దర్శకరత్న దాసరి నారాయణరావు మనవరాలు నీరాజిత తెరంగ్రేటం చేయనుంది. తాత దర్శకత్వంలోనే ఆమె నటించనుంది. దాసరి త్వరలో తెరకెక్కించనున్న 151వ చిత్రంతో నీరాజిత తెలుగు తెరకు పరిచయం అవుతోంది. తన తాతకు మనవరాలిగానే ఆమె నటించనుండడం విశేషం. సినిమాతో ఈ పాత్ర ఎంతో కీలకంగా నిలుస్తుందని చెబుతున్నారు.
 
 తమిళ సూపర్‌హిట్ ‘మంజ పై’ ఆధారంగా ఈ సినిమా రూపొందిస్తున్నారు. దాసరి తాతగా, మంచు విష్ణు మనవడిగా నటిస్తున్నారు. విష్ణుకు జోడీగా కేథరిన్‌ని ఎంపిక చేశారు. చక్రి ఈ చిత్రానికి సంగీత దర్శకుడు. అయితే ఈ సినిమాకు 'ఎర్రబస్సు' అని టైటిల్ పెట్టినట్టు ప్రచారం జరుగుతోంది. వచ్చే సంక్రాంతికి ఈ సినిమా విడుదల చేయాలని భావిస్తున్నారు.