యునైటెడ్‌ అరబ్‌ ఎమిరైట్స్‌(యూఏఈ)తో భారత్‌ వాణిజ్యం వేగంగా పురోగమిస్తోందని లోక్‌సభలో ఇచ్చిన ఒక సమాధానంలో వాణిజ్య, పరిశ్రమల శాఖ సహాయమంత్రి అనుప్రియా పటేల్‌ పేర్కొన్నారు. ప్రస్తుతం రెండు దేశాల మధ్య ద్వైపాక్షిక వార్షిక వాణిజ్య విలువ 60 బిలియన్‌ డాలర్లుకాగా, వచ్చే ఐదేళ్లలో 100 బిలియన్‌ డాలర్లకు చేరుతుందని అన్నారు. రెండు దేశాల మధ్య ఫిబ్రవరి 18న జరిగిన స్వేచ్ఛా వాణిజ్య ఒప్పందం(సమగ్ర ఆర్థిక భాగస్వామ్య ఒప్పందం) ఇందుకు దోహదపడుతుందని వివరించారు.  విలువ పరంగా యూఏఈకి చేసే ఎగుమతుల్లో దాదాపు 90 శాతం ఉత్పత్తులకు.. ఒప్పందం అమల్లోకి వచ్చిన మొదటి రోజు నుండి జీరో డ్యూటీ మార్కెట్‌ యాక్సెస్‌ భారత్‌కు అందుబాటులోకి వచ్చినట్లు తెలిపారు. 11 విస్తృత సేవా రంగాల నుంచి దాదాపు 111 సబ్‌  సెక్టార్లలో భారతదేశానికి మార్కెట్‌ యాక్సెస్‌ లభించిందని తెలిపారు. కోల్‌ ఇండియా లిమిటెడ్‌  నుండి ఈశాన్య ప్రాంతంలోని తేయాకు తోటలకు బొగ్గు సరఫరా కొరత లేదని మరో ప్రశ్నకు ఆమె తెలిపారు. ఆర్థిక సంవత్సరంలో మార్చి 9 వరకూ చూస్తే, బొగ్గు సరఫరాలు 16 శాతం పెరిగి, 618.70 మిలియన్‌ టన్నులకు చేరినట్లు వివరించారు.    (చదవండి: ఐటీ ఫ్రెష‌ర్లకు గుడ్‌న్యూస్‌.. కాప్‌జెమినీలో 60 వేల ఉద్యోగాలు..!)


  హైదరాబాద్, బిజినెస్ బ్యూరో: వచ్చే ఏడేళ్లలో భారత్‌తో తమ దేశ వాణిజ్యం 50 బిలియన్ డాలర్లకు చేరుకుంటుందని దక్షిణాఫ్రికా తెలిపింది. ప్రస్తుతం ఇరు దేశాల మధ్య వాణిజ్యం 15 బిలియన్ డాలర్లుందని భారత్‌లో దక్షిణాఫ్రికా యాక్టింగ్ హై కమిషనర్ మలోస్ మొగాలే మంగళవారమిక్కడ ఫ్యాప్సీ సదస్సులో తెలిపారు. భారత్‌తో ప్రిఫరెన్షియల్ ట్రేడ్ అగ్రిమెంట్ (పీటీఏ) విషయమై సౌత్ ఆఫ్రికన్ కస్టమ్స్ యూనియన్‌తో(ఎస్‌ఏసీయూ) చర్చలు జరుగుతున్నాయని పేర్కొన్నారు. కస్టమ్స్ యూనియన్‌లో దక్షిణాఫ్రికాతోపాటు బోట్స్‌వానా, లెసోతో, నమీబియా, స్వాజిలాండ్‌లు సభ్యదేశాలు. పీటీఏకు సంబంధించి కొన్ని అంశాలు పరిష్కారం కావాల్సి ఉందని మొగాలే అన్నారు. ఒప్పందం కార్యరూపం దాలిస్తే సభ్య దేశాలకు ప్రయోజనం కలుగుతుందని అభిప్రాయపడ్డారు. మైనింగ్ రంగంలో పెట్టుబడులు పెట్టాల్సిందిగా ఆయన ఇక్కడి పారిశ్రామికవేత్తలను ఆహ్వానించారు. రూపాయి పతనాన్ని కట్టడి చే యడంలో భాగంగా బంగారం దిగుమతుల విషయంలో భారత్ తీసుకుంటున్న చర్యలు తమ దేశ పసిడి ఎగుమతులపై ప్రభావం చూపిస్తుందని అన్నారు.