King Charles -2

లండన్‌: బ్రిటన్‌ రాజకుటుంబంలో మరోసారి వివాదం మొదలైంది. కొంతకాలంగా ప్రశాంతంగా కనిపించిన రాజకుటుంబంలో దివంగత యువరాణి డయానా సోదరుడు చార్లెస్‌ స్పెన్సర్‌ రాసిన పుస్తకం కొత్త చర్చకు కారణమైంది. డయానా మరణం తర్వాత అప్పటి ప్రిన్స్‌ ఆఫ్‌ వేల్స్‌ చార్లెస్‌ తనతో ఫోన్‌లో మాట్లాడిన విషయాలను స్పెన్సర్‌ తన రాబోయే పుస్తకంలో ప్రస్తావించినట్లు బ్రిటన్‌ మీడియా కథనాలు తెలిపాయి.డయానా మరణించిన కొద్ది రోజుల తర్వాత చార్లెస్‌ తనతో తీవ్ర ఆగ్రహంతో మాట్లాడారని స్పెన్సర్‌ పేర్కొన్నట్లు ‘డైలీ మెయిల్‌’లో పుస్తకంలోని కొన్ని భాగాలు ప్రచురితమయ్యాయి. డయానా అంత్యక్రియల ఊరేగింపులో ఆమె కుమారులు విలియం, హ్యారీ పాల్గొనడం ఆమెకు ఇష్టం ఉండేది కాదని తాను చెప్పినప్పుడు చార్లెస్‌ కోపంగా స్పందించినట్లు స్పెన్సర్‌ వివరించారు. డయానా మరణించిన రాత్రి చార్లెస్‌ తనతో మాట్లాడిన తీరు కూడా చాలా ఉత్సాహంగా ఉన్నట్లు అనిపించిందని ఆయన పుస్తకంలో రాసినట్లు సమాచారం.1997 ఆగస్టులో పారిస్‌లో జరిగిన కారు ప్రమాదంలో డయానా మృతి చెందిన విషయం తెలిసిందే. అప్పటికి ఆమె కుమారులు విలియం, హ్యారీల వయసులు వరుసగా 15, 12 సంవత్సరాలు. తల్లి అంత్యక్రియల ఊరేగింపులో వారిద్దరూ తండ్రి చార్లెస్‌తో కలిసి నడిచారు. ‘పీపుల్స్‌ ప్రిన్సెస్‌’గా ప్రపంచవ్యాప్తంగా గుర్తింపు పొందిన డయానా మృతి బ్రిటన్‌లో తీవ్ర విషాదాన్ని నింపింది. ఆమె మరణం తర్వాత రాజకుటుంబం వ్యవహరించిన తీరుపై అప్పట్లో విమర్శలు కూడా వచ్చాయి.అరుదుగా స్పందించిన ప్యాలెస్‌స్పెన్సర్‌ పుస్తకంలోని విషయాలపై బకింగ్‌హామ్‌ ప్యాలెస్‌ సాధారణంగా పాటించే విధానానికి భిన్నంగా స్పందించింది. పుస్తకాలపై సాధారణంగా తాము వ్యాఖ్యానించబోమని చెబుతూనే.. డయానా మరణం తర్వాత సోదరుడిగా స్పెన్సర్‌ ఎదుర్కొన్న తీవ్ర విషాదం ఆయన జ్ఞాపకాలు, ఆలోచనలపై ప్రభావం చూపి ఉండొచ్చని ప్యాలెస్‌ ప్రతినిధి పేర్కొన్నారు. చాలా ఏళ్ల తర్వాత కూడా ఆ విషాదం గత ఘటనలను గుర్తు చేసుకునే విధానాన్ని ప్రభావితం చేసే అవకాశం ఉందని తెలిపారు.డయానా, చార్లెస్‌ వైవాహిక జీవితానికి సంబంధించిన కొన్ని విషయాలను కూడా స్పెన్సర్‌ పుస్తకంలో ప్రస్తావించినట్లు బ్రిటన్‌ మీడియా తెలిపింది. చార్లెస్‌, కెమిల్లా సంబంధానికి సంబంధించిన ఓ విషయాన్ని డయానా తెలుసుకున్నట్లు, అలాగే నిశ్చితార్థం తర్వాత చార్లెస్‌ చేసిన ఓ వ్యాఖ్య ఆమెను తీవ్రంగా బాధించిందని పుస్తకంలో ఉన్నట్లు సమాచారం. అయితే వీటిలో చాలా విషయాలు గతంలోనే డయానా జీవిత చరిత్రలు, వివిధ మీడియా కథనాల్లో వచ్చినవేనని తెలుస్తోంది.