భీమన్నగుట్ట పరిరక్షణకు చర్యలు

నిర్మల్‌చైన్‌గేట్‌: పట్టణంలోని భీమన్నగుట్ట భూముల పరిరక్షణకు చర్యలు తీసుకుంటామని కలెక్టర్‌ అభిలాష అభినవ్‌ హామీ ఇచ్చారు. కలెక్టరేట్‌లోని తన చాంబర్‌లో నిర్మల్‌ ముదిరాజ్‌ సంఘ బృందం సభ్యులతో శనివారం సమావేశం నిర్వహించారు. భీమన్న గుట్ట భూముల ఆక్రమణపై ప్రభుత్వానికి నివేదికలు పంపినట్లు చెప్పారు. ప్రభుత్వ ఆదేశాల మేరకు సమస్యను పరిష్కరించేలా చర్యలు తీసుకుంటామన్నారు. ఆర్డీవో కార్యాలయం ముందు చేపట్టిన ఆందోళనలు విరమించాలని కోరారు.

సమావేశంలో ముదిరాజ్‌ సంఘ రాష్ట్ర ప్రధాన కార్యదర్శి యాటకారి సాయన్న, జిల్లా అధ్యక్షుడు గణేశ్‌, రాష్ట్ర ఉపాధ్యక్షుడు సాయి, యువజన సంఘ అధ్యక్షుడు రాజేశ్‌, ప్రధాన కార్యదర్శి చరణ్‌, ఉపాధ్యక్షులు అర్జున్‌ రాజ్‌ పాల్గొన్నారు.

దీక్ష విరమణ...

కలెక్టర్‌ అభిలాష అభినవ్‌ ఆదేశాల మేరకు, భీమన్నగుట్ట సమస్య పరిష్కారానికి ఐదు రోజులుగా ఆందోళన చేస్తున్న వారికి ఆర్డీవో రత్నకళ్యాణి, నిమ్మరసం అందించి దీక్షను విరమింపజేశారు. తమ ఆందోళనలను అర్థం చేసుకుని, సమస్య పరిష్కారానికి చొరవ తీసుకున్న కలెక్టర్‌కు కృతజ్ఞతలు తెలిపారు.