TV
సర్ధార్‌నగర్‌ను సందర్శించిన తమిళనాడు బృందం
షాబాద్‌: మండలంలోని సర్ధార్‌నగర్‌ గ్రామాన్ని తమిళనాడు బృందం గురువారం సందర్శించింది. గ్రామ పరిపాలన, పౌరసేవలు, వివిధ పథకాల అమలు బాగుందని కితాబిచ్చింది. ఎంసీఆర్‌హెచ్‌ఆర్డీ ద్వారా సెంటర్‌ ఫర్‌ గుడ్‌ గవర్నెన్స్‌శిక్షణ బృందం అనిల్‌కుమార్‌, వెంకటరమణ తమిళనాడు సర్పంచులు, బ్లాక్‌ అధ్యక్షులు, స్థానిక సంస్థల ప్రజాప్రతినిధులు, అధికారుల బృందంతో కలిసి గ్రామంలో సౌకర్యాలు, వనరులు, అభివృద్ధిని పరిశీలించారు. అనంతరం పంచాయతీ ఆవరణలో మొక్కలు నాటారు. పంచాయతీ భవనం, గ్రంథాలయం, క్రీడా ప్రాంగణం, సెగ్రిగేషన్‌ షెడ్‌, పల్లె ప్రకృతి వనాలను సందర్శించారు.
