భూవివాదంలో మహిళకు గాయాలు

భూవివాదంలో మహిళకు గాయాలు

ఆత్మకూరు: ఆత్మకూరు మున్సిపల్‌ పరిధిలోని నరసాపురంలో 2.50 ఎకరాల భూ వివాదానికి సంబంధించి ఘర్షణ ఏర్పడి ఓ మహిళకు గాయాలయ్యాయి. పోలీసులు వివరాల మేరకు.. అల్లంపాటి మాధవరెడ్డి, పల్లవి దంపతులకు వారి పెద్దల నుంచి భూమి వచ్చింది. అందులో తమకు 30 సెంట్లు రావాలని వారి దూరపు బంధువులు అంటున్నారు. ఈ విషయమై తహసీల్దార్‌ సోమ్లానాయక్‌ గత బుధవారం రెవెన్యూ కోర్టు నిర్వహించారు. సమస్య పరిష్కారం కాకపోవడంతో మరోసారి రెవెన్యూ కోర్టు నిర్వహించాలని నిర్ణయించారు. ఈ నేపథ్యంలో మాధవరెడ్డి దంపతులకు తెలియకుండా వారి బంధువులు ఆదివారం జేసీబీ సాయంతో 30 సెంట్లలో జామాయిల్‌ చెట్లు తొలగించి ఫెన్సింగ్‌ వేశారు. విషయం తెలుసుకుని సాయంత్రం పొలం వద్దకు వెళ్లిన మాధవరెడ్డి కుటుంబీకులపై వారు దాడికి పాల్పడ్డారు. ఇందులో పల్లవికి గాయాలయ్యాయి.

1/1

భూవివాదంలో మహిళకు గాయాలు