TV
నిరవధిక దీక్ష విరమించిన రైతు
కుంటాల: సోయా కొనుగోళ్లు చేపట్టాలని కోరుతూ కుంటాలకు చెందిన రైతు పడకంటి దత్తాద్రి చేపట్టిన నిరవధిక దీక్షను శుక్రవారం విమరించాడు. మూడు రోజులపాటు దీక్ష చేశారు. శుక్రవారం వైద్యురాలు శృతిరెడ్డి పరీక్షించగా ఆయన ఆరోగ్యం క్షీణించిందని తహసీల్దార్‌ కమల్‌కు సూచించారు. దీక్ష విరమించాలని అధికారులు కోరినా స్పష్టమైన హామీ ఇచ్చే వరకు విరమించేది లేదని దత్తాత్రి, రైతులు భీష్మించారు. దీక్ష శిబిరాన్ని మాజీ ఎమ్మెల్యే విఠల్‌రెడ్డి సందర్శించారు. ప్రభుత్వం దృష్టికి తీసుకెళ్లి సోయా కొనుగోళ్లు జరిపేలా కృషి చేస్తానని పేర్కొన్నారు. అనంతరం మాజీ ఎమ్మెల్యే, తహసీల్దార్‌ కమల్‌ సింగ్‌ దత్తాత్రికి నిమ్మరసం ఇచ్చి దీక్ష విరమింపజేశారు. అఖిలపక్ష నాయకులు కొత్తపల్లి బుచ్చన్న, సవ్వి అశోక్‌రెడ్డి, జుట్టు మహేందర్‌, ప్రవీణ్‌ కుమార్‌, మల్లేశ్‌, చంద్రకాంత్‌, వెంకటేశ్‌, జక్కుల గజేందర్‌, దిగంబర్‌ పటేల్‌, కిష్టయ్య, మగ్గిడి దిగంబర్‌, సబ్బిడి రాకేశ్‌, బోగ లక్ష్మణ్‌ తదితరులు పాల్గొన్నారు. కాగా, ఆమరణ దీక్ష చేపట్టిన రైతు దత్తాత్రికి శుక్రవారం బీఆర్‌ఎస్‌ నాయకులు మద్దతు తెలిపారు. జెడ్పీ మాజీ చైర్మన్‌ లోలం శ్యాంసుందర్‌, పడకంటి రమాదేవి, రామ్‌ కిషన్‌రెడ్డి, దాసరి కిషన్‌, వంశీ, సుధాన్‌, తదితరులు సంఘీభావం తెలిపారు.
