ఏ ఊరు.. ఎవరికో?

ఏ ఊరు.. ఎవరికో?

సాక్షి,ఆదిలాబాద్‌: గ్రామ పంచాయతీ ఎన్నికలకు సంబంధించి రిజర్వేషన్ల కసరత్తు శనివారం రాత్రి వరకు కొనసాగింది. సర్పంచ్‌, వార్డు సభ్యుల రిజ ర్వేషన్లు ఖరారు చేయడంలో అధికారులు రోజంతా తలమునకలయ్యారు. ఆదివారం రాజకీయ పార్టీల ప్రతినిధులతో సమావేశం నిర్వహించి వాటికి తుది రూపం ఇవ్వనున్నారు. మహిళా రిజర్వేషన్లను లక్కీ డ్రా ద్వారా ఖరారు చేయనున్నారు. సుప్రీంకోర్డు నిబంధనల ప్రకారం డెడికేషన్‌ కమిటీ నివేదిక ఆధారంగా రాష్ట్రంలో స్థానిక సంస్థల ఎన్నికల రిజర్వేషన్లకు సంబంధించి ప్రభుత్వం శనివారం జీవో ఎంఎస్‌ నం.46 విడుదల చేసింది. ఈ ప్రకారం సర్పంచ్‌, వార్డు సభ్యుల రిజర్వేషన్ల శాతం ఖరారు చేసింది. 50 శాతం మించకుండా మార్గదర్శకాలు జారీ చేసింది. పంచాయతీరాజ్‌ శాఖ నుంచి ఈ మేరకు జీవో విడుదలైంది. ఆ ఉత్తర్వుల ప్రకారం జిల్లాలో కలెక్టర్‌ రిజర్వేషన్లను ఖరారు చేయనున్నారు. దాని సంబంధించిన కూర్పు శనివారం రాత్రి వరకు కొనసాగింది.

ఏ సామాజిక వర్గానికి దక్కేనో..?

రొటేషన్‌ విధానంలో రిజర్వేషన్లు ఖరారు చేస్తున్నా రు. ఏజెన్సీ ప్రాంతాల్లో మినహిస్తే.. మిగతా చోట్ల ఈ విధానం పాటిస్తారు. ఉదారహణకు ఒక ఊరిలో సర్పంచ్‌కు సంబంధించి క్రితం సారి బీసీ రిజర్వేషన్‌ ఖరారై ఉంటే.. ఈసారి అక్కడ రిజర్వేషన్‌ మారనుంది. ఏ సామాజిక వర్గానికి దక్కుతుందోననేది ప్రస్తుతం సర్వత్రా ఆసక్తిగా ఎదురు చూస్తున్నారు.

రిజర్వేషన్లు ఇలా..

డెడికేషన్‌ కమిటీ నివేదిక ప్రకారం 50 శాతం రిజర్వేషన్లు మించవద్దు. ఈ లెక్కన ఏజెన్సీ ప్రాంతాలను మినహాయించి మిగతా చోట్ల బీసీలకు 25 శాతం, ఎస్సీలకు 15 శాతం, ఎస్టీలకు 10 శాతం ఖరారు చేయాలి. కాగా జిల్లాలో ఏజెన్సీ ప్రాంతం, ఎస్టీ జనాభా అధికంగా ఉండడంతో బీసీ రిజర్వేషన్లు 25 శాతం కన్నా మరికొంత తగ్గే పరిస్థితి ఉన్నట్లు అధికారులు అభిప్రాయ పడుతున్నారు.

జిల్లాలో..

మొత్తం గ్రామ పంచాయతీలు 473

ఇందులో ఏజెన్సీ ప్రాంతాంలోనివి 251