పురపాలికల వారీగా ఇలా..

జిల్లాలోని పురపాలికల్లో జనాభా ప్రాతిపదికన కాకుండా వార్డుల వారీగా క్రీడా మైదానాలు ఏర్పాటు చేయాలని కలెక్టర్‌ ఆదేశాలిచ్చారు. వనపర్తి పురపాలికలో 33 వార్డులు ఉండగా.. మొదటి విడతలో 19 వార్డుల్లో ఏర్పాటు చేయాలని నిర్ణయించారు. ఇందులో 13 వార్డుల్లో ప్రారంభించగా.. మిగిలిన 6 వార్డుల్లో స్థలాలను గుర్తించి పనులు చేపడుతున్నారు. మిగిలిన 16 వార్డుల్లో స్థలాలను గుర్తించే పనిలో ఉన్నారు.

● కొత్తకోట పురపాలికలో 15 వార్డులు ఉండగా.. 8 చోట్ల క్రీడా మైదానాలను ప్రారంభించారు. మిగిలిన 7 వార్డుల్లో అధికారులు స్థలాలుఉ ఎంపిక చేస్తున్నారు.

● పెబ్బేరులో 12, ఆత్మకూర్‌లో 10 వార్డులు ఉండగా.. అన్ని వార్డుల్లో పనులు పూర్తి చేసి వినియోగంలోకి తెచ్చామని ఆయా పురపాలికల అధికారులు చెబుతున్నారు.

● అమరచింతలో క్రీడామైదానం ఏర్పాటుకు గుర్తించిన స్థలంలో శ్మశానవాటిక ఉందని గొడవ జరగడంతో అక్కడి నుంచి తాత్కాలికంగా తప్పించి ఉన్నత పాఠశాలలో ఏర్పాటు చేశారు. పది వార్డులు ఉండగా.. ఏడు చోట్ల స్థలాలను గుర్తించారు.