గతంలోనూ రాజకుటుంబంపై విమర్శలురాజకుటుంబంపై ఆరోపణలు వచ్చినప్పుడు ప్యాలెస్‌ స్పందించడం ఇదే మొదటిసారి కాదు. 2021లో హ్యారీ, మేఘన్‌ తమ రాజకుటుంబ జీవితానికి సంబంధించిన పలు విషయాలను బహిరంగంగా మాట్లాడినప్పుడు అప్పటి రాణి ఎలిజబెత్‌ స్పందించారు. ఆ సమయంలో ఆమె చేసిన వ్యాఖ్యలు కూడా పెద్ద చర్చకు దారితీశాయి. ఇప్పుడు డయానా సోదరుడి పుస్తకం విడుదలకు ముందే ప్యాలెస్‌ స్పందించడంతో మరోసారి రాజకుటుంబ వ్యవహారాలు వార్తల్లో నిలిచాయి.ఆండ్రూ వ్యవహారంతో ఇప్పటికే ఇబ్బందులుఈ ఏడాది ప్రారంభం నుంచే బ్రిటన్‌ రాజకుటుంబానికి వరుస సమస్యలు ఎదురవుతున్నాయి. రాజు చార్లెస్‌ సోదరుడు ఆండ్రూ మౌంట్‌బాటన్‌-విండ్సర్‌ 66వ పుట్టినరోజున ప్రభుత్వ పదవిలో ఉన్న సమయంలో జరిగిన ఓ వ్యవహారానికి సంబంధించి అనుమానాలపై అరెస్టయ్యారు. గతంలో ఆయన బ్రిటన్‌ వాణిజ్య ప్రతినిధిగా పనిచేశారు. లైంగిక నేరాలకు దోషిగా తేలిన జెఫ్రీ ఎప్స్‌టెయిన్‌తో సంబంధాలపై తీవ్ర విమర్శలు రావడంతో 2011లో ఆ బాధ్యతల నుంచి తప్పుకున్నారు. అయితే ఎప్స్‌టెయిన్‌తో తన వ్యవహారాల్లో ఎలాంటి తప్పు చేయలేదని, వ్యక్తిగత ప్రయోజనం పొందలేదని ఆండ్రూ గతంలో ఖండించారు.హ్యారీ–మేఘన్‌ తిరిగొచ్చినా తగ్గని చర్చఇటీవల హ్యారీ, మేఘన్‌ బ్రిటన్‌కు తిరిగి రావడం కూడా రాజకుటుంబంలో ఆసక్తిని పెంచింది. రాజకుటుంబ అధికారిక బాధ్యతలు నిర్వహించని ఈ దంపతులు తమ పిల్లలు ఆర్చీ, లిలిబెట్‌తో కలిసి దేశానికి వచ్చారు. ఈ క్రమంలో హ్యారీ తొలిసారి ఓ బహిరంగ కార్యక్రమానికి హాజరై ‘ఇన్విక్టస్‌ స్పిరిట్‌ అవార్డ్స్‌’లో పాల్గొన్నారు.మరోవైపు రాజు చార్లెస్‌ ఈ నెలలో హ్యారీ, మేఘన్‌లను ‘ప్రైవేట్‌ సిటిజన్స్‌’గా పరిగణించాలని స్పష్టం చేసినట్లు వారి ప్రతినిధి తెలిపారు. బ్రిటన్‌కు తిరిగి వచ్చిన కొద్దిరోజులకే పిల్లల పాఠశాలను మార్చడం కూడా చర్చనీయాంశమైంది. భద్రతా కారణాలతోనే ఈ నిర్ణయం తీసుకున్నట్లు వారు చెప్పారు. ఇదే సమయంలో మేఘన్‌కు భద్రతకు సంబంధించిన కొత్త సమీక్ష జరిగినట్లు బ్రిటన్‌ మీడియా కథనాలు వచ్చాయి. మరోవైపు ప్రిన్స్‌ విలియం, కేట్‌ స్కాట్లాండ్‌లో అధికారిక పర్యటనలో ఉన్నారు. ఈ సమయంలో డయానా సోదరుడి పుస్తకం పాత విషయాలను మరోసారి తెరపైకి తీసుకురావడంతో బ్రిటన్‌ రాజకుటుంబ వ్యవహారాలు మళ్లీ వార్తల్లో నిలిచాయి.ఇదీ చదవండి: ట్రంప్‌కు షాకిచ్చిన వార్ష్‌.. ఫెడ్‌ స్వతంత్రతపై మళ్లీ చర్చ!

