్‌ ప్రస్తుత స్థితిగతులు.. టికెట్‌ పీఎన్‌ఆర్‌ నంబర్‌ ద్వారా సీటు కన్షర్మేషన్‌ స్టేటస్‌.. రైళ్ల రద్దు, రిజర్వేషన్‌ రద్దు తదితర సేవలు

ఫుడ్‌ ఆర్డరింగ్‌..

● ఇండియన్‌ రైల్వే క్యాటరింగ్‌ అండ్‌ టూరిజం కార్పొరేషన్‌ లిమిటెడ్‌ (ఐఆర్‌సీటీసీ) యాప్‌ ద్వారా వివిధ రైల్వేస్టేషన్లకు చేరుకునేందుకు ముందు నచ్చిన ఫుడ్‌ ఆర్డర్‌ చేసుకోవడం.. రైల్వేస్టేషన్‌కు రైలు చేరుకున్నాక సీటు వద్దకే ఫుడ్‌ చేర్చడం

యాప్‌ను ఇలా డౌన్‌లోడ్‌ చేసుకోవాలి..

● అండ్రాయిడ్‌ ఫోన్లలోనే గూగుల్‌ ప్లే స్టోర్‌ నుంచి డౌన్‌లోడ్‌ చేసుకునే వీలుంది.

https://play.google.com/store/apps/details?=org.cris.aikyam

IOS యాపిల్‌ యాప్‌ స్టోర్‌ నుంచి అయితే..

https://apps.apple.com/in/app/railone/id6473384334

ఉపయోగించే విధానం..

● యాప్‌ను డౌన్‌లోడ్‌ చేశాక రైల్‌కనెక్ట్‌ లేదా యూటీఎస్‌ యాప్‌ లాగిన్‌ వివరాలతో లాగిన్‌ కావాలి

● కొత్త వినియోగదారులు మొబైల్‌ నంబర్‌, ఓటీపీ ద్వారా రిజిష్టర్‌ చేసుకోవాలి

● mPI N లేదా బయోమెట్రిక్‌ ద్వారా సులభంగా లాగిన్‌ చేయవచ్చు.

● ‘ప్లాన్‌ మై జర్నీ’ లేదా ‘మై బుకింగ్స్‌’ వంటి ఆప్షన్లను ఉపయోగించి సేవలను యాక్సెస్‌ చేయవచ్చు.

ఇవీ ప్రయోజనాలు..

● ఒకేయాప్‌లో ఐఆర్‌సీటీసీ రైల్‌ కనెక్ట్‌, యూటీఎస్‌, రైల్‌మదద్‌, ఎన్‌టీఈఎస్‌, ఫుడ్‌ ఆన్‌ ట్రాక్‌ వంటి సేవలు

● బహుళ యాప్‌ల అవసరం తగ్గించి, డివైస్‌ స్టోరేజీలు ఆదా చేసుకోవచ్చు

● సరళమైన ఇంటర్‌సేఫ్‌, సింగిల్‌ సైన్‌–ఆన్‌ ద్వారా ఉపయోగం సులభతరం

● డిసెంబర్‌ 2025 నాటికి కొత్త పీఆర్‌ఎస్‌ సిస్టమ్‌ ద్వారా నిమిషానికి 1.5 లక్షల టికెట్‌ బుకింగ్స్‌, 40 లక్షల ఎంకై ్వరీలను నిర్వహించగల సామర్ధ్యం.