ప్రిన్సిపాల్‌ వేధిస్తున్నారని విద్యార్థుల ఆందోళన

ప్రిన్సిపాల్‌ వేధిస్తున్నారని విద్యార్థుల ఆందోళన

ఇచ్చోడ: కొద్దిరోజులుగా ప్రిన్సిపాల్‌ నారాయణ వే ధిస్తున్నారని మండల కేంద్రంలోని మహాత్మా జ్యో తిబాపూలే కళాశాల విద్యార్థులు మంగళవారం ఆందోళనకు దిగారు. మండల కేంద్రంలోని అంబేడ్కర్‌ చౌక్‌లో రోడ్డుపై పడుకుని నిరసన తెలిపారు. ప్రిన్సి పాల్‌కు వ్యతిరేకంగా నినాదాలు చేశారు. ప్రిన్సిపాల్‌ను వెంటనే సస్పెండ్‌ చేయాలని డిమాండ్‌ చేశా రు. పోలీసులు చేరుకుని విద్యార్థులను పోలీస్‌స్టేష న్‌కు తరలించారు. విషయం తెలుసుకున్న మిగతా విద్యార్థులు పోలీస్‌స్టేషన్‌కు చేరుకుని ఆందోళనకు దిగారు. విద్యార్థులకు నచ్చజెప్పిన పోలీసులు వారి ని కళాశాలకు పంపించారు. ఈ సమాచారం తె లుసుకున్న ఆదిలాబాద్‌ అడిషనల్‌ కలెక్టర్‌ రాజేశ్వర్‌, ఆర్సీవో శ్రీధర్‌ సాయంత్రం కళాశాలకు చేరుకుని తరగతికి ఇద్దరు చొప్పున విద్యార్థులను పిలిపించి ప్రిన్సిపాల్‌ రూంలో మాట్లాడారు. కాగా, కొద్దిరోజులుగా ప్రిన్సిపాల్‌ మానసికంగా వేధిస్తున్నట్లు విద్యార్థులు ‘సాక్షి’కి వివరించారు. తరచూ ఉడకని అ న్నం పెడుతున్నారని, ఆటవస్తువులు లేవని తెలి పారు. వీటిపై ప్రశ్నించిన తమను టార్గెట్‌ చేసి కళాశాల నుంచి బయటికి పంపిస్తానని, చంపేస్తామని బెదిరిస్తున్నట్లు ఆరోపించారు. కొద్దిరోజుల కిత్రం ప్రిన్సిపాల్‌ వ్యవహారంపై కొందరు విద్యార్థులు రహస్యంగా ఆర్సీవోకు ఫిర్యాదు చేయగా, అప్పటినుంచే వేధింపులు మొదలైనట్లు తెలిపారు.