అమెరికా వ్యాపారవేత్త, లైంగిక నేరస్థుడు జెఫ్రీ ఎప్‌స్టీన్‌తో సంబంధాల కేసులో అరెస్ట్ అయిన బ్రిటన్ మాజీ యువరాజు ఆండ్రూ మౌంట్‌బాటన్ .. పోలీసుల కస్టడీ నుంచి విడుదలయ్యారు. సుమారు 11 గంటల విచారణ అనంతరం ఆయనను విడిచిపెట్టారు. కాగా ప్రభుత్వ పదవిలో ఉండి దుష్ప్రవర్తనకు పాల్పడ్డారనే ఆరోపణలపై థేమ్స్ వ్యాలీ పోలీసులు ఆండ్రూను గురువారం ఉద‌యం అరెస్ట్ చేశారు. త‌న‌ 66వ పుట్టిన రోజునే ఆండ్రూను అదుపులోకి తీసుకోవ‌డం గ‌మ‌నార్హం. ఆ త‌ర్వాత ఆయ‌నను దాదాపు రోజుంతా ఐల్‌షామ్ పోలీసు స్టేషన్‌లో ఉంచి విచారించారు. అయితే 'రిలీజ్డ్ అండర్ ఇన్వెస్టిగేషన్' కింద పంపించేశారు. ఒకవేళ ఈ ఆరోపణలు రుజువైతే, బ్రిటన్ చట్టాల ప్రకారం గరిష్టంగా జీవితఖైదు పడే అవకాశం ఉంది.అస‌లేమి జ‌రిగిందంటే?ఆండ్రూ మౌంట్‌బాట‌న్.. 2001 నుండి 2011 వరకు బ్రిటన్ వాణిజ్య రాయబారిగా ప‌నిచేశారు. ఈ స‌మ‌యంలో ఆయ‌న కీలక సమాచారాన్ని ఎప్‌స్టీన్‌కు చేరవేసినట్టు నివేదికలు వెల్లడించాయి. వియత్నాం, సింగపూర్, హాంగ్‌కాంగ్ వంటి దేశాల పర్యటనలకు సంబంధించిన అత్యంత రహస్య వాణిజ్య రిపోర్టులు తన మిత్రుడు ఎప్స్టీన్‌కు ఈమెయిల్ చేశారని తాజాగా వెల్లడైన ఎప్‌స్టీన్ ఫైల్స్ బహిర్గతం చేశాయి. త‌న సోదరుడి అరెస్ట్‌పై కింగ్ చార్లెస్ స్పందించారు. "చట్టం తన పని తాను చేసుకుపోతుంది" అని స్పష్టం చేశారు. రాజకుటుంబం పోలీసుల విచారణకు పూర్తి సహకారం అందిస్తుందని ఆయన ఒక ప్రకటనలో తెలిపారు.

