ముగిసిన మొదటి విడత నామినేషన్లు

నిర్మల్‌చైన్‌గేట్‌: జిల్లాలోని ఆరు మండలాల పరిధిలో మొదటి దశ పంచాయతీ ఎన్నికలకు సంబంధించిన నామినేషన్ల స్వీకరణ పర్వం శనివారం సాయంత్రం ముగిసింది. మొదటి విడతలో 136 గ్రామ పంచాయతీలకు, 1072 వార్డులకు నామినేషన్లు స్వీకరించారు. ఆదివారం నామినేషన్ల పరిశీలన ఉంటుందని, అదే రోజు చెల్లుబాటు అయిన నామినేషన్ల వివరాలు వెల్లడిస్తారని అధికారులు తెలిపారు. సోమవారం అప్పీల్‌ స్వీకరణ, డిసెంబర్‌ 2న అప్పీళ్ల పరిష్కారం ఉంటుందని పేర్కొన్నారు. డిసెంబర్‌ 3న నామినేషన్ల ఉపసంహరణ గడువు ముగుస్తుంది. అదేరోజు పోటీలో ఉన్న అభ్యర్థుల వివరాలను వెల్లడిస్తారు. వచ్చేనెల 11న పోలింగ్‌, ఓట్ల లెక్కింపు, ఉపసర్పంచ్‌ ఎన్నిక జరుగుతాయని అధికారులు తెలిపారు.

ముగిసిన మొదటి విడత నామినేషన్లు