దారి.. వేదన

కైలాస్‌నగర్‌/ఉట్నూర్‌రూరల్‌: జిల్లాలో ఏజెన్సీ ప్రాంతంలో మౌలిక వసతులు కరువయ్యాయి. ఏళ్లుగా రహదారి సౌకర్యం లేక ఆదివాసీల ఇక్కట్లు వర్ణనాతీతం. గుట్టలు, వాగుల మధ్య ఉన్న మట్టి, గతుకుల దారులే వారికి దిక్కవుతున్నాయి. అత్యవసర సమయంలో అంబులెన్స్‌లు వెళ్లలేని దుస్థితి. ఈ క్రమంలో సకాలంలో వైద్యసేవలు అందక ప్రాణాలు గాలిలో కలుస్తున్న ఘటనలు అనేకం. పురిటి నొప్పులతో ఉన్న గర్భిణులను ఆసుపత్రులకు చేర్చడం కుటుంబీకులకు సవాలుగా మారుతోంది. ఎన్నికలప్పుడే కనిపించే నేతలు అనంతరం తమ వైపు చూడడం లేదని అడవిబిడ్డలు ఆవేదన వ్యక్తం చేస్తున్నారు.

ఇదీ పరిస్థితి..

ఉట్నూర్‌ ఏజెన్సీ ప్రాంతంలోని నార్నూర్‌, ఇంద్రవెల్లి, గాదిగూడ, సిరికొండ, ఉట్నూర్‌ మండలాల్లోని ఆదివాసీ గ్రామాలకు ఇప్పటికీ సరైన రోడ్డు సౌకర్యం లేదు. స్వాతంత్య్రం సిద్ధించి ఏడున్నర దశాబ్దాలు దాటినా ఇప్పటికీ గిరిపుత్రులు మట్టిరోడ్లపైనే ప్రయాణం సాగించాల్సి వస్తోంది. వర్షాకాలంలో బురదమయంగా మారిన దారిపై అడుగుతీసి అడుగువేయలేని దుస్థితి. పురిటి నొప్పుల సమయంలో గర్భిణులను, అలాగే గుండెపోటు, పిట్స్‌కు గురైన వారిని అత్యవసర పరిస్థితుల్లో ఆసుపత్రికి తరలించడం కష్టంగా మారుతోంది. అంబులెన్స్‌లు రాలేని పరిస్థితి ఉంది. ఈ క్రమంలో మరణాలు చోటు చేసుకుంటున్నాయి. ఇటీవల ఉట్నూర్‌ మండలంలోని రాజులగూడ ఘటనే ఇందుకు నిదర్శనం.

ఉట్నూర్‌ మండలం రాజులమడుగు గ్రామానికి వెళ్లే మార్గంలో ఇదీ పరిస్థితి..

రోడ్డు సౌకర్యం లేని గ్రామాలివే..

నార్నూర్‌ మండలంలోని భీంపూర్‌ పంచాయతీ పరిధి బొజ్జుగూడ(కొలాంగూడ)కు చెందిన ఆత్రం సోంబాయి ఈ ఏడాది ఆగస్టులో తీవ్ర అస్వస్థతకు గురైంది. సరైన రోడ్డు సౌకర్యం లేకపోవడంతో కుటుంబీకులు ఇలా ఓ తడకపై పడుకోబెట్టి రెండు కిలోమీటర్ల వరకు కాలినడకన తీసుకెళ్లారు. అనంతరం అంబులెన్స్‌లో ఆసుపత్రికి తరలించారు.

రహదారులు, వైద్యసేవలపై దృష్టి

ఏజెన్సీ ప్రాంతంలోని రహదారులు, సెల్‌టవర్లతో పాటు వైద్యసేవలపై ప్రత్యేక దృష్టి సారిస్తాం. కలెక్టర్‌ శుక్రవారం నిర్వహించిన సమీక్షలో ఈ మేరకు ఆదేశాలు జారీ చేశారు. రాజులమడుగు గ్రామానికి సంబంధించిన గర్భిణి, శిశువు మృతి ఘటన బాధాకరం. ఇలాంటివి పునరావృతం కాకుండా చర్యలు చేపడతాం. మారుమూల గ్రామాల్లోని గర్భిణులను గుర్తించి ప్రసూతి సమయానికి ముందస్తుగానే ఆస్ప త్రులకు తరలించేలా వైద్యాధికారులను ఆదేశించాం.

– యువరాజ్‌ మర్మాట్‌, ఐటీడీఏ పీవో

దారి.. వేదన

దారి.. వేదన

దారి.. వేదన