వాషింగ్టన్:అమెరికాలోని ప్రసిద్ధ ఐజెన్‌హవర్ ప్రెసిడెన్షియల్ లైబ్రరీ డైరెక్టర్ జాన్ హెన్రీను ట్రంప్ ప్రభుత్వం హఠాత్తుగా పదవి నుంచి తొలగించింది. ఈ నిర్ణయానికి కారణం..బ్రిటన్ రాజు చార్లెస్‌కు ఓ విలువైన చారిత్రక కత్తిని బహుమతిగా ఇవ్వాలన్న ట్రంప్‌ ఆదేశాలను ఆయన తిరస్కరించడం. ఈ ఘటన అమెరికా రాజకీయ వర్గాల్లో తీవ్ర చర్చనీయాంశంగా మారింది.1945 నాటి రెండవ ప్రపంచ యుద్ధానికి చెందిన ఆ కత్తిని జాతీయ వారసత్వంగా భావించాల్సినదిగా జాన్ హెన్రీ అభిప్రాయపడ్డారు. ‘ఇది ప్రజల ఆస్తి. చారిత్రకంగా ఎంతో ప్రాముఖ్యత కలిగిన వస్తువు. దీన్ని బహుమతిగా ఇవ్వడం సరైనది కాదు’అంటూ ఆయన ట్రంప్‌ విజ్ఞప్తిని తిరస్కరించారు.అయితే, ట్రంప్ పరిపాలనలో ఉన్న ఉన్నతాధికారులు ఈ కత్తిని అమెరికా-బ్రిటన్ మధ్య స్నేహ బంధానికి ప్రతీకగా ఇవ్వాల్సిన బహుమతిగా పేర్కొన్నారు. కత్తి ఇవ్వండి, లేదంటే ఉద్యోగం నుంచి తొలగిస్తామని జాన్ హెన్రీకి హెచ్చరికలు జారీ చేశారు. ఉన్నతాదికారులు ఒత్తిడి చేస్తున్నప్పటికీ.. మ్యూజియంలో ఉన్న కత్తిని ట్రంప్‌కు ఇచ్చేందుకు నిరాకరించారు. దీంతో ట్రంప్‌ ఆదేశాల మేరకు ఆయన్ను పదవి నుంచి తొలగించారు. ఈ చర్యపై చరిత్రకారులు, మ్యూజియం నిపుణులు తీవ్ర ఆందోళన వ్యక్తం చేస్తున్నారు. ప్రభుత్వం చారిత్రక సంపదను రాజకీయ ప్రయోజనాల కోసం ఉపయోగించకూడదు. ఇది ప్రజల విశ్వాసాన్ని దెబ్బతీసే చర్యగా అభివర్ణిస్తున్నారు. ఈ వివాదంపై ఇప్పటివరకు ట్రంప్‌ లేదా బ్రిటన్ రాజు చార్లెస్ స్పందించలేదు.

లండన్‌: ఉక్రెయిన్ అధ్యక్షు వ్లాదిమిర్‌ జెలెన్‌స్కీ (Ukrainian President Zelensky) లండన్‌లోని సాండ్రింగ్‌హామ్ హౌస్‌లో బ్రిటన్ రాజు చార్లెస్- IIIను కలుసుకున్నారు. అంతకుముందు ఆయన బ్రిటన్‌ ప్రధాని కీర్ స్టార్మర్‌తో భేటీ అయ్యారు. దీనికి సంబంధించి రాజకుటుంబం సోషల్‌ మీడియా ప్లాట్‌ఫారం ‘ఎక్స్‌’లో ‘ఈ రోజు సాయంత్రం బ్రిటన్ రాజు చార్లెస్- III ఉక్రెయిన్ అధ్యక్షుడు @ZelenskyyUa ను సాండ్రింగ్‌హామ్ హౌస్‌కు స్వాగతించారు’ అని పేర్కొన్నారు.సాండ్రింగ్‌హామ్ హౌస్ అనేది ఇంగ్లాండ్‌లోని నార్ఫోక్‌లో ఉన్న ఒక ప్రైవేట్ నివాసం. ఇది సాంప్రదాయకంగా బ్రిటిష్ రాజకుటుంబం ఆధీనంలో ఉంటుంది. ఉక్రేనియన్ అధ్యక్షుడు వోలోడిమిర్ జెలెన్స్కీని 10 డౌనింగ్ స్ట్రీట్‌కు స్వాగతించారు. ఉక్రెయిన్‌కు బ్రిటన్ మద్దతు ఉంటుందని జెలెన్స్కీకి బ్రిటన్ రాజు చార్లెస్- III (UKs King Charles iii)హామీ ఇచ్చారని అల్ జజీరా నివేదించింది. This evening, His Majesty The King received the President of Ukraine, @ZelenskyyUa, at Sandringham House. 