TV
జిల్లాస్థాయి చెకుముకి పరీక్ష
నిర్మల్‌ రూరల్‌: జనవిజ్ఞాన వేదిక ఆధ్వర్యంలో జిల్లా కేంద్రంలోని జేవీఎన్‌ఆర్‌ పాఠశాలలో జిల్లాస్థాయి చెకుముకి పరీక్ష శుక్రవారం నిర్వహించారు. పరీక్ష పత్రాలను జిల్లా సైన్స్‌ అధికారి వినోద్‌కుమార్‌, పాఠశాల ప్రిన్సిపాల్‌ మణికుమారి విడుదల చేశారు. ఈ సందర్భంగా డీఎస్‌వో మాట్లాడుతూ... ఇలాంటి పరీక్షలు భవిష్యత్తులో జరిగే పోటీ పరీక్షలను ఎదుర్కోవడంలో సహాయపడతాయన్నారు. తార్కిక, హేతుబద్ధమైన అవగాహన పెరుగుతుందని తెలిపారు. జనవిజ్ఞాన వేదిక రాష్ట్ర కమిటీ సభ్యులు నరసయ్య మాట్లాడుతూ.. సైన్స్‌ అనేది సత్యం అని సైన్స్‌ను సైన్స్‌ లాగానే చదివి అర్థం చేసుకోవాలన్నారు. పరీక్షలో మొత్తం 42 టీంలు పాల్గొన్నాయి. అత్యుత్తమ మార్కులు సాధించిన విద్యార్థులను రాష్ట్రస్థాయికి ఎంపిక చేశారు. ఇందులో గౌరవ అధ్యక్షుడు ఆకుల సుదర్శన్‌, జిల్లా కన్వీనర్‌ నారాయణవర్మ, ఉపాధ్యాయులు వందన, నాగరాజు, నభి తదితరులు పాల్గొన్నారు.
