ఎన్నికల చిత్రాలు

అవ్వా.. నీ ఓటు నాకే వేయాలె

జోగిపేట(అందోల్‌): అవ్వా నీ ఓటు నాకే ఎయ్యాలే....అంటూ అందోలు టీఆర్‌ఎస్‌ అభ్యర్థి క్రాంతికిరణ్‌ అందోలు మండలం తాలెల్మ గ్రామంలో రోడ్డు పక్కన కూర్చున్న వృద్ధురాలిని అభ్యర్థించారు. నా ఓటు కారు గుర్తుకే బిడ్డా అంటూ ఆ వృద్ధురాలు సమాధానం ఇవ్వగానే కార్యకర్తలంతా జై తెలంగాణ అంటూ నినాదాలు చేశారు.  

‘మాస్కు’చూసి ఓటెయ్యండి..

గజ్వేల్‌: సీఎం కేసీఆర్‌కు మద్దతుగా ఎమ్మెల్సీ శాసనమండలి చీఫ్‌ విప్‌ పాతూరి సుధాకర్‌రెడ్డి ఆదివారం గజ్వేల్‌లో ప్రచారం నిర్వహించారు. ఈ సందర్భంగా పలువురు యువకులు కేసీఆర్‌ మాస్కులను ధరించి భారీ ర్యాలీ నిర్వహించారు. నియోజకవర్గం, రాష్ట్ర అభివృద్ధికి కారు గుర్తుకు ఓటు వేయాలని నినాదాలు చేశారు.

బస్సులో వెళ్లి ‘కారు’కు ఓటెయ్యండి..

సిద్దిపేటజోన్‌ : సిద్దిపేట–ముస్తాబాద్‌ చౌరస్తా వద్ద పట్టణ ఆటో డ్రైవర్స్‌ గౌరవాధ్యక్షుడు పాల సాయిరాం ఆధ్వర్యంలో టీఆర్‌ఎస్‌కు మద్దతుగా ఎన్నికల ప్రచారం నిర్వహించారు. ప్రతీ ఆటో, ఆగిన బస్సుల వద్దకు వెళ్లి టీఆర్‌ఎస్‌ అభ్యర్థి హరీశ్‌రావుకు ఓటు వేసి గెలిపించాలని ప్రయాణికులకు విజ్ఞప్తి చేశారు.