🇺🇦 pic.twitter.com/mhGr7C0BN4— The Royal Family (@RoyalFamily) March 2, 2025అమెరికా అధ్యక్షుడు డొనాల్డ్ ట్రంప్‌తో వైట్ హౌస్‌లో జెలెన్‌స్కీ జరిపిన చర్చలు ఉద్రిక్తతలకు దారితీశాయి. వాషింగ్టన్‌ పర్యటన అనంతరం జెలెన్‌స్కీ బ్రిటన్ రాజు చార్లెస్- IIIని కలుసుకోవడం ప్రాధాన్యత సంతరించుకుంది. ఇది కూడా చదవండి: సోమనాథుని సన్నిధిలో ప్రధాని మోదీ పూజలు


 ప్రకృతిలో జరిగే ప్రతి చర్య మనకు కొన్ని విషయాలు నేర్పుతుంది. వాటిని అర్థం చేసుకోవడమే ఇన్వెన్షన్. యాపిల్ కిందపడటం అనేది ఒక్క న్యూటన్ మాత్రమే చూశారా.... లేదు. చాలామంది చూశారు. న్యూటన్ మాత్రమే దాన్ని అర్థం చేసుకున్నారు. ప్రకృతిలో సైన్స్ ఇమిడి ఉంది. ప్రెషర్ కుక్కర్ ఇన్వెన్షన్ కూడా అలాగే జరిగింది. ఆవిరితో ఏకంగా ఇంజిన్ నడిచింది. అది ఆలస్యంగా కనుక్కున్నారు గాని... స్టీమ్‌కు చాలా శక్తి ఉందని అంతకుముందు ఎప్పుడో తేలిపోయింది. డెనిస్ పాపిన్ ఆవిరి శక్తిని అర్థం చేసుకోవడం వల్లే ప్రెషర్ కుక్కర్ కనుక్కోగలిగారు. నీరు వంద డిగ్రీల సెంటీగ్రేడు వద్దకు రాగానే ఆవిరిగా మారి గాల్లో కలిసిపోతుంది. గాల్లో కలిసిపోతే దాని శక్తి వృథా అవుతుంది. కాబట్టి దాన్ని బంధించగలిగితే ఉపయోగం ఉంటుందని భావించారు డెనిస్. ఆయనకు ఆ ఆలోచన రావడమే కుక్కర్ అంకురార్పణ. ఒక పాత్రలో నీరు పోసి దానికి ఒక మూతపెట్టి లాక్ చేశారు.
  
   ఆవిరి బయటకు పోయే అవకాశం లేకుండా చర్య తీసుకున్నారు. దీంతో ఆ పాత్రలోని ఉష్ణోగ్రత వందకంటే ఎక్కువ నమోదైంది. అయితే, అత్యధిక ఒత్తిడివల్ల పాత్ర పేలిపోయే ప్రమాదం ఏర్పడింది. దీంతో అతను ఒత్తిడిని ఓ పరిమితిలో ఉంచడానికి ఓ వాల్వును తయారుచేశాడు. దీంతో ప్రెజర్‌కుక్కర్‌కు సంబంధించి 1679లోనే ఆవిష్కరణ జరిగినట్లయింది. ఫ్రాన్స్‌కు చెందిన పాపిన్ ఇంగ్లండ్‌లో ఈ పరిశోధనలు చేశారు. ఈ ఆవిరిని బంధించి మరింత వేడిని సృష్టించవచ్చని కనుగొన్న ఆయనకు లండన్ రాయల్ సొసైటీలో సభ్యత్వం వచ్చింది. కింగ్ చార్లెస్-2కు ఆయన 1682 ఏప్రిల్ 12న సాధారణ సమయం కంటే తక్కువ సమయంలో ‘డెయో’గా పదార్థాలను ఉడికించి చూపించారు.  అలా మొదటి కుక్కర్ వంట అధికారికంగా రాజు గారు ఆరగించారు.